Qardaşı tərəfindən bıçaqlanan Qılman həbsə düşdü: 70 yaşlı anasını döyürmüş…

Qardaşı tərəfindən bıçaqlanan Qılman həbsə düşdü: 70 yaşlı anasını döyürmüş…
14:57
19.03.2017
161
Hadisə
A
Kamran və Qılman Əlicanov qardaşları həbsdədir. Onlardan biri narkotik maddə istifadəsinə, digəri isə öz qardaşını bıçaqladığına görə həbs edilib. Onların 5 azyaşlı uşağı 70 yaşlı analarının himayəsində qalıb. 70 yaşlı ana ikinci oğlunun həbs edilməsini məhkəmə zalında öyrənib.

Ölkə.Az Musavat.com-a istinadən xəbər verir ki, Bakı Ağır Cinayətlər Məhkəməsində qardaşını bıçaqlamada təqsirləndirilən Kamran Əlicanovun cinayət işi üzrə məhkəmə prosesi keçirilib. Hakim Mayıl Bayramovun sədrliyi ilə keçirilən prosesdə K.Əlicanov böyük qardaşı olan Qılmanı bıçaqlamasının səbəbini danışıb.

Hadisə Abşeron rayonu Qobu qəsəbəsində baş verib. Qəsəbə sakini 39 yaşlı Kamran Əlicanov məhkəmədə deyib ki, qonşuları Vüsal adlı şəxslə münasibətləri bir müddət imiş ki, korlanıbmış. Onlar arasında dava olub və bir-birlərini təhqir ediblər. Bu hadisədən bir neçə gün sonra Kamran onu təhqir edən qonşusu Vüsalın qardaşı ilə söhbət etdiyini və onların evinin qarşısında dayandığını görüb.

K.Əlicanov deyir ki, bu gördükləri onu və qəzəbləndirib: “Evə gələndə gördüm ki, Vüsal Qılmanla bizim qapının ağzında oturub söhbət edirlər. Vüsala dedim ki, yekə kişisən. Məni söydüyün bəs deyil, indi də gəlib qapımızda oturmusan? Mən də qardaşımla küsülü idim. Uzun müddət idi ki, bir-birimizlə danışmırdıq. Vüsalla mübahisə edəndə qardaşım onun tərəfini saxladı və məni təhqir etməyə başladı. Sonra anamın, uşaqların yanında məni döyməyə başladı. Mən də özümü müdafiə etmək üçün bıçaq götürdüm. Həmin vaxt özümə cavabdeh ola bilmədim. Elə oldu ki, bıçaq Qılmana girdi. Onu vurmaq niyyətim yox idi. Amma Qılman heç kimi saymırdı. Anamın, uşaqların yalvarmasına baxmayaraq məndən əl çəkmirdi”.

K.Əlicanova Cinayət Məcəlləsinin 126.2.3-cü (xüsusi amansızlıqla, zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı sağlamlığa ağır xəsarət yetirmə) maddəsi ilə cinayət işi açılıb. Məhkəmədə dövlət ittihamçısı bildirib ki, K.Əlicanova belə ağır maddə ilə ittiham irəli sürülməsinə səbəb hadisənin azyaşlı uşaqların gözü qarşısında törədilməsidir.

Cinayəti törətməkdə təqsirləndirilən Kamran Əlicanovun 3, Qılman Əlicanovun isə 2 azyaşlı uşağı var. Onlar eyni həyətdə yaşayırmışlar və hadisə də uşaqların gözü qarşısında baş verib. Məhkəmədə məlum olub ki, bıçaqlanan Qılman Əlicanov 20 il məhkumluq həyatı yaşayıb. O, bir ildən artıq imiş ki, azadlığa çıxıb.

Məhkəməyə zərərçəkmiş kimi tanınan, qardaşı tərəfindən bıçaqlanan Qılman Əlicanov da gətirilib. Bir neçə gün əvvəl həbs olunan Qılman Əlicanov məhkəməyə əlləri qandalda gətirilib. Qılman Əlicanovun anası məhkəmə zalında öyrənib ki, böyük oğlu da həbs edilib. Qılam Əlicanov bir neçə gün əvvəl həbs olunduğunu deyib. Onun həbsindən ailəsinin xəbəri olmayıb. İkinci oğlunun da həbs edildiyini görən ana məhkəmədə göz yaşlarını saxlaya bilməyib.

Qılman Əlicanov narkotik vasitədən istifadədə təqsirləndirilərək həbs edildiyini, ancaq günahsız olduğunu bildirib: “Bir neçə gün əvvəl məni bölməyə apardılar. Zəhrimarı qoydular qabağıma ki, sənindir. Sonra da tutdular”.

Qılman Əlicanov qardaşını bağışladığını və heç bir şikayətinin olmadığını deyib: “Qonşu ilə dava edirdi. Mən də bir sillə vurdum ki, sakitləşsin. Sonra biz də dalaşdıq. O da məni vurdu. İndi nə şikayətim olacaq? İmkan varsa, buraxın getsin”.

Qılman və Kamran Əlicanov qardaşlarının anası məhkəməyə müraciət edib. 70 yaşlı qadın heç olmasa oğlu Kamranın azadlığa buraxılmasını məhkəmədən xahiş edib: “Bir ana kimi sizdən xahiş edirəm, yalvarıram. 2 ailə başısz qalıb. Mən də həyat yoldaşımı itirmişəm. İki gəlinim, 5 nəvəmlə qalmışıq ortalıqda. 120 manat pensiya alıram. Bilmirəm onları necə dolandırım. Sizdən xahiş edirəm ki, bizim bu ağır vəziyyətimizi nəzərə alasınız”.

Məhkəməyə şahidlərdən Qılman Əlicanovun həyat yoldaşı Anarə Əlicanova gəlməyib. O, məhkəmənin çağırışlarına məhəl qoymayaraq prosesə gəlməkdən imtina edib.

Qılman Əlicanov isə bildirib ki, arvadının məhkəməyə gəlməsinə ehtiyac yoxdur: “Gəlib nə deyəcək? Kamran məni vurub, mən də izahat yazdım ki, bağışlayıram. Guya gəlsə, nəsə dəyişəcək?”

Hakim isə bildirib ki, şahid məhkəməyə gəlməli və istintaqa verdiyi ifadəsini təsdiq etməlidir. Əlicanov qardaşlarının anası gəlinini növbəti prosesə gətirəcəyini bildirib.

Məhkəmədə o da məlum olub ki, hazırda həbsdə olan Qilman Əlicanov 70 yaşlı anasını da döyübmüş.

ŞƏRH YAZ
0

Məktəbdən evə qayıdan qızı zorla qaçırdılar — 2 nəfər tutuldu

Məktəbdən evə qayıdan qızı zorla qaçırdılar
00:40
Bu gün
847
Hadisə
A
Ağdaş rayonunda yetkinlik yaşına çatmayan qızı zorla avtomobilə mindirərək Yevlax rayonuna qaçıran şəxslər tutulub.

"Ölkə.Az"ın APA-ya istinadən xəbərinə görə iyunun 12-də rayonun Korarx kənd sakini, 1986-cı il təvəllüdlü Xəlilov Rövşən Marif oğlu qonşusu olan qızı, Korarx kənd orta məktəbinin 11-ci sinif şagirdi A.C.-ni qaçırıb. Rövşən Xəlilov orta məktəbdən evə qayıdan 17 yaşlı qızı küçədə zorla tutaraq rayonun Yuxarı Nemətabad kənd sakini, 1986-cı il təvəllüdlü Mustafayev Maqsud Əhmədiyə oğlunun idarə etdiyi 03-BC-528 dövlət nömrə nişanlı “VAZ 21011” markalı minik avtomobilinə mindirib və Yevlax rayonunun Əkşəm kəndinə aparıb.

Qızın valideynləri dərhal Ağdaş rayon Polis Şöbəsinə şikayət ərizəsi ilə müraciət ediblər. Polis əməkdaşları tərəfindən keçirilən əməliyyat-axtarış tədbirləri nəticəsində qabaqcadan əlbir olan və yeniyetmə qıza zor tətbiq edərək onu qaçıran şəxslər tutularaq istintaqa təhvil verilib. Sağ-salamat ailəsinə təhvil verilən qız qonşusu Rövşən Xəlilovla ailə qurmaq istəmədiyini, bir kənddə yaşamalarına baxmayaraq onunla əvvəllər heç bir ünsiyyəti olmadığını və zorla qaçırıldığını bildirib.

Faktla bağlı Ağdaş rayon Polis Şöbəsi tərəfindən Cinayət Məcəlləsinin 144.3-cü maddəsi ilə (adam oğurluğu) cinayət işi açılıb. Hər iki şəxsi 10 ildən 15 ilədək həbs cəzası gözləyir.   

Ölkə.Az

ŞƏRH YAZ
0

Şəkidə avtobus qəzası — 4 yaralı var, 2-si tələbədir + FOTO

Şəkidə avtobus qəzası
23:58
19.06.2018
767
Hadisə
A
Şəkidə sərnişin avtobusu yük maşını ilə toqquşub.

"Ölkə.Az"ın APA-ya istinadən verdiyi məlumata görə, hadisə bu gün 17.00 radələrində Yevlax-Zaqatala-Gürcüstan sərhəd magistral yolunun Şəki rayonunun Cəfərabad kəndi ərazisindən keçən hissəsində qeydə alınıb. "İsuzu” markalı, 45-ƏC-475 dövlət nömrə nişanlı sərnişin avtobusu 90 XO 837 dövlət nömrə nişanlı yük maşını ilə toqquşub. Qəza nəticəsində yaralanan 4 nəfər Şəki Mərkəzi Rayon Xəstəxanasına (MRX) aparılıb.

Qəza nəticəsində daxil olan yaralılar Şəki şəhər sakinləri 1987-ci il təvəllüdlü Seymur Şahid oğlu Məmmədov, 1997-ci il təvəllüdlü Ruslan Aydın oğlu Hacıyev, 1998-ci il təvəllüdlü Elçin Qurban oğlu Qəribov və Ağdaş rayon sakini 1979-cu il təvəllüdlü Anar Rəfayıl oğlu Baxışovdur.
 
Yaralılardan Ruslan Hacıyevin vəziyyəti ağır olduğundan reanimasiya şöbəsinə, Anar Baxışov isə cərrahiyə şöbəsinə yerləşdirilib. Elçin Qəribovun və Seymur Məmmədovun vəziyyəti yüngül olduğundan onlar müayinə edildikdən sonra ambulator müalicə almaq şərti ilə evə buraxılıblar.

Yaralılardan Ruslan Hacıyev və Elçin Qəribov Mingəçevirdə fəaliyyət göstərən ali təhsil məktəblərinin birinin tələbələridir. Qəza baş verən zaman xəstəxanaya daxil olan yaralıların hamısı Şəki-Mingəçevir marşrutu ilə hərəkət edən sərnişin avtobusunda olublar.

Qəza zamanı avtobusda 20 nəfər sərnişinin olduğu bildirilir.

Ölkə.Az

ŞƏRH YAZ
0
BAĞLA