Qaxda FACİƏ: Gənc oğlan doğum günündə öldü

Qaxda FACİƏ: Gənc oğlan doğum günündə öldü
21:46
10.10.2017
77
Hadisə
A
Bu gün Qax rayonunda elektrik cərəyanının vuraraq öldürdüyü gənclə bağlı bəzi təfərrüat məlum olub.

Ölkə.Az report.az-a istinadən bildirir ki, Qax şəhər sakini, 1990-cı il təvəllüdlü Zakir Fikrət oğlu Əhmədov yaşadığı evin həyətində santexnik işləri görərkən ehtiyatsızlığın qurbanı olub.

Belə ki, Z.Əhmədov həyətdə plastmas boruları yapışdıran ütüdən istifadə edib işini yekunlaşdırarkən ehtiyatsızlıq edib. O, bir-neçə yerdən zədəli olan uzadıcı naqilin açıq hissəsinə əllə toxunub. Nəticədə yer nəm olduğundan elektrik cərəyanı onu vuraraq öldürüb.

Qeyd edək ki, Z.Əhmədov 1990-cı il oktyabrın 10-da Qax şəhərində doğulub və bu gün 27 yaşını tamam olurdu.

ŞƏRH YAZ
0

Azərbaycanda daha bir polis xəstəxanalıq oldu — Onu da bıçaqlayan şəxs tapılmır

Azərbaycanda daha bir polis xəstəxanalıq oldu
21:20
Bu gün
2381
Hadisə
A
Bu gün Saatlı rayon Polis Şöbəsinin əməkdaşı bıçaqlanıb.

"Ölkə.Az"ın APA-ya istinadən məlumatına görə, polis çavuşu 1983-cü il təvəllüdlü Eynullayev Əvəz Ağamirzə oğlu bıçaqlanıb.

Ə. Eynullayev ön qarın divarının daxilə nüfuz edən bıçaq yarası ilə Şirvan şəhər Mərkəzi Xəstəxanasına gətirilib, əməliyyata götürülüb.

Faktla bağlı cinayət işi açılıb, araşdırma aparılır. Polis çavuşunu bıçaqlayan Saatlı rayon sakininin saxlanılması istiqamətində əməliyyat həyata keçirilir. 

Ölkə.Az

ŞƏRH YAZ
0

Saatlıda ağır qəza — Ölən və yaralananlar var

Saatlıda ağır qəza
19:57
Bu gün
2160
Hadisə
A
Bu gün Saatlı rayon mərkəzində "VAZ 2106" markalı minik avtomobili BMV markalı avtomobillə toqquşub.

"Ölkə.Az" APA-ya istinadən xəbər verir ki, qəza nəticəsində "VAZ 2106" markalı minik avtomobilində olan 63 yaşlı Məmmədov Əziz Sarxan oğlu ölüb.

Avtomobildə olan sərnişinlər - 1971-ci il təvəllüdlü Əsədova Fatma Osman qızı, 1964-cü il təvəllüdlü Əsədova Atlas Osman qızı, 1965-ci il təvəllüdlü Əsədov Nadir Osman oğlu və Adgözəlova Rəbiyyə Məmmədalı qızı xəsarət alıb və Şirvan şəhər Mərkəzi Xəstəxanasına yerləşdiriliblər. Vəziyyəti ağır olan F. Əsədova xəstəxananın reanimasiya şöbəsinə yerləşdirilib, N. Əsədov əməliyyat olunub.

Qeyd edək ki, "VAZ 2106" markalı minik avtomobilinin sürücüsü və sərnişinlər Cəbrayıl rayon sakinləridir. Onlar Sabirabad rayonuna yas mərasiminə gəliblər və geri qayıdarkən qəzaya düşüblər. 

Ölkə.Az

ŞƏRH YAZ
0
BAĞLA