Qazaxda avtomobil ağaca çırpılıb — Sürücü xəsarət alıb

Qazaxda avtomobil ağaca çırpılıb
21:30
22.07.2019
4955
Hadisə
A
Qazax rayonunda avtomobil qəzası baş verib.

"Ölkə.Az" report-a istinadən bildirir ki, rayonun Çaylı kənd yolunda hərəkətdə olan "VAZ-21012" markalı avtomobil idarəetmədən çıxaraq ağaca çırpılıb.

Qəza nəticəsində avtomobilin sürücüsü, Qazax rayon sakini, 1957-ci il təvəllüdlü Yüsif Nəbiyev müxtəlif bədən xəsarətləri alıb. O, Qazax rayon Müalicə və Diaqnostika Mərkəzinə aparılıb.

Faktla bağlı araşdırma aparılır.

Ölkə.Az

ŞƏRH YAZ
0

Maşın vuran uşağı xəstəxanaya apararkən qəzaya düşdü — Özü və yaralı uşaq öldü

Maşın vuran uşağı xəstəxanaya apararkən qəzaya düşdü
23:13
21.08.2019
669
Hadisə
A
Quba rayonunda avtomobillə vurulan yeniyetməni xəstəxanaya çatdırmaq istəyən şəxs qəzaya düşərək ölüb.

“Ölkə.Az” report-a istinadən xəbər verir ki, Rustov kəndində 2015-ci il təvəllüdlü Renat Mahir oğlu Orucəliyevi avtomobil vurub. Uşağı vuran sürücü isə hadisə yerindən qaçıb.

Kənd sakini, 1992-ci il təvəllüdlü Emin Səfərəli oğlu Əzizov yaralı uşağı, uşağın anasını və nənəsini öz avtomobilinə mindirərək Quba Rayon Mərkəzi Xəstəxanasına aparıb. Lakin yolda digər avtomobil tərəfindən vurulub.

Nəticədə, 3 uşaq atası olan sürücü Emin Əzizov hadisə yerində, 4 yaşlı uşaq isə xəstəxanada ölüb. Uşağın anası və nənəsi ağır bədən xəsarətləri ilə Quba Rayon Mərkəzi Xəstəxanasına yerləşdirilib və hazırda onlar müalicə olunurlar.

Faktla Quba Rayon Prokurorluğunda araşdırma aparılır.

Ölkə.Az

ŞƏRH YAZ
0

Göygöldə meşədə baş vermiş yanğın söndürüldü — YENİLƏNİB

Göygöldə meşədə baş vermiş yanğın söndürüldü
22:46
21.08.2019
1821
Hadisə
A
Göygöl rayonunun Gəncə kəndində yerləşən meşə zolağında yanğın qeydə alınıb.

“Ölkə.Az” APA-ya istinadən xəbər verir ki, ilkin məlumata görə, yanğın 2 hektardan artıq ərazini əhatə edir.

Hadisə yerinə Fövqəladə Hallar Nazirliyinin Şirvan Yanğından Mühafizə Bölməsinin 3 yanğınsöndürmə briqadası cəlb olunub. Yanğının hansı səbəbdən yandığı hələlik məlum deyil.

***

Göygöl rayon ərazisində olan meşəlikdə baş vermiş yanğın söndürülüb.

“Ölkə.Az” report-a istinadən xəbər verir ki, ümümi sahəsi 2 hektardan çox meşəliyin 0.5 hektara yaxın ərazisini əhatə edən yanğın söndürülüb və yanğının meşəlik əraziyə tam keçməsinin qarşısı alınıb. Yanğın zamanı iri və xırda gövlədi ağaclar və kol-kos yanıb.

Fövqəladə Hallar Nazirliyinin Göygöl rayon Yanğından Mühafizə Hissəsindən hazırda ərazidə tüstülənmə olsa da yanğının qarşısı alınıb. Əraziyə Göygöl rayon Yanğından Mühafizə Hissəsinin 2 və kömək məqsədilə isə Gəncə şəhər Yanğından Mühafizə İdarəsinin 1, Gəncə bölməsindən isə (Hacıkənd qəsəbəsi) 1 yanğınsöndürən maşın və canlı qüvvə cəlb olunub.

Əraziyə yaxın heç bir yaşayış massivi yoxdur və hadisə zamanı xəsarət alan olmayıb. Yanğının hansı səbəbdən baş verdiyi isə aparılan araşdırmalardan sonra məlum olacaq.

Ölkə.Az

ŞƏRH YAZ
0
BAĞLA