Qazaxıstan son illərin ən sərt günlərini yaşayır — FOTO

Qazaxıstan son illərin ən sərt günlərini yaşayır
01:17
12.01.2018
2231
Dünya
A
Qazaxıstanda son illərin ən sərt hava şəraiti qeydə alınıb. Yanvarın 11-də gecə saatlarından başlayan güclü qar fırtınası səbəbindən Qazaxıstan paytaxtında fövqəladə vəziyyət elan olunub. Paytaxt Astanada intensiv qar yağışı və şiddətli külək həyatı iflic edib.

Sürəti saatda 76 kilometrə çatan qasırğa nəticəsində insanlar yollarda qalıb, bir çox obyektlərə və yaşayış binalarına ziyan dəyib. Şəhər daxilində nəqliyyatın hərəkəti təmin edilsə də, paytaxtın digər şəhərlərlə əlaqəsində fasilələr yaranıb. Eyni zamanda, Nursultan Nazarbayev adına Astana Beynəlxalq hava limanından uçuşlar təxirə salınıb.

Günorta saatlarında Astana şəhər icra hakimiyyəti yaydığı yazılı açıqlamada şəhərdə fövqəladə vəziyyət elan olunduğunu və vətəndaşların mümkün qədər evlərindən çıxmamaları barədə xəbərdarlıq edib. Eyni zamanda, səhər saatlarında sosial şəbəkələr vasitəsilə məktəblərdə və kolleclərin aşağı kurslarında dərslərin təxirə salındığı barədə xəbər verilib. Həyati əhəmiyyətli xidmətlər istisna olmaqla, digər təşkilatlara fəaliyyətlərini müvəqqəti olaraq dayandırmaq tövsiyə edilib. Ölkənin hidrometeorologiya xidmətindən yayılan açıqlamada qar çovğununun davam edəcəyi və havanın temperaturunun - 25 dərəcəyə qədər enəcəyi bildirilib.

Bununla belə, kəskin çovğuna baxmayaraq, gün ərzində şəhərdə nəqliyyatın hərəkətini asanlaşdırmaq məqsədilə yollarda qarın təmizlənməsi işləri fasiləsiz davam etdirilib. Astana meriyasından verilən məlumata görə, bu işlərə 1345 maşın cəlb edilib və 35 min ton qar şəhər kənarına daşınıb.

Qeyd edək ki, qış mövsümünün beş-altı ay davam etdiyi Astana şəhəri Monqolustanın paytaxtı Ulan-Batordan sonra dünyanın ikinci ən soyuq paytaxtı hesab olunur.

Ölkə.Az

ŞƏRH YAZ
1

Gürcüstan prezidentliyinə iki iddiaçı namizədliyini geri götürüb

Gürcüstan prezidentliyinə iki iddiaçı namizədliyini geri götürüb
22:43
Bu gün
115
Dünya
A
Gürcüstanda prezidentliyə namizədliyi qeydə alınmış iki siyasətçi namizədliyini geri götürüb.

"Ölkə.Az" report-a istinadən bildirir ki, həmin namizədlər "Ənənəviçilər birliyi"ndən Akaki Asatiani və "Xristian-demokratlar hərəkatı"ndan Vaxtanq Qabuniyadır.

Onlar namizədliklərini "Azad Gürcüstan" partiyasının prezidentliyə namizədi Kaxa Kukavanın xeyrinə geri götürüblər.

A.Asatiani və V.Qabuniya tərəfdarları və seçicilərini K.Kukavanı dəstəkləməyə çağırıblar.

Gürcüstanda prezident seçkiləri oktyabrın 28-də keçiriləcək. Yerli qanunvericiliyə görə, namizədliyin geri götürülməsi müddəti oktyabrın 16-da başa çatıb. Seçki bülletenlərində namizədlikləri qeydə alınmış 25 namizədin hamısının adı qeyd olunacaq.

Bundan əvvəl Gürcüstanda 200-dən çox seçki məntəqəsi üçün seçki bülletenlərinin Azərbaycan dilində çap olunacağı məlumat verilib.

Ölkə.Az

ŞƏRH YAZ
0

Səudiyyə Ərəbistanından Kaşıkçının meyiti ilə bağlı açıqlama — Harada olduğu...

Səudiyyə Ərəbistanından Kaşıkçının meyiti ilə bağlı açıqlama
21:31
Bu gün
1462
Dünya
A
Səudiyyə Ərəbistanının xarici işlər naziri Adil əl Cübeyr ölkənin İstanbuldakı konsulluğunda öldürülən jurnalistin meyiti ilə bağlı məlumatsız olduqlarını bildirib.

"Ölkə.Az" xəbər verir ki, nazir Camal Kaşıkçının meyitinin harada olduğu və necə öldürüldüyü barədə təhqiqatlarının davam etdiyi qeyd edib:

"Jurnalisti öldürənlərin cinayət məsuliyyətinə cəlb olunmasını istəyirik. Cəsədin harada olduğu və Kaşıkçının necə öldürüldüyünü müəyyən etməyə çalışırıq. Vəliəhd şahzadənin hadisədən xəbəri yox idi. Jurnalsitin ailəsinə başsağlığı diləyirəm. Törədilən bu hadisə çox böyük səhvdir".

Qeyd edək ki, hadisənin baş verməsindən 18 gün keçsə də, Kaşıkçının cəsədinin tapılmaması müəmma yaradır. Aktivistlər, jurnalistlər və hadisə ilə maraqlanan hamı onun meyitinin tapılmasını tələb edir. Səudiyyə rəsmiləri isə qismən də olsa, jurnalistin konsulluqda baş verən bir davadan sonra öldürüldüyünü təsdiq ediblər.

Ölkə.Az

ŞƏRH YAZ
0
BAĞLA