KORONAVİRUSA YOLUXANLARIN SAYI - CANLI STATİSTİKA

"Qaydanı pozan sürücü işdən çıxarılıb, avtobus isə xətdən kənarlaşdırılıb" — BNA

21:23
16.09.2019
3534
Ölkə
A
Sosial şəbəkələrdə 40 və 204 nömrəli müntəzəm marşrut xətləri üzrə avtobus sürücülərinin yol hərəkəti qaydalarını kobud pozaraq sərnişinlər və digər hərəkət iştirakçılarının həyatı üçün təhlükə yaratması ilə bağlı yayılan video dərhal nəzarətə götürülüb.

"Ölkə.Az" bildirir ki, bu barədə Bakı Nəqliyyat Agentliyi məlumat yayıb. 

Məlumata görə, araşdırma zamanı 204 nömrəli müntəzəm marşrut xətti üzrə 10-TG-775 dövlət qeydiyyatı nişanlı avtobusun sürücüsünün Ələkbərov Asəf Musa olduğu müəyyən edilib: "Dərhal daşıyıcı və sürücü BNA-ya çağırılaraq izahatının alınması təmin edilib. Nəqliyyat vasitəsi müvəqqəti olaraq xətdən kənarlaşdırılıb. Sürücü yol verdiyi kobud qayda pozuntusuna görə daşıyıcının müvafiq əmri ilə işdən azad edilib. 40 nömrəli avtobusun dövlət qeydiyyatı nişanının görüntülərdən müəyyən edilməsi mümkün olmayıb. Hazırda digər vasitələrlə sürücünün şəxsiyyətinin müəyyənləşdirilməsi istiqamətində iş aparılır. Bir daha qeyd edirik ki, sərnişindaşımada qoyulan tələblərə, o cümlədən təhlükəsizliklə bağlı qaydalara əməl etməyənlərə qarşı ciddi tədbir görüləcək".

Ölkə.Az

ŞƏRH YAZ
0

Azərbaycanlı alim VƏFAT ETDİ

Azərbaycanlı alim VƏFAT ETDİ
14:27
Bu gün
146
Ölkə
A
Azərbaycan elminə ağır itki üz verib.

“Report”un xəbərinə görə, AMEA-nın Genetik Ehtiyatlar İnstitutunun İmmunogenetika şöbəsinin müdiri, biologiya üzrə elmlər doktoru Hacı Şıxlinski 68 yaşında vəfat edib.

Qeyd edək ki, H.Şıxlinski 1952-ci ildə Qazaxda anadan olub. Azərbaycan Dövlət Pedaqoji Universitetini bitirib. Azərbaycan SSR şəraitində üzümün rayonlaşdırılmış və yeni seleksiya formalarının filloksera və göbələk xəstəliklərinə davamlılığı mövzusunda namizədlik dissertasiyası, filloksera ilə zədələnmiş müxtəlif üzüm sortlarının köklərində mikroorqanizmlərin öyrənilməsi və kompleksdavamlı formaların aşkar edilməsi mövzusunda isə dissertasiya müdafiəsi edib. 238 elmi əsəri çapdan çıxıb. Xaricdə çıxan elmi əsərlərin sayı isə 90 təşkil edir.

Allah rəhmət eləsin!

Ölkə.Az

ŞƏRH YAZ
0

Bakıda koronavirusdan da dəhşətli virus ocağı — Sakinlər ölkə rəhbərliyinə MÜRACİƏT ETDİLƏR (VİDEO — FOTOLAR)

Bakıda koronavirusdan da dəhşətli virus ocağı
14:13
Bu gün
1635
Ölkə
A
Binəqədi rayonu, Biləcəri qəsəbəsi, Məmməd Səid Ordubadi küçəsinin sakinləri qəsəbədə yaranmış dərin gigiyenik problemlərlə üz-üzədir.

 "Ölkə.Az" demokrat.az-a istinadən xəbər verir ki, hazırda həmin ərazidə "Məmmədoğulları" ASC-nin servis yerlərindən axıdılan kanalizasiya və çirkab suları yaşayış zonasının yaxınlığından keçir. 

Bununla bağlı bir neçə dəfə müvafiq qurumlara, o cümlədən Binəqədi rayon İcra Hakimiyyətinə müraciət edilsə də, təəssüflər olsun ki, indiyədək heç bir tədbir görülməyib. 

Ərazidə çəkiliş apardığımız zaman sakinlərlə söhbət etdik. Sakinlər deyir ki, yaşayış zonasında xeyli sayda azyaşlı uşaqlar gəzir, kanalın yaratdığı üfunət və antisanitariya vəziyyəti onların başqa yerdə oynamasına alternativ tanımayır. 

Sakinlər isti yay günlərində ərazidə xeyli sayda zəhərli ilanların hərəkət etdiyinə şahid olduqlarını deyirlər. 

Biləcəriyə gedən əsas yolun kənarından sakinlərin yaşadığı əraziyə daxil olarkən ətrafda mal-qara saxlayanların nəcis tullantılarının yolun düz kənarında toplanması ətrafda dəhşətli dərəcədə üfunət qoxusunun yayılmasına səbəb olur. 

İsti vaxtlarda isə bu qoxu Bakı şəhərində daha kəskin şəkildə ətraf ərazilərə yayılır. 

Belə bir acınacaqlı vəziyyət sakinlərin sağlamlığı üçün gələcəkdə daha ciddi fəsadlara yol aça bilər ki, bu da müxtəlif infeksion xəstəliklərin yayılmasına səbəb olar. Ona görə də kanalın birdəfəlik ləğv olunması sakinlərin əsas tələblərindən biridir. 

Hazırda ərazidə kanalizasiya və çirkab sularının axıdıldığı bu kanal insan sağlamlığına ciddi təhlükələr və yaşayış baxımından olduqca ekoloji fəlakət yaradır. 

Sakinlər yaranmış acınacaqlı vəziyyətin tezliklə aradan qaldırılması üçün Prezident İlham Əliyevə və Birinci vitse-prezident Mehriban Əliyevaya müraciət ediblər:

"Çox hörmətli cənab Prezident və Mehriban xanım Əliyeva,

Biz sakinlər hər zaman sizi dəstəkləmişik və bu dəyişilməz olaraq qalacaq. Binəqədi sakinləri olaraq sizin rəhbərliyiniz altında ölkəmizdə görülən abadlıq və quruculuq işlərindən razıyıq, daim sizi dəstəkləyəcəyik. Sizə müraciət edərək bildiririk ki, koronavirusla əlaqədar ölkəmizdə görülən karantin tədbirləri dövründə bir sıra məmurlar və şəxslər sizin yürütdüyünüz siyasətə xələl gətirməyə çalışırlar. Bu gün yüzlərlə sakinin yaşadığı bu əraziyə "Məmmədoğulları" ASC-nin servis yerlərindən kəskin üfunət qoxuyan kanalizasiya və çirkab suları axıdılır. Nəticədə biz və azyaşlı uşaqlarımızın sağlamlığına yeni təhlükə mənbəyi yaradır. Özü də bu təhlükə Bakının mərkəzinə yaxın ərazisində yaranıb. 

Cənab Prezident İlham Əliyev və Mehriban xanım Əliyeva, 

Sizdən yeganə xahişimiz odur ki, üzləşdiyimiz bu acınacaqlı vəziyyətdən tezliklə xilas olmağımız üçün öz köməkliyinizi göstərəsiniz. Ümidimiz ancaq Sizlərədir!".

Ərazidən çəkdiyimiz görüntüləri təqdim edirik:

 

ŞƏRH YAZ
0
BAĞLA