Qarpız satışa çıxdı — QİYMƏTLƏR

Qarpız satışa çıxdı
23:36
18.06.2017
443
Ölkə
A
Artıq yerli qarpız bazarlara axın etməyə başlayıb. Qiymətlər isə 50 qəpikdən başlayır 80 qəpiyə qədər yüksəlir.

Ölkə.Az bildirir ki, alıcılardan yeni qarpızın dadının yerində olduğunu deyənlər də var. Ancaq əksər alıcılar qarpızın mövsümünün hələ irəlidə olduğunu əsas gətirərək qarpız almırlar.

Kənd Təsərrüfatı Nazirliyi yanında Dövlət Fitosanitar Nəzarəti Xidmətinin rəhbəri Camal Quliyev bildirdi ki, öncədən ilk qarpız Azərbaycana İran və Türkiyədən gətirilirdi . Ancaq artıq yerli məhsullar bazarda əsas rıol oynayır. Xidmət rəisinin sözlərinə görə sahələrdə qarpızlar qurumun əməkdaşları tərəfindən yoxlanılır və satışına icazə veriləndən sonra bazarlara çıxarılır. Buna görə vətəndaşlar rahatlıqla qarpız alıb yeyə bilərlər. Ancaq qarpızın kəsildikdən sonra bir sutka ərzində dərhal istehlak edilməsi tələb olunur. Əks halda müəyyən sağlıq problemlərə səbəb ola bilər. /xezerxeber.az

 

ŞƏRH YAZ
0

Novruz Məmmədov yeni qərar imzaladı

Novruz Məmmədov yeni qərar imzaladı
01:20
Bu gün
3478
Ölkə
A
Nazirlər Kabineti "Yaşıllıqların bərpası Qaydası"na əlavə edib.

"Ölkə.Az" xəbər verir ki, müvafiq qərarı baş nazir Novruz Məmmədov imzalayıb.

Qərara əsasən yaşıllıqların götürülməsi (kəsilməsi) halında yaşıllıqların bərpası yaşıllığı götürən (kəsən) subyektlər tərəfindən və ya onların vəsaiti hesabına istifadəsində olan torpaqlarda mərkəzi icra hakimiyyəti orqanları, digər torpaq sahələrində isə yerli icra hakimiyyəti orqanları və ya Azərbaycan Respublikası Nazirlər Kabinetinin Azərbaycan Respublikası Mənzil İnşaatı Dövlət Agentliyinin sərəncamına verdiyi torpaq sahələrinə münasibətdə Azərbaycan Respublikasının Mənzil İnşaatı Dövlət Agentliyi, bələdiyyələr, fiziki və hüquqi şəxslər, qeyri-hökumət təşkilatları tərəfindən aparılır.

Ölkə.Az

ŞƏRH YAZ
0

Nazirlər Kabinetindən yeni qərar — Siyahı dəyişdirildi

Nazirlər Kabinetindən yeni qərar
01:08
Bu gün
2001
Ölkə
A
Nazirlər Kabineti "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların Siyahısı"nda dəyişiklik edib.

"Ölkə.Az"ın məlumatına görə, dəyişikliyə əsasən “Elektron Hökumətin İnkişafı Mərkəzi” publik hüquqi şəxs Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların siyahısına daxil edilib.

Bununla da Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin strukturuna daxil olmayan tabeliyindəki qurumların sayı 3-ə çatıb. İndiyə qədər bu siyahıya "İnnovasiyalar Mərkəzi” Məhdud Məsuliyyətli Cəmiyyət və “ABAD” publik hüquqi şəxs daxil olub.

Qeyd edək ki, “Elektron Hökumətin İnkişafı Mərkəzi” publik hüquqi şəxs Azərbaycan prezidenti İlham Əliyevin “Elektron hökumətin inkişafı və rəqəmsal hökumətə keçid ilə bağlı tədbirlər haqqında” 14 mart 2018-ci il tarixli fərmanına əsasən yaradılıb. Fərmanda qeyd edilib ki, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində “Elektron Hökumətin İnkişafı Mərkəzi” publik hüquqi şəxs yaradılsın.

Ölkə.Az

ŞƏRH YAZ
0
BAĞLA