Qazaxda “Prado” aşdı — 2 yaralı

Qazaxda “Prado” aşdı
23:42
19.05.2017
115
Hadisə
A
Bakı-Qazax magistral yolunda iki nəfərin xəsarət alması ilə nəticələnən yol qəzası baş verib.

Ölkə.Az APA-ya istinadən xəbər verir ki, hadisə Qazax rayonun Daş Salahlı kəndi ərazisində qeydə alınıb. “Toyota Prado” markalı avtomobilin idarəetmədən çıxaraq aşması nəticəsində iki nəfər, Ağstafa rayon Böyük Kəsik kənd sakini, 1983-cü il təvəllüdlü Şamilov Məhəmməd Ramiz oğlu və Gürcüstanın Rustavi şəhər sakini, 1980-ci il təvəllüdlü Qurbanov Rizvan Yusif oğlu müxtəlif bədən xəsarətləri alaraq Qazax Mərkəzi Diaqnostika Mərkəzinə yerləşdiriliblər.

Faktla bağlı Baş Dövlət Yol Polisi İdarəsində araşdırma aparılır.

ŞƏRH YAZ
0

İrandan gələn gəmidə narkotik tapıldı

İrandan gələn gəmidə narkotik tapıldı
17:00
Bu gün
1971
Hadisə
A
Dövlət Gömrük Komitəsi (DGK) Bakı Baş Gömrük İdarəsinin əməkdaşları Xəzər dənizi vasitəsilə ölkə ərazisinə narkotik vasitə və dərman preparatlarının qanunsuz yolla gətirilməsinə cəhdin qarşısını alıblar.

"Ölkə.Az" DGK-ya istinadən xəbər verir ki, bu fakt Xəzər dənizində İqtisadi Mənafelərin Mühafizəsi Gömrük İdarəsindən daxil olan əməliyyat məlumatı əsasında aşkar edilib. Gömrük əməkdaşları Bakı Hövsan Beynəlxalq Dəniz Limanında İrandan Azərbaycana gələn "NILOUFAR ABI" adlı, IMO 8704456 qeydiyyat nömrəli yük gəmisinə kinoloji xidmət itinin tətbiqi ilə baxış keçiriblər.

Baxış zamanı, gəmi kapitanının baş köməkçisi işlədiyi bildirilən İran vətəndaşı Eshrati Seyed Alireza Seyed Yadollah oğluna məxsus kabinədə, masanın üstündə gömrük nəzarətinə bəyan edilməmiş, üzərində "Aluminium/Magnesium/Simethicone" yazısı olan şüşə qabda 30 ml həcmində və üzərində heç bir yazı olmayan plastik qabda 245 ml həcmində tiryək məhlulu, üzərində farsca yazı olan plastik qutuda isə 1 ədəd metadon və 2 ədəd tramadol tərkibli həblər aşkar olunub.

Ədliyyə Nazirliyi Məhkəmə Ekspertizası Mərkəzinin arayışına əsasən, aşkar edilən tiryək məhlulu kustar üsulla hazırlanıb və həmin məhlulda tiryəkin quru maddəsinin ümumi təmiz çəkisi 5,665 qram təşkil edir.

Aşkar edilən 1 ədəd həbin ⅟4 hissəsinin metadon, 2 ədəd həbin hər birinin ⅟2 hissəsinin tramadol tərkibli dərman preparatı olduğu müəyyən edilib. Bir ədəd həbdə metadonun təsiredici maddəsinin miqdarı 0,01 qr, iki ədəd həbdə tramadolun təsiredici maddəsinin ümumi miqdarı 0,1 qr təşkil edir.

Xatırladaq ki, metadon "Ölkə ərazisində dövriyyəsi məhdudlaşdırılan narkotik vasitələrin II Siyahısı"na, tramadol isə "Güclü təsir edən maddələrin və onların külli miqdarının Siyahısı"na daxildir.Faktla bağlı araşdırma aparılır.

ŞƏRH YAZ
0

20 yaşlı nişanlı qızın iki uşaq atasıyla intim görüntüləri yayıldı — LƏNKƏRANDA ŞOK OLAY - (+18) FOTO

20 yaşlı nişanlı qızın iki uşaq atasıyla intim görüntüləri yayıldı
14:45
Bu gün
17500
Hadisə
A
Lənkəran rayonunun Viyən kəndində bir neçə gün sonra toyu olacaq 20 yaşlı Aytən Məmmədova (ad şərtidir-red.) ilə həmin kəndin iki uşaq atası olan 32 yaşlı sakini Gülağa Zahidovun (ad şərtidir-red.) intim videosu yayılıb.

 "Ölkə.Az"ın əldə etdiyi məlumata görə, altı ay öncə A.Məmmədova Orxan Əliyev adlı (ad şərtidir-red.) başqa bir həmkəndilisiylə nişanlanıb və qız toyu olub. Toydan sonra Orxanla Aytən Rusiyaya gediblər və qız Lənkərana qayıdıb. Elə hər şey də bundan sonra baş verib. May ayının sonlarında kənddə Aytənin başqa bir evli kişiylə münasibətdə olduğu iddiaları ortaya çıxıb. Əvvəlcə heç kim buna inanmaq istəməsə də, foto və video görüntülərin ortaya çıxmasından sonra Orxanla Aytənin münasibətləri bitib. 

Artıq  faktla bağlı Gülağa Zahidov Lənkəran ŞRPŞ-nin əməkdaşları tərəfindən cinayət məcəlləsinin müvafiq maddəsi ilə təqsirli bilinərək həbs olunub.

Aytən Məmmədovanın atası Firuz Məmmədov (ad şərtidir-red.) əməkdaşımızla söhbətində bunları deyib:

"Altı ay qabaq qızımın toyu oldu, əri ilə getdilər Moskvaya, oğlan orada yaşayırdı. İnanırsınız, toyun borclarını hələ verib qurtara bilməmişəm, toydan 4146 manat borc qalıb. Gülağa qızımın şəkillərini, videosunu hardasa çəkmişdi, yayıb vatsap vasitəsi ilə. Gedib şəkillər çıxıb Moskvaya ərinə. O da dərhal qızı boşayıb, göndərdi üstümə. İndi qıza iki nəfər nəzarət edir ki, özünə nəsə edər. Şəkilləri isə araşdırıblar, Lənkəranda ekspert analiz edib və belə rəy veriblər ki, qızın başını götürüb şəkillərə montaj ediblər. Məqsədi o olub ki, qızı şantaj edib ələ alsın, qız da onunla yaxınlıq etmədiyinə görə şəkilləri yayıb.

Mən də şikayət elədim, 6-7 gün yoxa çıxdı və sonra polis əməkdaşları tərəfindən saxlanıldı".

Sözügedən hadisəylə bağlı G.Zahidovun ailəsi əməkdaşımızla danışmaq istəməyib.

Qeyd edək ki, saxlanılan Gülağa Zahidov ailəlidir, iki övladı var. 

 

İntiqam VALEHOĞLU
Ölkə.Az

ŞƏRH YAZ
0
BAĞLA