Qaxda canavarlar fermaya hücum etdi — 37 qoyunu parçaladılar

Qaxda canavarlar fermaya hücum etdi
15:58
22.01.2018
1268
Hadisə
A
Qaxda canavarlar fermaya hücum edərək, sahibkara məxsus xeyli sayda xırdabuynuzlu heyvanı parçalayıb.

"Ölkə.Az"ın APA-ya istinadən xəbərinə görə, rayonun Şotavar kəndində sürü halında olan canavarlar gecə saatlarında Bayram Salavat oğlu Nadirova məxsus qoyunların saxlandığı dama hücum edib. Yırtıcılar 60 baş qoyundan 26-nı öldürüb, 14-nü yaralayıb.

Hadisə ilə bağlı Qax rayon Baytarlıq İdarəsinə xəbər edilib. İdarənin əməkdaşları hadisə yerinə gələrək baxış keçiriblər, ərazidə dezinfeksiya işləri aparılıb.

Canavarların parçaladığı 14 qoyundan 11-i ölən heyvanlarla birlikdə quyuda basdırılıb. 

ŞƏRH YAZ
0

19 yaşlı ana doğuş zamanı ölüb — Kürdəmirdə

19 yaşlı ana doğuş zamanı ölüb
00:01
Bu gün
2908
Hadisə
A
Kürdəmir rayonunda doğuş zamanı ölüm hadisəsi baş verib.

“Ölkə.Az”ın “Report”a istinadən məlumatına görə, rayonun 19 yaşlı Carlı kənd sakini Nuranə Sədrəddin qızı Novruzova bu gün saat 14:00 radələrində doğuş sancıları ilə Kürdəmir Rayon Mərkəzi Xəstəxanasının (RMX) Doğuş şöbəsinə yerləşdirilib.

Saat 16:30-da isə doğuş baş tutub və ana 3,4 kq-lıq oğlan uşağı dünyaya gətirib. Doğuşdan təqribən 15-20 dəqiqə sonra anada boğulma halı baş verib. Həkimlər onu reanimasiya etmək istəsələr də, Nuranənin həyatını xilas etmək mümkün olmayıb.

Hadisənin hansı səbəbdən baş verməsi ekspertin rəyindən sonra aydın olacaq.

Kürdəmir RMX-nin baş həkimi Eynulla Novruzov "Report"a bildirib ki, Nuranə xəstəxanaya daxil olarkən səhhəti normal olub və doğuş normal həyata keçirilib.

Yeni doğulan körpənin vəziyyəti normaldır. Son 26 ildə Kürdəmir RMX-da ana ölümü baş verməyib.

Faktla bağlı Kürdəmir Rayon Prokurorluğunda araşdırma aparılır.

Ölkə.Az

ŞƏRH YAZ
1

Əri ilə mübahisə etdi, baltayla vurub öldürdü...

Əri ilə mübahisə etdi, baltayla vurub öldürdü...
23:33
21.02.2019
2196
Hadisə
A
Bu gün Bakı Ağır Cinayətlər Məhkəməsində ərini öldürməkdə təqsirləndirilən 1994-cü il təvəllüdlü Tünzalə Vəliyevanın cinayət işi üzrə məhkəmə iclası davam etdirilib.

“Ölkə.Az”ın Trend-ə istinadən məlumatına görə, hakim Ənvər Seyidovun sədrliyi ilə keçirilən prosesdə məhkəmə istintaqı başa çatıb və prokuror təqsirləndirilən şəxsə cəza istəyib.

Dövlət ittihamçısı qadının 17 il azadlıqdan məhrum edilməsini istəyib.

Məhkəmənin növbəti iclası fevralın 28-nə təyin edilib.

İttihama görə, 2017-ci ilin noyabr ayında Sabunçu qəsəbəsinin Əbdülkərim Əlizadə küçəsində yaşayan Vəliyev Nazim Fəxrəddin oğlu həyat yoldaşı T.Vəliyeva ilə ailə münaqişəsi zəminində mübahisə edib.

Qadın onun baş nahiyəsinə balta ilə zərbə endirib, nəticədə N.Vəliyev ölüb.

Hadisəni törədən qadın Sabunçu rayon Polis İdarəsinin 12-ci polis bölməsinin əməkdaşları tərəfindən saxlanılıb.

Məlumata görə, hadisə baş verən zaman N.Vəliyev sərxoş olub. Son vaxtlar ailədə hər gün münaqişə olurmuş və N.Vəliyev evə içkili vəziyyətdə gələrək həyat yoldaşını döyürmüş. O, fəhləliklə məşğul olub.

Xatırladaq ki, ər və arvadın birgə nikahdan iki övladı var.

Ölkə.Az

ŞƏRH YAZ
0
BAĞLA