KORONAVİRUSA YOLUXANLARIN SAYI - CANLI STATİSTİKA

“Qarşıya qoyulan tapşırıqlar bundan sonra da əzmlə yerinə yetiriləcək” — Vilayət Eyvazov

“Qarşıya qoyulan tapşırıqlar bundan sonra da əzmlə yerinə yetiriləcək”
20:18
15.01.2020
1516
Siyasət
A
Bu gün DİN-in Əlahiddə Çevik Polis Alayında 2019-cu il ərzində görülmüş işlərin yekunlarına və qarşıda duran vəzifələrə həsr olunmuş əməliyyat müşavirəsi keçirilib.

"Ölkə.Az" bildirir ki, DİN-in Mətbuat Xidmətindən "Report"a bildirilib ki, tədbirdə çıxış edən Daxili İşlər naziri, general-polkovnik Vilayət Eyvazov Azərbaycan Respublikasının Prezidenti İlham Əliyevin rəhbərliyi altında inkişaf və tərəqqi strategiyasının uğurla davam etdirildiyini, ölkəmizdə mövcud olan sabitlik və təhlükəsizlik şəraitinin daha da möhkəmləndiyini, ictimai asayişin ötən ildə də etibarlı qorunduğunu vurğulayıb, görülən işlərdə, əldə edilən müsbət nəticələrdə Əlahiddə Çevik Polis Alayının şəxsi heyətinin də böyük əməyi olduğunu diqqətə çatdırıb.

Sonra Alay komandiri, polis general-mayoru Səhlab Bağırov hesabat dövrünün yekunları və qarşıda duran vəzifələr barədə məruzə ilə çıxış edərək görülən işlərin nəticələrindən, xidməti fəaliyyətdə yol verilən nöqsan və çatışmazlıqlardan, onların qısa müddətdə aradan qaldırılması istiqamətində həyata keçiriləcək tədbirlərdən danışıb.

Müşavirəyə yekun vuran nazir Vilayət Eyvazov xidməti vəzifələrin uğurla yerinə yetirilməsi üçün ölkə rəhbərliyi tərəfindən hər cür şəraitin yaradıldığını, şəxsi heyətin hərtərəfli dövlət qayğısı ilə əhatə olunduğunu nəzərə çatdırıb. O, əmin olduğunu bildirib ki, Əlahiddə Çevik Polis Alayının şəxsi heyəti ictimai qaydanın qorunması və ictimai təhlükəsizliyin təmini, cinayətlərin və digər hüquqpozmaların qarşısının alınması üzrə vəzifələri, qarşıya qoyulan bütün tapşırıqları bundan sonra da əzmlə yerinə yetirəcək, göstərilən etimadı sədaqətli xidməti ilə doğruldacaq.

Sonda ötən il xidməti vəzifələrin icrasında fərqlənmiş bir qrup əməkdaşın təltif olunması barədə Daxili İşlər nazirinin müvafiq əmrləri elan olunub və mükafatlar sahiblərinə təqdim edilib.

ŞƏRH YAZ
0

“Fövqəladə vəziyyət haqqında” qanunun icrası ilə bağlı fərmana dəyişiklik edildi

“Fövqəladə vəziyyət haqqında” qanunun icrası ilə bağlı fərmana dəyişiklik edildi
18:01
Bu gün
28
Siyasət
A
Prezident İlham Əliyev “Fövqəladə vəziyyət haqqında” Azərbaycan Respublikası Qanununun icrasının təmin edilməsi barədə” Azərbaycan Respublikası Prezidentinin 2005-ci il 19 yanvar tarixli 175 nömrəli fərmanında dəyişiklik edilməsi haqqında fərman imzalayıb.

"Ölkə.Az" xəbər verir ki, dəyişikliyə əsasən, fövqəladə vəziyyət rejimini təmin etmək üçün Fövqəladə Hallar Nazirliyinin də qüvvə və vasitələrindən istifadə olunacaq.

Beləliklə, həmin qanunun 11-ci, 15.1-ci və 28-ci maddələrində nəzərdə tutulmuş "müvafiq icra hakimiyyəti orqanları"nın və 12.2.5-ci maddəsində nəzərdə tutulmuş "müvafiq icra hakimiyyəti orqanı"nın səlahiyyətlərini Daxili İşlər Nazirliyi, Fövqəladə Hallar Nazirliyi, Dövlət Təhlükəsizliyi Xidməti, Xarici Kəşfiyyat Xidməti və Dövlət Sərhəd Xidməti öz səlahiyyətləri daxilində həyata keçirəcəklər.

Qanunda göstərilib ki, müvafiq icra hakimiyyəti orqanlarının qüvvə və vasitələri müvafiq icra hakimiyyəti orqanının qüvvələri tərkibində fövqəladə vəziyyətin tətbiq edilməsi üçün əsas olmuş halların aradan qaldırılmasında və insanların həyatının xilas edilməsində iştirak edilməsi məqsədilə cəlb olunur.

ŞƏRH YAZ
0

Elnur Allahverdiyevdən maraqlı təklif — Yaşı 65-dən yuxarı insanlar evdən çıxmadan təqaüdlərini belə ala bilər

Elnur Allahverdiyevdən maraqlı təklif
17:29
Bu gün
1342
Siyasət
A
“Nazirlər Kabineti yanında operativ qərargahın tətbiq etdiyi qadağa və məhdudiyyətlər şəraitində yaşlı nəslin nümayəndələrinin təqaüdlərini almaları prosesi bir sıra çətinliklərlə müşayiət oluna bilər”.

"Ölkə.Az" xəbər verir ki, bunu Oxu.Az-a açıqlamasında Milli Məclisin deputatı Elnur Allahverdiyev deyib.

Millət vəkilinin sözlərinə görə, bu məhdudiyyət və qadağalar vətəndaşlarımızın təhlükəsizliyinin təmin olunması və yoluxma hallarının daha geniş miqyasda yayılmasının qarşısının alınmasına yönəlib.

“Məhdudiyyət, qadağa tətbiq olunarkən ortaya müəyyən çətinliklərin çıxması təbii haldır və onların mümkün həlli yolları diqqətimizdən kənarda qalmamalıdır. 

Xüsusi karantin rejimi şəraitində bu virusun xüsusiyyətləri etibarilə yaşlı nəslin nümayəndələrinin, daha dəqiq desək, yaşı 65-dən yuxarı olan vətəndaşlarımızın evlərini tərk etməsi qadağan olunub.

Nəinki qadağan edilir, hətta əks halda onlara qarşı cəza tədbirləri də görülə bilər. Təbii ki, sözügedən qadağa bu yaş kontingentinə aid olan şəxslər üçün bir sıra çətinliklər yaradır, məsələn, ərzaqla və ya dərman ləvazimatları ilə təminat problemi.

Vətəndaşlarımızın bir qisminin övladları, qohumları, etibar etdiyi şəxslər var. Həmin şəxslər vətəndaşların müəyyən məhsullara ehtiyaclarının təmin olunmasına kömək göstərə bilərlər. Eyni zamanda, bu yaş qrupuna aid tənha vətəndaşlarımız da var.

Dövlətin problemə dair mövqeyi bundan ibarətdir ki, belə tənha şəxslərə sosial xidmət sahəsinin işçiləri lazımi köməyi göstərməlidirlər. Artıq bu istiqamətdə müvafiq çağrı mərkəzi fəaliyyət göstərir. Ancaq daha bir məqam var ki, diqqətimizdən qaçmamalıdır: 65-dən yuxarı yaşda olan təqaüdçü vətəndaşlarımızın təqaüdlə təminatı”, - deyə deputat qeyd edib. 

E.Allahverdiyev problemin həlli istiqamətində bir sıra təxirəsalınmaz addımların atılmasına ehtiyac olduğunu bildirib:

“Birincisi, bankomatlar əksər hallarda faktiki yaşayış ünvanlarından aralıda yerləşir. Bu səbəbdən vətəndaş müəyyən məsafəni qət etməlidir. Əgər 65 yaşından yuxarı olan vətəndaşa evdən çıxmağa icazə verilmirsə və əgər o, tənhadırsa, bu halda təqaüdü necə alacaq?

İkincisi, təqaüdçü bankomat qarşısında növbədə gözləməli olur. Bu, əslində, bizə tanış səhnədir. Biz vətəndaşlarımızı bu kimi növbələrdə iki metrlik məsafə saxlamağa çağırırıq ki, yoluxma halları minimuma ensin. Həmin bankomat qarşısındakı növbələrdə bu çağırışa riayət edən olacaqmı? Yaxud neçə faiz şəxs riayət edəcək?”

Millət vəkilinin fikrincə, daha bir çətinlik bankomatların özlərinin virus ötürücü ola bilmələrindədir. Belə ki, virusa yoluxma halları bankomatlardakı əməliyyatlar zamanı da baş verə bilər. Yəni artıq virusa yoluxmuş şəxs bankomatın xidmətindən istifadə edir, düymələrə toxunur və ondan keçən virus digər şəxsə ötürülür. Hər bir şəxs kimi 65-dən yuxarı yaşı olan vətəndaşlarımız da bu təhlükədən sığortalanmayıblar.

Deputat vəziyyətdən konkret çıxış yolları təklif edir:

“Müvəqqəti çətinliyin həlli məqsədilə təqaüdlərin verilməsi prosesinə bütün banklar cəlb oluna bilər. Banklar vətəndaşın əvvəlcədən sorğu mərkəzinə etdiyi müraciəti əsasında ona qapıda – ünvanında post-terminal vasitəsilə özəl xidmət göstərə bilər. Burada təqaüdlərin verilmə tarixini də diqqətdən qaçırmamalıyıq. Yəni yaşlı vətəndaşı təqaüdün verilmə tarixi barədə əvvəlcədən məlumatlandırırlar, o da həmin tarixə əsasən qabaqcadan sorğu mərkəzinə müraciət edə bilər”. 

E.Allahverdiyev hesab edir ki, bu prosesə eyni mexanizmlə özünün innovativ təklifləri, məsələn, “Şəbəkə” xidməti ilə poçtun da qoşulması mümkündür. Poçt əvvəllər əhaliyə bu xidməti göstərib. İndi isə problemə özünün yeni, kreativ yanaşmaları ilə qatıla bilər. Bu halda da təqaüdçü əvvəlcədən çağrı mərkəzinə müraciət edir, bundan sonra isə poçt onun təqaüdünü yaşadığı ünvana, fərdi qaydada çatdırır. Bu xidmətin xərclərini dövlət öz üzərinə götürə bilər, nəzərə alsaq ki, bu, həm də müvəqqəti xarakterli aksiyadır. 

“Hesab edirəm ki, bununla biz yaşı 65-dən yuxarı olan tənha təqaüdçülərimizə münasibətdə nəcib addım atmış olarıq. Eyni zamanda, bankomatlar qarşısındakı növbələri qısaltmaqla vətəndaşlarımızın, xüsusilə də risk qrupunda olan soydaşlarımızın səhhətinin qorunması işinə dəstək verə bilərik”, – deyə millət vəkili bildirib.

ŞƏRH YAZ
0
BAĞLA