Qazaxıstan prezidenti: “Xəzər dənizi ilə bağlı tarixi qərar veriləcək”

Qazaxıstan prezidenti: “Xəzər dənizi ilə bağlı tarixi qərar veriləcək”
10:37
11.08.2018
3502
Siyasət
A
Qazaxıstan prezidenti Nursultan Nazarbayev bəyan edib ki, Xəzər dənizində dövlətlərin qarşılıqlı münasibətlərinə aid bütün məsələlərdə razılıq əldə edilib.

“Ölkə.Az” xəbər verir ki, Nazarbayevin açıqlamasına əsasən, sabah tarixi qərar veriləcək.

“Son iyirmi ildə biz danışıqlar apardıq. Bütün məsələləri həll etmək üçün mövqelərimizə əsaslandıq. Xəzər dənizində gəmiçilik, təbii ehtiyatlar, dənizin bioloji resurslarının qorunması, ticarət və dövlətlərin əməkdaşlığı məsələlərini müzakirə etdik. Düşünürəm ki, bütün məsələlərdə razılıq əldə edilib və sabah tarixi qərar qəbul edilməsini gözləyirik. Bu, hər birimiz üçün çox vacib andır”, - deyə Qazaxıstan prezidenti deyib.

Qeyd edək ki, sabah Rusiya, Azərbaycan, İran, Qazaxıstan və Türkmənistan prezidentləri Aktau şəhərində görüşəcəklər. Burada Xəzər dənizinin statusunun müəyyənləşdirilməsinə dair uzun illər aparılan danışıqların nəticəsi müzakirə ediləcək.

Hikmət Həsənov
Ölkə.Az

ŞƏRH YAZ
0

“20 Yanvar bütün türk dünyasının qürur günüdür” — Türkiyəli səfir

“20 Yanvar bütün türk dünyasının qürur günüdür”
12:17
Bu gün
1064
Siyasət
A
"20 Yanvar tarixi Azərbaycanın müstəqillik qazanmasında əsaslı dönüş olub".

“Ölkə.Az” “Report”a istinadən xəbər verir ki, bu barədə jurnalistlərə Türkiyənin Azərbaycandakı səfiri Erkan Özoral deyib.

Onun sözlərinə görə, bu gün Azərbaycanın tarixində çox önəmli gündür. "Bu gün matəm günüdür. 1990-ci ilin bu günü qardaşlarımızı şəhid verdik. Dərdimiz böyükdür. Eyni zamanda bu Azərbaycanın süverenlik tarixində önəmli gündür. Çünki 20 Yanvar tarixi Azərbaycanın müstəqillik qazanmasında əsaslı dönüş oldu", - deyə o qeyd edib.

Səfir həmçinin əlavə edib ki, 20 Yanvar milli qürur günüdür: "Bu gün yalnız Azərbaycanın deyil, bütün türk dünyasının qürur günüdür. Şəhidləri sayğı ilə anırıq".

Ölkə.Az

ŞƏRH YAZ
0

“Qanla qazanılmış müstəqillik: 20 Yanvar Bakı qətliamı” — İstanbulda konfrans

“Qanla qazanılmış müstəqillik: 20 Yanvar Bakı qətliamı”
11:41
Bu gün
938
Siyasət
A
Türkiyənin İstanbul Universitetində 20 Yanvar hadisələrinin 29-cu ildönümünə həsr olunmuş konfrans keçirilib.

“Ölkə.Az”xəbər verir ki, “Qanla qazanılmış müstəqillik: 20 Yanvar Bakı qətliamı” adlı konfrans İstanbul Universitetində Azərbaycan Mədəniyyət və Həmrəylik Birliyi və “Hazarfem” Azərbaycan-Türkiyə dostluq cəmiyyətinin birgə təşkilatçılığı ilə baş tutub.

Tədbirdə Azərbaycanın İstanbuldakı konsulluğunun nümayəndələri, siyasət, elm və mədəniyyət xadimləri, tələbələr iştirak ediblər.

Konfransda əvvəlcə hər iki qardaş ölkənin şəhidlərinin xatirələri bir dəqiqəlik sükutla yad edilib, dövlət himnləri səsləndirilib. Qanlı Yanvar faciəsindən bəhs edən videoçarx nümayiş etdirilib.

Azərbaycan Mədəniyyət və Həmrəylik Birliyinin başqanı Rəşid Həsən Mustafazadə çıxış edərək 20 Yanvar faciəsinin Azərbaycan tarixinin kədərli səhifəsi, eyni zamanda, qəhrəmanlıq dastanı olduğunu dilə gətirib.

“Hazarfem” Azərbaycan-Türkiyə dostluq cəmiyyətinin rəhbəri Nuran Acar, Qanlı Yanvar faciəsi şəhidlərinin əziz xatirəsinin türk xalqının qəlbində daim yaşayacağını bildirib.

Dünya Azərbaycanlılarını Əlaqələndirmə Şurasının üzvü, professor Aygün Attarın mövzu ilə əlaqədar məruzəsi dinlənilib. A.Attar çıxışında iştirakçıları 20 Yanvar faciəsinin səbəbləri və nəticələri barədə təfərrüatlı şəkildə bilgiləndirib. O qeyd edib ki, 20 Yanvar hadisəsi Azərbaycanın müstəqillik yolunda əsl dönüş nöqtəsi rolunu oynayıb. Tədbirdə A.Attarın müəllifi olduğu, erməni vəhşiliklərini ifşa edən "Erməniçilik müasir dövrün problemi kimi” kitabı haqqında məlumat verilib.

Daha sonra konfrans iştirakçılarını maraqlandıran suallar cavablandırılıb.

İstanbul Universitetində ilk dəfə olaraq fəaliyyətə başlayan birliyin əsas məqsədi azərbaycan kökənli gənclərə dəstək vermək və özlərini daha yaxşı ifadə etmələrinə yardımçı olmaq, yerli və xarici tələbələrə Azərbaycan mədəniyyəti, ədəbiyyatı və tarixini düzgün şəkildə tanıtmaq, “Bir millət, iki dövlət” şüarını əsas tutaraq qardaş ölkə gənclərinin əməkdaşlığını, qaynaşmasını təmin etməkdir.

Qeyd edək ki, İstanbul Universiteti Türkiyənin ən qədim universiteti olmaqla yanaşı, dünyanın ən yaxşı 500 universiteti siyahısına daxil olmuş (2006) ilk Türkiyə universitetidir və eyni zamanda Asiyanın ən yaxşı 100 universiteti sırasındadır. Universitet iki Nobel mükafatçısını yetişdirib.

Ölkə.Az

ŞƏRH YAZ
0
BAĞLA