"Qaynanam arxamda dayandı, həmin sürüşkən rolu oynadım" — Əməkdar artist "İtkin gəlin"dəki rolundan DANIŞDI

13:10
28.03.2019
5022
Mədəniyyət
A
Akademik Milli Dram Teatrının tanınmış aktrisası, əməkdar artist Hicran Nəsirova "İtkin gəlin" seiralında oynadığı Dünya obrazının tarixçəsindən danışıb.

“Ölkə.Az” xəbər verir ki, "Şou ATV" verilişinin qonağı olan aktrisa bildirib ki, obraz ona həvalə edilərkən əvvəlcə etiraz edib:

"Heç vaxt ağlıma gəlməzdi ki, "İtkin gəlin"də Dünya obrazını oynayaram.  Amma içimdə həmişə oxumaq, müğənni olmaq istəyi olub. Evdə oxuyurdum, səsimi atırdım başıma. Amma adam yanında oxumağa utanırdım. İllər keçdi, təsadüf nəticəsində aktyor sənətinə gəldim. İnstituta daxil olanda yüksək bal toplamışdım. Rektorumuz Rahib müəllim xəbər göndərdi ki, rejissor kursunda adam azdır, bəlkə ora keçsin? Bilirsiz, kimsəsizlik adamı sıxır. Yuxarı kursun uşaqları mənə dedilər ki, cəmi üç nəfər qəbul olur, səni sıxışdıracaqlar. O qorxudan rejissorluğa getmədim. Eləcə də dram kino aktyorluğunu oxudum və bitirdim. 1983-cü ildə "Evləri köndələn yar"a, 1993-də "İtkin gəlin"ə çəkildim. On ildən bir uğurlu rolum olur. Günlərin birində Lütfi Məmmədbəyov məni çağırdı, pyesi atdı qarşıma, dedi ki, apar oxu. Soruşdum ki, pyesdə nəyə fikir verim? Dedi ki, sən oxu, sabah deyəcəyəm.  Səhəri gün gəldim ki, mən romanı oxumuşam, burada nəyi oynayacağam? Dedi ki, Dünyanı oynayacaqsan. Mən də içimdə özümü Əfsanəyə daha yaxın bilirdim. Dedim ki, mən hara, Dünya hara? Özüm də ailəli adamam. Dedi ki, oynayacaqsan. Yolda əsərin müəllifi Əlibala Hacızadəylə rastlaşdıq, Lütfi müəllim dedi ki, Dünyanı bu qız oynayacaq. Əlibala müəllim dedi ki, bu qara qız oynayacaq? O da Dünyanı əsərdə başqa cür yazıb. Lütfi müəllim dedi ki, sən onu rolda görərsən. Evə gəldim, rəhmətlik qaynanama dedim ki, Dünya rolunu veriblər, bəs mən bunu necə oynayım? Soruşdu ki,  oynaya bilərsən, ya yox? Dedim, oynamağa canını da alaram e, amma çəkinirəm. Yoldaşımdan, qaynımdan çəkinirdim. Rol bir az sürüşkən idi.  Dedi ki, oynaya biləcəksənsə, get oyna, arxanda dayanmışam. Ürəkləndim və həmin rolu oynadım. Qaynanam özü sənətşünas idi".

Qeyd edək ki, Lütfi Məmmədbəyovun quruluş verdiyi "İtkin gəlin" Azərbaycanın ilk serialı hesab edilir.

İntiqam VALEHOĞLU
Ölkə.Az

ŞƏRH YAZ
0

Leyla Əliyeva “Mənim balaca şahzadəm” cizgi filminin təqdimatında iştirak edib

Leyla Əliyeva “Mənim balaca şahzadəm” cizgi filminin təqdimatında iştirak edib
00:11
Bu gün
135
Mədəniyyət
A
Mayın 23-də Nizami Kino Mərkəzində “Azanfilm” studiyasının istehsalı olan “Mənim balaca şahzadəm” cizgi filminin təqdimatı keçirilib.

"Ölkə.Az" bildirir ki, tədbirdə Heydər Əliyev Fondunun vitse-prezidenti Leyla Əliyeva da iştirak edib.

Təqdimatı Azərbaycan Respublikası Kinematoqrafçılar İttifaqının birinci katibi, Əməkdar incəsənət xadimi Cəmil Quliyev açaraq gənc rəssam Məryəm Ələkbərlinin fransız yazıçısı Antuan de Sent-Ekzüperin məşhur “Balaca şahzadə” əsərinə həsr edilmiş 30-a yaxın rəsm əsərinin olduğunu və dünyanın bir çox nüfuzlu sərgi salonlarında bu əsərlərin nümayiş etdirildiyini diqqətə çatdırıb. Bu əsərlərin təsiri altında həmin bu animasiya filmi ərsəyə gəlib. Animasiya növü yaradıcı insanın xəyallarını canlandırmağa geniş imkanlar açır.

Məryəm Ələkbərlinin zəngin rəssamlıq dünyasından söhbət açan Xalq yazıçısı Elçin Əfəndiyev bildirib ki, animasiya filminin qəhrəmanı ilə Məryəmin mənəvi aləmi üst-üstə düşür. “Balaca şahzadə” dünya uşaq ədəbiyyatının klassik nümunəsidir. Bu filmin yaranmasının əsas səbəbi bu bağlılıq olub. Film üzərində çox istedadlı yaradıcı kollektiv çalışıb və ekran əsəri yeni texnologiyalar əsasında il yarım ərzində ərsəyə gəlib.

“Azanfilm” studiyasının direktoru Mansur Şəfiyev cizgi filmi barədə məlumat verib. Bildirib ki, cizgi filminin ideya müəllifi Xalq yazıçısı Elçin Əfəndiyev, prodüseri Müşfiq Hətəmov, rejissoru Arif Məhərrəmovdur. Filmin çəkilişlərində Cəfər Cabbarlı adına “Azərbaycanfilm” kinostudiyasında 2014-cü ildə istehsal olunan “Sirr” filminin materiallarından istifadə edilib.

Sonra animasiya filmi nümayiş olunub.

Ölkə.Az

ŞƏRH YAZ
0

Əməkdar artist dünyasını dəyişdi — FOTO

Əməkdar artist dünyasını dəyişdi
00:18
23.05.2019
1057
Mədəniyyət
A
Gəncə Dövlət Kukla Teatrının aktyoru, Əməkdar artist Nağəddin Məmmədov vəfat edib.

"Ölkə.Az" Oxu.Az-a istinadən xəbər verir ki, aktyor uzun sürən xəstəlikdən sonra, 52 yaşında dünyasını dəyişib.  

Nağəddin Məmmədov teatrda uzun müddət çalışıb. 2006-cı ildə Prezident İlham Əliyevin sərəncamı ilə Əməkdar artist fəxri adı ilə təltif edilib. Bir çox beynalxalq festivallarda iştirak edib.

Aktyorun son aylar xərçəng xəstəliyindən əziyyət çəkdiyi bildirilir.

Ölkə.Az

ŞƏRH YAZ
0
BAĞLA