Qaxda antik dövrə aid yaşayış yeri aşkarlanıb

Qaxda antik dövrə aid yaşayış yeri aşkarlanıb
17:41
16.09.2018
12424
Mədəniyyət
A
AMEA Arxeologiya və Etnoqrafiya İnstitutunun apardığı tədqiqatlar zamanı Qax rayonunda Qıpçaqtəpə abidəsi aşkarlanıb.

İnstitutdan "Ölkə.Az"a verilən məlumata görə, institutun aparıcı elmi işçisi, tarix üzrə fəlsəfə doktoru Taleh Əliyevin rəhbəri olduğu Oğuz-Qax arxeoloji ekspedisiyası tərəfindən Qax rayonu ərazisində aparılan tədqiqatlar nəticəsində Qıpçaq kəndinin cənubunda (Üzümlü-Ağyazı istiqamətində olan şosse yolunun Əyriçay körpüsünə çatmamış, yolun sağ hissəsində, yerli əhali tərəfindən "Əyrinin tapı" (Əyriçayın təpəlikləri) adlandırılan ərazidə) çayın sağ sahilində yerləşən Qıpçaqtəpə abidəsi ilk dəfə qeydə alınıb.

Qıpçaqtəpə abidəsi 4 hektar ərazini əhatə edir. Çoxtəbəqəli abidə möhtəşəm yaşayış yerlərindən biridir. Cari mövsümdə Qıpçaqtəpə yaşayış yerində beş hissədə arxeoloji kəşfiyyat qazıntısı aparılıb. Qıpçaqtəpə abidəsində aparılan arxeoloji kəşfiyyat qazıntısı zamanı abidənin üst təbəqələrinin ilk orta əsr və orta əsrlərə aid olduğu müəyyənləşdirilib.

İlkin tədqiqatlar nəticəsində Qıpçaqtəpə yaşayış yerinin antik və ilk orta əsrlər dövründə yuxarıda qeyd etdiyimiz şosse yoluna yaxın hissədə yerləşdiyini, daha sonra son orta əsrlərə doğru yaşayış yerinin öz ərazisini qərbə doğru genişləndiyini söyləmək mümkündür. Son orta əsrlərdə əhali Sarı pir adlı hissədə həyat sürüb, XX əsrdə isə hazırkı Qıpçaq kəndinin ərazisində məskunlaşıb.

Qıpçaqtəpə abidəsinin qərbində yerləşən Sarı pir adlı qəbristanlığa da baxış keçirilmiş və fotoşəkillər çəkilib. Qəbir daşları üzərində olan yazılardan oranın XIX əsrə aid olduğunu söyləmək mümkündür.

Tədqiqat mövsümündə Qax rayonu ərazisində yerləşən ilk orta əsr alban dövrü abidələrinin bəzilərinin GPS koordinatları müəyyənləşdirilib və arxeoloji xəritəsi tərtib olunub.

Ölkə.Az

ŞƏRH YAZ
0

Aydın Xırdalanlı tanınmış aktyorun bibisi OĞLU İMİŞ — FOTO

Aydın Xırdalanlı tanınmış aktyorun bibisi OĞLU İMİŞ
23:35
23.03.2019
44874
Mədəniyyət
A

Gənc Tamaşaçılar Teatrının aktyoru Elşən Hacıbabayev bu gün vəfat edən məşhur meyxanaçının dayısı oğlu imiş. "Ölkə.Az"ın məlumatına görə, söz ustadı əməkdar mədəniyyət işçisi, E.Hacıbababayevin atası, Atababa Hacıbabayevin bacısı oğludur.

Qeyd edək ki, A.Xırdalanlı serrozdan əziyyət çəkirdi.

Ölkə.Az

ŞƏRH YAZ
1

"De, gəlsin"in aparıcısı Aydın Xırdalanlıdan — DANIŞDI

22:33
23.03.2019
25701
Mədəniyyət
A
ANS-də yayımlanan "De, gəlsin!" meyxana yarışmasının ilk aparıcısı Emin Əfəndi az öncə vəfat edən Aydın Xırdalanlı barədə yazıb.

 "Ölkə.Az"-ın məlumatına görə, E.Əfəndi bildirib ki, məşhur telelayihə başlayanda hər kəs A.Xırdalanlının çempion olacağını bilirmiş:

"Sözün açığı, mübarizə daha çox ikincilik uğrunda idi".

Qeyd edək ki, A.Xırdalanlı 2001-ci ildə keçirilən "De, gəlsin" meyxana yarışmasının finalında Ələkbər Yasamallıya qalib gələrək, layihənin əsas mükafatı olan "Qızıl nida"nı qazanmışdı.

İntiqam VALEHOĞLU
Ölkə.Az

ŞƏRH YAZ
0
BAĞLA