Qazaxda 11-ci sinif şagirdi 30 manat borca görə kollec tələbəsini öldürdü — MƏHKƏMƏ

Qazaxda 11-ci sinif şagirdi 30 manat borca görə kollec tələbəsini öldürdü
17:15
12.07.2019
734
Ölkə
A
Qazaxda kollec tələbəsini qətlə yetirməkdə təqsirləndirilən Məhərrəm Qocayevin cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Elmin Rüstəmovun icraatına verilib.

Məhkəmə hazırlıq iclası iyul ayının 24-də keçiriləcək.

Qeyd edək ki, ötən il Qazaxın Çaylı kəndində 1999-cu il təvəllüdlü Cələddinli Rahil Sübhan oğlu 17 yaşlı Qocayev Məhərrəm Kamran oğlu tərəfindən qətlə yetirilib. 

Məlum olub ki, Qazax Dövlət Sosial İqtisad Kollecinin III kursunda təhsil alan R.Cələddinli Qazax rayon 2 saylı Çaylı kənd orta məktəbinin 11-ci sinif şagirdi M.Qocayeva 25-30 manat borc verib. R.Cələddinli pulunu geri tələb etdikdə, M.Qocayev pulun bir hissəsini qaytara bilib və bu, tərəflər arasında mübahisəyə səbəb olub. Nəticədə M.Qocayev bıçaqla R.Cələddinlinin ürək nahiyəsinə bir zərbə vurub. Zərərçəkmiş aldığı xəsarətdən hadisə yerində ölüb.

Təqsirləndirilən Məhərrəm Qoçayeva qarşı cinayət məcəlləsinin 120.1(qəsdən adam öldürmə) maddəsi ilə ittiham elan olunub.

Natiq Allahverdiyev
Ölkə.Az

 

ŞƏRH YAZ
0

Azərbaycanda qəribə hadisə - — Maqnit avtomobilləri geriyə çəkir + Video

Azərbaycanda qəribə hadisə -
00:47
Bu gün
3536
Ölkə
A
Şamaxı rayonunun Dəmirçi-Lahıc avtomobil yolunun Dəmirçi kəndindən keçən hissəsində nəqliyyat vasitələri öz-özünə hərəkət edir.

“Ölkə.Az” report-a istinadən xəbər verir ki, yerli sakin Elsəvər Rəsulov bu yoldan artıq üçüncü dəfədir istifadə etdiyini və hər dəfə eyni hadisə ilə rastlaşdığını bildirib.

Onun sözlərinə görə, yolun Dəmirçi kəndindən Lahıca gedən 3-4 kilometrlik hissəsində avtomobilin sürəti aşağı düşür və maşın arxaya doğru hərəkət etməyə başlayır:

"Hətta avtomobilin mühərriki sönmüş, sürətlər qutusu isə neytral vəziyyətdə olduğu halda belə, nəqliyyat vasitəsi arxaya getməyə başlayır. Belə vəziyyətdə avtomobillərin əyləcindən istifadə olunmazsa, sürət get-gedə artaraq hətta 60 km/saata çatır".

Elsəvər Rəsulov ehtimal edir ki, yolun bu hissəsində maqnit sahəsi mövcuddur.

Yerli sakinlərin sözlərinə görə, onlar da həmin sözügedən ərazidə eyni yerdə olanda, maqnit avtomobilləri əks istiqamətə çəkir və onlar çətinliklə üzləşirlər. Sakinlər də düşünür ki, həmin ərazidə maqnit sahəsi var və bunun araşdırılması lazımdır.

Ölkə.Az

ŞƏRH YAZ
0

Xalça Muzeyinə status verildi

Xalça Muzeyinə status verildi
23:48
15.07.2019
1561
Ölkə
A
Azərbaycan Xalça Muzeyinə “Milli” statusu verilib

“Ölkə.Az” xəbər verir ki, Nazirlər Kabineti bununla bağlı müvafiq qərar qəbul edib.

Mədəniyyət Nazirliyinə Maliyyə Nazirliyi ilə birlikdə bu qərardan irəli gələn məsələləri həll etmək tapşırılıb.

Ölkə.Az

ŞƏRH YAZ
0
BAĞLA