Qaz limiti ləğv edilsin — Deputatdan təklif

Qaz limiti ləğv edilsin
16:38
15.03.2019
8087
Siyasət
A

“Hökumətin hesabatı göstərdi ki, ötən il həyata keçirilən islahatlar nəticəsində Azərbaycan dövləti daha da güclənib, əhalinin rifah halının yaxşılaşdırılması istiqamətində mühüm işlər görülüb. Bunun nəticəsində xalq-iqtidar birliyi daha da möhkəmlənib”. 

 “Ölkə.Az” xəbər verir ki, bunu deputat Musa Qasımlı Parlamentin bu gün keçirilən plenar iclasında Nazirlər Kabinetinin 2018-ci il hesabatının müzakirəsi zamanı deyib.

 O bildirib ki, gömrük və vergi sistemində həyata keçirilən islahatlar nəticəsində bərabər imkanların yaradılması islahatların fəlsəfəsində, mahiyyətində duran məsələdir. 

Deputat söyləyib ki, ötən il ölkəmizin dəmir yolu sisteminin inkişafında görülən işlər də qeyd edilməlidir: 

“Beynəlxalq bazarlara çıxış, qeyri-neft sektorunun artması ötən ilin uğurlarından biridir. Bütün bunlar sabitlik nəticəsində əldə olunub. Əgər sabitlik olmasaydı, iqtisadi inkişaf olmaz, iqtisadi inkişaf olmasaydı sosial müdafiə istiqamətində mühüm addımlar atılmazdı”. 

Deputat Musa Qasımlı əhaliyə təbii qazla bağlı limitin qoyulmasınının aradan qaldılrmasını hökumətə təklif edib.

Onun sözlərinə görə, təbii qaza qoyulan limit narazıçılığa səbəb olub, hökumət bu problemin aradan qaldırılması məsələsinə baxsaydı yaxşı olardı.

Çıxışı zamanı təkliflərini irəli sürən M. Qasımlı təmsil etdiyi Yardımlı rayonuna yaxın kəndlərin təbii qazla təmin olunmasını təklif edib: 

“Onların təbii qazla təmin olunması meşələrin qırılmasının qarşısını alacaq. Bundan başqa seçicilər qaza qoyulan limitin ləğvini istəyirlər”. 

Kəndlərdə qızların təhsilə cəlbi ilə bağlı problemlərin olduğunu deyən deputat qeyd edib ki, hər bir kənddə qadın müəllimi olarsa, o zaman qızların təhsilə cəlbində problem olmayacaq. 

Xaricdə təhsil alanların diplomlarının tanınması məsələsini gündəmə gətirən deputat bildirib ki, diplomların tanınması məsələsində çox söz-söhbət gəzir, bu söhbətləri yığışdırmaq üçün Təhsil nazirliyi həmin institutlara elekton müraciət göndərməklə problemi aradan qaldıra bilər.

O, eyni zamanda təhsilin keyfiyyətinə fikir verməyin zəruriliyni qeyd edib. Bildirib ki,  bunun üçün məktəb direktorları və müavinləri yerində olmalıdır.

 “Bundan başqa ən ciddi problem  Elm və Müdafiə Şuralarının  rəhbərləri ilə bağlıdır.  Güc-bəla ilə elmi iş müdafiə edib, heç bir yerdə elmi məqaləsi çıxmayan şəxs  Elm və Müdafiə Şurasına həmsədr seçilir. Bu Azərbaycan elminə təhqirdir, ayıbdır. Bu məsələlərə ciddi diqqət yetirmək lazımdır.  Bu şuralarda dəyişiklik edilməlidir”, - deyə deputat bildirib.

Mürtəza
Ölkə.Az

ŞƏRH YAZ
0

Əmək və sosial müdafiə sahəsində Rusiya ilə əməkdaşlıq müzakirə edilib — FOTO

Əmək və sosial müdafiə sahəsində Rusiya ilə əməkdaşlıq müzakirə edilib
01:28
Bu gün
75
Siyasət
A
Əmək, məşğulluq və sosial müdafiə sahəsində Azərbaycanla əlaqələrin genişləndirilməsi və gələcək əməkdaşlıq istiqamətlərinin müzakirəsi məqsədilə ölkəmizə səfərə gəlmiş Rusiya Əmək və Sosial Müdafiə naziri Maksim Topilinin rəhbərlik etdiyi nümayəndə heyəti ilə Əmək və Əhalinin Sosial Müdafiəsi Nazirliyində görüş olub.

"Ölkə.Az"ın məlumatına görə, Əmək və Əhalinin Sosial Müdafiəsi naziri Sahil Babayev Azərbaycanla Rusiya arasında müxtəlif sahələrdə zəngin tarixə malik qarşılıqlı faydalı əməkdaşlıq əlaqələrinin getdikcə genişlənərək inkişaf etdiyini, ölkələrimiz arasında münasibətlərin strateji tərəfdaşlıq səviyyəsində olduğunu vurğulayıb.

O, Azərbaycan Respublikasının Prezidenti İlham Əliyevin uğurlu daxili və xarici siyasəti nəticəsində ölkəmizdə bütün sahələrdə dayanıqlı inkişafa nail olunduğunu bildirib, ölkəmizin əldə etdiyi mühüm tarixi nailiyyətləri diqqətə çatdırıb.

S.Babayev Azərbaycanın sosial inkişaf strategiyası, əhalinin rifah halının yaxşılaşdırılması istiqamətində ölkəmizdə atılan mühüm addımlar, əmək, məşğulluq, sosial müdafiə sisteminin innovativ yanaşmalar əsasında təkmilləşdirilməsi üçün aparılan islahatlar, ölkəmizin sosial sahədə yeni uğurlu təcrübəsi olan DOST layihəsi barədə məlumat verib. O, əmək, məşğulluq və sosial müdafiə sahəsində aparılan islahatlarda Rusiya ilə fəal əməkdaşlıq təcrübəsinin olduğunu və əlaqələrin daim genişləndiyini deyib.

"Ötən dövrdə Azərbaycanla Rusiya arasında əmək, məşğulluq və sosial müdafiə sahəsində bir sıra əməkdaşlıq sənədləri imzalanıb. Əlilliyi olan şəxslərin reabilitasiyası, əmək miqrasiyası proseslərinin tənzimlənməsi, əmək hüquqlarının qorunması, əməyin mühafizəsi, peşə standartlarının hazırlanması, əlilliyin qiymətləndirilməsi, işsiz və işaxtaran vətəndaşların peşə hazırlığı və digər müvafiq sahələrdə əməkdaşlıq, ardıcıl təcrübə mübadilələri həyata keçirilib. Eyni zamanda, iki ölkə arasında pensiya təminatı sahəsində Müqavilənin layihəsinin hazırlanması üzrə Əmək və Əhalinin Sosial Müdafiəsi Nazirliyinin nümayəndələri ilə Rusiya Federasiyası Əmək və Sosial Müdafiə Nazirliyinin əməkdaşları arasında ekspert görüşlərinin, müvafiq mövzuda müzakirələrin davam etdirilməsi əməkdaşlıqda daha bir müsbət məqamdır".

S.Babayev beynəlxalq təşklilatlar-Beynəlxalq Əmək Təşkilatı, Beynəlxalq Sosial Təminat Assosiasiyası, MDB dövlətlərinin Əmək, miqrasiya və əhalinin sosial müdafiəsi üzrə Məşvərət Şurası çərçivəsində də iki nazirlik arasında əlaqələrin, tərəflərin sosial sahəyə dair təşkil etdiyi elmi konfrans, seminar və s. tədbirlərdə qarşılıqlı iştirakının məmnunluq doğurduğunu bildirib. O, hazırlanmış yeni Saziş layihəsinin iki nazirlik arasında əməkdaşlıq müstəvisinin yeni istiqamətlər üzrə genişlənməsini nəzərdə tutduğunu vurğulayıb.

M.Topilin Azərbaycana səfəri ilə bağlı xoş təəssüratlarını bölüşüb.O, ölkəsinin Azərbaycanla müxtəlif sahələrdə əməkdaşlığının ildən-ilə genişlənməsindən məmnunluğunu ifadə edib. Rusiyalı nazir hər iki nazirliyin fəaliyyət sahələrində yeni çağırışlara uyğun islahatların geniş vüsət aldığını, bu islahatlar prosesində qarşılıqlı faydalı əlaqələrin əhəmiyyətini vurğulayıb. M.A.Topilin əmək, məşğulluq və sosial müdafiə sahəsində əməkdaşlıq əlaqələrinin, təcrübə mübadilələrinin uğurla davam etdirilməsi və genişlənməsi üçün rəhbəri olduğu nazilrik tərəfindən müvafiq işlərin aparıldığını qeyd edib.

Görüşdə əlaqələrin mövcud vəziyyəti və gələcək istiqamətləri ətraflı müzakirə olunub.

Daha sonra S.Babayev və M.Topilin tərəfindən “Azərbaycan Respublikasının Əmək və Əhalinin Sosial Müdafiəsi Nazirliyi ilə Rusiya Federasiyasının Əmək və Sosial Müdafiə Nazirliyi arasında əmək, məşğulluq və əhalinin sosial müdafiəsi sahəsində əməkdaşlıq haqqında Saziş” imzalanıb.

Saziş iki nazirlik arasında əmək, məşğulluq və əhalinin sosial müdafiəsi problemlərinin normativ hüquqi tənzimlənməsi, əhali və demoqrafik inkişaf məsələləri daxil olmaqla insan ehtiyatlarının planlaşdırılması və inkişafı, işçi qüvvəsinin keyfiyyətinin artırılması, o cümlədən peşə standartlarının hazırlanması və tətbiqi istiqamətlərində əməkdaşlığı nəzərdə tutur.

Həmçinin sənədə əsasən, iki nazirlik vətəndaşların, xüsusilə sosial müdafiəyə ehtiyacı olan vətəndaşların məşğulluğuna yönəldilmiş tədbirlərin görülməsi, aktiv məşğulluq tədbirlərinin hazırlanması və həyata keçirilməsi, əmək bazarının monitorinqi və proqnozlaşdırılması sisteminin təkmilləşdirilməsi, əməyin mühafizəsi və təftişi məsələləri daxil olmaqla sosial-əmək münasibətləri, əmək mübahisələrinin həlli sahəsində əməkdaşlıq həyata keçirəcək.

Sazişdə sosial müdafiə, məşğulluq və əmək miqrasiyası sahəsində siyasət, yoxsulluğun azaldılması üzrə tədbirlərin görülməsi, yaşayış minimumu həddinin müəyyənləşdirilməsi metodologiyasının təkmilləşdirilməsi, tibbi-sosial ekspertiza və reabilitasiya, əlilliyi olan şəxslərin məşğulluğu və sosial inteqrasiya, sosial xidmətlər, sosial tərəfdaşlıq və işsizlikdən sosial müdafiə sistemlərinin inkişafı, müvafiq sahələrdə birgə layihələrin hazırlanması, həyata keçirilməsi, elmi tədqiqatların, proqramların əlaqələndirilməsi və digər sahələr üzrə əməkdaşlıq istiqamətləri əksini tapır.

Ölkə.Az

ŞƏRH YAZ
0

Prezident İlham Əliyevə Respublika Günü münasibətilə təbriklər gəlməkdədir

Prezident İlham Əliyevə Respublika Günü münasibətilə təbriklər gəlməkdədir
23:07
24.05.2019
280
Siyasət
A
"Ölkə.Az" bidlrir ki, Rusiyanın Həştərxan vilayəti qubernatorunun vəzifəsini icra edən Sergey Morozov Azərbaycan Prezidenti İlham Əliyevə təbrik məktubu ünvanlayıb:

"Möhtərəm İlham Heydər oğlu.

İcazə verin, ilk növbədə, Sizə dərin ehtiramımı bildirim və ölkənizin milli bayramı – Respublika Günü münasibətilə Sizi ürəkdən təbrik edim.

Bu əlamətdar gündə Sizə və Azərbaycan Respublikasının bütün vətəndaşlarına möhkəm cansağlığı, xoşbəxtlik, firavanlıq və tərəqqi diləyirəm.

Uzun illərdir ki, bizim regionlar arasında qarşılıqlı faydalı dostluq münasibətləri inkişaf edir və möhkəmlənir. Heydər Əliyev Fondunun və Bakının Nərimanov rayonunun fəal iştirakı ilə Həştərxan vilayətində bizim region üçün əhəmiyyətli olan bir sıra investisiya layihələri həyata keçirilib. Həştərxan şəhərində Azərbaycan İşgüzar Mərkəzinin, iri logistik habın yaradılması Azərbaycan ilə Rusiyanın Həştərxan vilayəti arasında iqtisadi-ticari əlaqələrin spektrini əhəmiyyətli dərəcədə genişləndirir.

Bakı ilə Həştərxan arasında müntəzəm aviareyslərin bərpa edilməsi səmərəli qarşılıqlı fəaliyyətin növbəti parlaq nümunəsidir. Bu aviareyslər işgüzar fəallığı daha da stimullaşdıracaq, turizm əlaqələrini inkişaf etdirəcək və humanitar əməkdaşlığı genişləndirəcək. Bu layihə Sizin şəxsi dəstəyiniz sayəsində mümkün olub. Buna görə Sizə bütün həştərxanlılar adından dərin minnətdarlığımızı bildirirəm.

Səmimi qəlbdən ümid edirəm ki, Həştərxan vilayəti ilə Azərbaycan arasında əməkdaşlıq xalqlarımızın rifahı naminə bundan sonra da səmərəli inkişaf edəcək və möhkəmlənəcək.

XXX

Türkmənistanın Prezidenti Qurbanqulu Berdiməhəmmədov Azərbaycan Prezident İlham Əliyevə təbrik məktubu göndərib.

Təbrikdə deyilir: "Hörmətli İlham Heydər oğlu.

Ölkənizin milli bayramı – Respublika Günü münasibətilə Sizə və Sizin şəxsinizdə bütün qardaş Azərbaycan xalqına Türkmənistan xalqı və hökuməti adından, şəxsən öz adımdan səmimi təbriklərimi və ən xoş arzularımı çatdırıram.

Biz Türkmənistanda Azərbaycan Respublikası ilə mehriban qonşuluq, hörmət və qarşılıqlı dəstək prinsiplərinə əsaslanan münasibətləri yüksək qiymətləndiririk. Qəti əminəm ki, Türkmənistan-Azərbaycan münasibətləri qardaş ölkələrimizin və xalqlarımızın rifahı naminə bundan sonra da qarşılıqlı əməkdaşlıq ruhunda durmadan inkişaf edəcək və möhkəmlənəcək.

Hörmətli İlham Heydər oğlu, bu xoş fürsətdən istifadə edərək Sizə möhkəm cansağlığı və səadət, qardaş Azərbaycan xalqına isə sülh, firavanlıq və tərəqqi diləyirəm".

XXX

Bolqarıstan Respublikasının Prezidenti Rumen Radevdən:

"Hörmətli cənab Prezident. Azərbaycanın milli bayramı – Respublika Günü münasibətilə ən səmimi təbriklərimi, ölkənizin və xalqınızın rifahı üçün ürəkdən gələn arzularımı qəbul etməyinizi xahiş edirəm.

Bu xoş fürsətdən istifadə edərək, Bolqarıstan Respublikasının Azərbaycan Respublikası ilə strateji əməkdaşlıq əlaqələrinin davamlı olmasına marağını bir daha təsdiq etmək istərdim.

Əminəm ki, dövlətlərimiz arasındakı əməkdaşlığın inkişafı yüksələn xətlə davam edəcəkdir. Çünki bu münasibətlər sabit zəminə – xalqlarımız arasındakı dostluq əlaqələrinə əsaslanır.

Hörmətli cənab Prezident, ən yüksək ehtiramımı qəbul etməyinizi xahiş edirəm".

XXX

Rusiyanın Azərbaycan diasporunun lideri, akademik Fazil Qurbanovdan:

"Hörmətli cənab Prezident. Rusiyada yaşayan çoxminlik Azərbaycan diasporu adından və şəxsən öz adımdan Sizə dərin ehtiramımı bildirir və milli bayramımız - Respublika Günü münasibətilə Sizi ürəkdən təbrik edirəm.

Biz Sizin müdrik rəhbərliyinizlə Azərbaycanın sosial-siyasi həyatında aparılan əsaslı islahatları, ölkənin iqtisadi potensialının və nüfuzunun artırılması işində qazanılan uğurları məmnunluqla izləyirik.

Əminəm ki, Sizin səyləriniz sayəsində Rusiya ilə Azərbaycan arasında strateji tərəfdaşlıq, ənənəvi dostluq əlaqələri xalqlarımızın rifahı naminə bundan sonra da inkişaf edəcək.

Bu xoş fürsətdən istifadə edib Sizə möhkəm cansağlığı və xoşbəxtlik, Azərbaycan xalqına isə sülh, firavanlıq və tərəqqi diləyirəm".

XXX

San-Marino Respublikasının Kapitan-Regentləri Nikola Selvadan və Mişel Muratoridən:

"Zati-aliləri. Azərbaycan Xalq Cümhuriyyətinin yaradılmasının ildönümü – Respublika Günü münasibətilə San-Marino xalqı adından və şəxsən öz adımızdan Zati-alinizə və dost Azərbaycan xalqına ən gözəl arzularımızı və səmimi təbriklərimizi çatdırırıq.

Zati-aliləri, Sizə ən yüksək ehtiramımızı bildirir, səmimi qəlbdən xoşbəxtlik arzulayır, Azərbaycan xalqına isə rifah, inkişaf və firavanlıq diləyirik".

XXX

Yaponiyanın İmperatoru Naruhito Azərbaycan Prezidenti İlham Əliyevə təbrik məktubu ünvanlayıb.

Təbrikdə deyilir: "Zati-aliləri. Azərbaycanın milli bayramı – Respublika Günü münasibətilə Sizə səmimi təbriklərimi çatdırmaqdan böyük məmnunluq hissi duyuram.

Sizə xoşbəxtlik, ölkənizin xalqına isə rifah arzulayıram".

Ölkə.Az

ŞƏRH YAZ
0
BAĞLA