"Qaz balonunu anam alıb" — Məktəbi bir-birinə vuran uşaq etiraf etdi

23:29
11.10.2018
1704
Hadisə
A
Bakı məktəbindəki qaz hücumu hər şeylə maraqlanan məktəbli oğlanın şıltaqlığının nəticəsi olub. Suraxanı rayon Polis İdarəsinin 30-cu polis bölməsinin əməkdaşları 76 nömrəli məktəbdə qaz balonunu kimin püskürtdüyünü müəyyənləşdirib.

"Ölkə.Az" Sputnik Azərbaycan-a istinadən bildirir ki, bu barədə Suraxanı rayonunun hüquq-mühafizə orqanlarından məlumat verilib.

Xatırladaq ki, oktyabrın 10-da 9 nəfər 6-cı sinif şagirdi Kliniki Tibbi Mərkəzin Toksikologiya şöbəsinə aparılıb. Məktəblilərdən biri sinifdə içərisində bibər qazı olan balonu püskürtdükdən sonra, uşaqlar arasında təlaş başlayıb. Nəticədə 1-i oğlan, 8-i qız olmaqla 9 uşaq xəstəxanaya aparılıb.

Həkimlər uşaqları müayinə ediblər və onlarda toksiki zəhərlənmə halı aşkarlanmayıb. Onlarda sadəcə təngnəfəslik, kəskin ürək döyüntüsü və isterik nevrozun əlamətləri qeydə alınıb.

Araşdırma zamanı məlum olub ki, hadisə saat 11:00-da baş verib. Məktəbə qaz balonunu altıncı sinif şagirdi, 2007-ci il təvəllüdlü A.B. gətirib. O, etiraf edib ki, qaz balonunu ona anası - 1982-ci il təvəllüdlü S.B. (etik nöqteyi-nəzərdən adını tam yazmırıq-red.) verib. Məktəbdə M.M. adlı uşaq balonun necə işlədiyinə baxmaq üçün onu A.B.-dən istəyib. Sonra balonu ələ keçirən M.M. sinifdə onu yoldaşlarının üzərinə püskürdüb. Nəticədə məktəbə təcili yardım çağırılıb və 9 uşaq zəhərlənmə ehtimalı ilə toksikoloji mərkəzə aparılıb.

Asayiş keşikçiləri baş verən hadisənin günahkarları ilə maarifləndirici söhbət aparıblar. Məktəb rəhbərliyinə də təlimat verilib ki, gələcəkdə ehtiyatlı olsunlar və uşaqların təhlükəli əşyaları məktəbə gətirməmələri üçün onların çantalarını yoxlasınlar.

Ölkə.Az

ŞƏRH YAZ
1

Bakıda güclü külək 2 ağacı kökündən çıxardı

Bakıda güclü külək 2 ağacı kökündən çıxardı
12:25
Bu gün
309
Hadisə
A
Bakıda ötən gündən əsməyə başlayan güclü külək nəticəsində 2 ağac kökündən çıxaraq aşıb.

"Ölkə.Az"ın trend-ə istinadən məlumatına görə, hadisə Binəqədi rayonunda qeydə alınıb.

O.Məmmədov əlavə edib ki, güclü külək nəticəsində Bakının müxtəlif ərazilərində 7 ağacın budaqları sınıb.

Şöbə rəisi iyulun 22-dən birliyin gücləndirilmiş iş rejimində çalışdığını, hazırda birliyin əməkdaşlarının fəsadların aradan qaldırılması üçün səfərbər olunduğunu söyləyib.

Ölkə.Az

ŞƏRH YAZ
0

Bakıda DƏHŞƏTLİ QƏZA — 7 maşın toqquşdu - VİDEO

Bakıda DƏHŞƏTLİ QƏZA
10:15
Bu gün
2042
Hadisə
A
Bakının Nərimanov rayonunda 7 maşının toqquşması nəticəsində 5 nəfər yaralanıb.

"Ölkə.Az" APA-ya istinadən xəbər verir ki, Ziya Bünyadov prospektində hərəkətdə olan "Schacman" markalı yük maşını 2 ədəd "Mercedes", "Volkswagen", "Ravon", "BMW" markalı maşınlara çırpılıb.

Hadisə nəticəsində bir ailənin 3 üzvü, "Volkswagen"-də olan 2 nəfər xanım xəsarət alıb. 

Hadisə yerinə Təcili Tibbi Yardım və DYP əməkdaşları cəlb olunub. Qəzadan sonra ərazidə ciddi tıxac yaranıb.

İlkin məlumata görə, hadisəyə səbəb "Schacman" markalı yük maşınının sürücüsü olub.

Qəza nəticəsində "BMW" markalı minik maşınında yaralanan bir ailənin 3 üzvünün kimliyi bəlli olub.

"BMW"-nin sürücü 54 yaşlı Əhmədov Şirxan İlya oğlu qol və baş nahiyəsindən, onun həyat yoldaşı, 54 yaşlı Quliyeva Reyhan Gəray qızı və övladları 24 yaşlı İlyaszadə Mirvari Şirxan qızı müxtəlif dərəcəli bədən xəsarətləri alaraq xəstəxanaya çatdırılıb.

İlkin məlumata görə, tuneldən çıxan yük maşını yüksək sürətlə hərəkətdə olub.

Ziya Bünyadov prospektində baş vermiş son iki yol qəzası səbəbindən DYP əməkdaşları tərəfindən hazırda hərəkətin təhlükəsizliyini təmin etmək məqsədilə "Qələbə" dairəsi istiqamətindən Nərimanov rayonu ərazisinə gedən yoldakı tunelə giriş-çıxışa məhdudiyyət qoyulub.

Faktla bağlı araşdırma aparılır. 

Ölkə.Az

ŞƏRH YAZ
0
BAĞLA