Qaradağda məktəblinin müəmmalı ölümü — FOTO

Qaradağda məktəblinin müəmmalı ölümü
10:16
18.03.2017
125
Hadisə
A
Dünən səhər saatlarında Qaradağ rayonu Qızıldaş qəsəbəsində yaşadığı evin yaxınlığında meyiti tapılan 13 yaşlı Toğrul Sultanovun ölümü ilə bağlı çoxsaylı suallar qalmaqdadır.

"Ölkə.Az" xəbər verir ki, Lent.az-ın əməkdaşı hadisənin baş verdiyi yerdə olub və meyitin tapıldığı əraziyə gedib. 

Ailə üzvləri və qohumları 13 yaşlı Toğrulun kanalizasiya suyunun axdığı bataqlıqda necə ölə biləcəyini hələ də dərk edə bilmirlər. Yeniyetmənin atası Zaur Sultanov bildirib ki, uşağın sudurğa keçirməsi ehtimalı da mümkün deyil: 

“Əvvəlcə dedilər, guya sudurğası tutub. Uşaq martın 15-i günortadan itib, martın 16-sı səhər meyiti tapılıb. Bu necə ola bilər? Uşağın bədənində xəsarət yox idi. Amma ona iynə vurub, narkotik verib öldürə bilərlər. Sonra da meyitini gətirib həmin əraziyə ata bilərlər. Həm də sağlam uşaq idi. Gördüyünüz bu hasarları hörməkdə mənə kömək edib. Necə ola bilər ki, daş hörə bilən uşaq xəstə olsun?”.

Müəmmalı şəkildə vəfat etmiş Toğrulun atası oğlunun öləndən sonra meyitinin həmin əraziyə gətirildiyinə inanır: 

“Paltarlarının bir hissəsi hələ quru idi. Qəsəbədə it əlindən çölə çıxmaq mümkün deyil. Necə ola bilər ki, meyit o qədər vaxtı həmin yerdə qalsın, it-qurd ona toxunmasın?”.

Qohumlarının sözlərinə görə, martın 15-də orta məktəb şagirdlərinin bir çoxu Lökbatan qəsəbəsində keçirilən tədbirə yollanıb. 180 saylı orta məktəbin 7-ci sinif şagirdi olan Toğrul isə tədbirə getməyərək evə qayıdıb. Onun evə qayıtmasını əks etdirən görüntü qonşunun müşahidə kamerasına düşüb. Lakin Toğrul evi tərk edərkən ön tərəfdən, yəni qonşunun kamerasının əhatə dairəsi olan yerdən deyil, hasar istiqamətini seçib. Atası Zaur Sultanov deyir ki, tədbirdən qayıdan böyük oğlu Toğrulu evdə tapa bilməyib: 

“Daha sonra hamı axtarmağa başlayıb. Mən də işdən təxminən saat 7-də gələndə xəbər tutdum. Bütün gecəni axtarmışıq. Meyitin tapıldığı yerə də dəfələrlə baxılıb. Amma görən olmayıb. Ayın 15-də saat 2 ilə 9 arası onu heç kim görməyib. Mən daş karxanasında işləyirəm, böyük əziyyətlə çörəkpulu qazanıram, 3 uşaq böyüdürəm. Heç onları istədiyim kimi yedizdirə bilmirəm. Bunlar mənim başıma niyə gəlməlidir ki?”.

Mərhumun əmisi oğlu Tural Sultanov əlavə etdi ki, meyitin tapıldığı yerdə başqa ayaq izləri var: “Bir insan palçıqlığa, bataqlığa girib özünü boğa bilərmi? Əgər o, özü gəlib bu lilin içində ölübsə, onda ayaqqabıları ilə batmalı idi. Amma təmiz idi. Suyun üzərində onun bədən forması hələ də qalıb. Əgər orda can veribsə, çabalamalı, ətrafa əl-qol atmalı deyildimi? Həm də burada camaat mal-qarasını otarır. Səhər saat 6-7 arası buradan keçən olub və meyiti görən olmayıb. Məlum olur ki, burada nə isə başqa əməl var”.

Toğrulun əmisi isə bildirdi ki, Qızıldaşdan su kanalı keçmir: 

“Deyirlər ki, guya su kanalında boğulub, intihar edib. Bu qəsəbəyə su boru ilə gəlir və qəsəbədə su kanalı deyilən şey yoxdur”.

Hadisə yerinə baxış keçirərkən məlum oldu ki, meyitin tapıldığı yer Toğrulun yaşadığı evdən təxminən 200-250 metr məsafədədir və bura birbaşa getmək üçün qonşunun müşahidə kamerasının əhatə dairəsinə düşmək lazımdır.

Qeyd edək ki, əslən Yardımlı rayonundan olan və ailənin ortancıl uşağı olan 13 yaşlı Toğrul martın 15-də saat 14 radələrində evdən çıxıb. Onun meyitini martın 16-da saat 07:30 radələrində Qızıldaşda yerləşən beşmərtəbəli binanın qarşısındakı bataqlıq sahədə bibisi tapıb. Bibisi səhər qardaşıgilə gedərkən yol kənarında uşağın cəsədini görüb və bu barədə məlumat verib.

Faktla bağlı Qaradağ Rayon Prokurorluğunda araşdırmalara başlanılıb.

Ölkə.Az

ŞƏRH YAZ
0

Şəkidə zəlzələ

Şəkidə zəlzələ
21:05
Bu gün
317
Hadisə
A
Şəki şəhərində 3,2 maqnituda gücündə zəlzələ olub.

“Ölkə.Az” AMEA-nın Respublika Seysmoloji Xidmət Mərkəzinə istinadən xəbər verir ki, ilkin məlumatlara əsasən, zəlzələ yerli vaxtla 19:21:19 -də Şəki-dən 11 km cənub-şərqdə Oğuz ərazisində qeydə alınıb.

Yeraltı təkanların ocağı yerin 21 km dərinliyində yerləşib.

Ölkə.Az

ŞƏRH YAZ
0

Azərbaycanda 24 yaşlı qızın boğazını niyə kəsdilər?

Azərbaycanda 24 yaşlı qızın boğazını niyə kəsdilər?
18:53
Bu gün
2265
Hadisə
A
Hacıqabul rayonunun Muğan qəsəbəsində törədilmiş dəhşəti qətl hadisəsi ilə bağlı yeni faktlar üzə çıxıb.

"Ölkə.Az" Lent.az-a istinadən xəbər verir ki, 1994-cü il təvəllüdlü İsmayılzadə Ayəddin Elman oğlu qətlə yetirdiyi xalası qızı – 24 yaşlı Məlikli Rəvanə Məlikağa qızı ilə nişanlanmağa hazırlaşırmış.

İlkin araşdırmalar zamanı məlum olub ki, A.İsmayılzadənin böyük qardaşı Rəvanənin bacısı ilə ailə həyatı qurub. Bu yaxınlarda isə o, gəlinlərinin bacısı, yəni xalasının kiçik qızı ilə nişanlanacaqmış. Rəvanə ilə Ayəddin arasında sevgi münasibətinin olduğu bir çoxlarına məlum imiş.

Xalası qızının boğazını kəsdikdən sonra bıçağı onun sinəsinə sancaraq polis şöbəsinə gedən gənc oğlan qətli qısqanclıq zəminində törətdiyini deyib. Lakin o, şok vəziyyətində olduğundan məntiqli və konkret səbəb göstərə bilməyib.

O da məlum olub ki, sevgilisi olan xalası oğlu trəfindən öldürülən 24 yaşlı Rəvanə dindar imiş və bu yaxınlarda İranda Məşhəd ziyarətində olub.

Faktla bağlı araşdırmalar davam etdirilir.

Ölkə.Az

ŞƏRH YAZ
0
BAĞLA