“Qardaşımı dostu öldürdü” — Əməkdar artist efirdə göz yaşına boğuldu - VİDEO

“Qardaşımı dostu öldürdü”
13:38
12.10.2018
3633
Maqazin
A
“Mən çox istiyərdim ki, qardaşım yanımda olsun. Qardaş mövzusu mənim yaralı yerimdir. Onu 25 yaşında çox cavan itirdik”

"Ölkə.Az" xəbər verir ki, bu sözləri ARB TV-nin “Səhər-Səhər” proqramına qonaq olan əməkdar artist Nahidə Orucova deyib. 

Əməkdar artist daha sonra göz yaşları içində qardaşının dəhşətli ölüm səbəbindən danışıb:

“Böyüklə böyük, kiçiklə kiçik idi. Ailə dostumuz ondan pul istəyib. O isə olmadığı üçün yox deyib. Həmin adam gecə qardaşımın yanına gedib və yatdığı yerdə butulkanın arxası ilə vurub. Yatan yerdə heç ilan adama yaxın gəlməz”. 

Qəhərdən boğulan əməkdar artistə efirə qonaq olan müğənni Rahidə Baxışova təsəlli verib.

Müğənni 2 qardaşını itirməsindən söz açaraq Nahidə Orucovanı yaxşı başa düşdüyünü bildirib:

“Mən qardaş itkisinin nə demək olduğunu bilirəm. Allah səbr versin. Mən də 2 qardaş itkisi yaşamışam. Ailədə 4 uşaq idik. İki qardaş və iki bacı. Qardaşlarımdan biri ürək çatışmazlığından, biri isə insult keçirərək həyatını itirdi. 10 il fərqlə, biri 25, digəri isə 35 yaşında...”.

ŞƏRH YAZ
0

Tanınmışlar İnstaqramda — FOTOLAR

Tanınmışlar İnstaqramda
22:55
24.05.2019
1443
Maqazin
A
Tanınmış şou-biznes nümayəndələri, incəsənət adamları İnstaqram sosial şəbəkəsində yeni fotolarını yayıblar.

"Ölkə.Az" məşhurların paylaşdığı son fotoları təqdim edir:

 

Ölkə.Az

ŞƏRH YAZ
0

Niyamın "çör-çöp" qalmaqalına münsiflər də qoşuldu

Niyamın
21:46
24.05.2019
994
Maqazin
A
Müğənni Niyam Salaminin "Yenu ulduz" ifaçılarını "çör-çöp" adlandırması ətrafında qalmaqal səngimək bilmir.

"Ölkə.Az"ın məlumatına görə, bu dəfə yarışmada münsif kürsüsündə oturan Xalq artisti Mübariz Tağıyev və "Soy" prodakşının və layihənin rəhbəri Oqtay Əliyev məsələyə fikir bildirib.

O.Əliyev axşam.aza açıqlamasında "Yeni ulduz" iştirakçılarının Azərbaycan estradasındakı rolundan bəhs edib:

"Onun sözlərinin iki mənası var: əgər Niyam bunu qara, pis, atmaca, sancma fikri ilə desəydi, münasibət başqa olardı. Niyam burada bənzətmə edib. Əslində, şou-biznesi, insanları əşyaya bənzətmək düz deyil. Yenə də ümid edirəm ki, onun çörək kəsdiyi, münasibəti olduğu insanlara qarşı fikri pis olmayıb.

Amma həmin o, "çör-çöp"lər Azərbaycan estrada janrında öz sözünü demiş, dünya səhnələrini fəth etmiş gənclərdir. Safura, Aysel, Çingiz, İlhamə, Elvin, Azad Şabanov və başqaları tanınır. Bunların heç biri küncdə, bucaqda, səviyyəsiz, mənasız mahnılar oxuyub, çıxıb onla-bunla qalmaqal edənlər deyil. Onlar qısa vaxt da olsa, bir məktəb keçdilər. Həmin ifaçılar bu məktəbin əlaçı tələbələridir.

Hamımız da ümidvarıq ki, gələcək onların əlindədir. Dedikləri "çör-çöp"lər Azərbaycan estradasında balaca da olsa, imza qoyacaqlar".

M.Tağıyev isə Niyam adlı bir müğənni tanımadığını deyib:

"O, kimdir? Tanımıram... "Çör-çöp" sözünə gəldikdə isə... Onlar məktəb keçiblər, mötəbər müsabiqələrə qatılıblar. Nələr etdiklərini hamı bilir. Kiməsə "çör-çöp" deməzdən əvvəl, həmin müğənni özü gedib nəsə etsin, tanınsın, yadda qalsın. Bu cür insanların sözlərinə fikir vermək lazım deyil".

Qeyd edək ki, Niyamın "çör-çöp" ifadəsinə müğənnilər İlhamə Qasımova, Aygün İsmayılova, Elvin Abdullayev, Aysel Əlizadə öz etirazını bildirmişdi. N.Salami isə onları özlərini reklam etməkdə ittiham etmişdi.

Ölkə.Az

ŞƏRH YAZ
0
BAĞLA