Qazaxıstana qara rəngli qar yağdı — FOTO

Qazaxıstana qara rəngli qar yağdı
14:47
12.01.2018
2696
Dünya
A
Qazaxıstanın paytaxtı Astana şəhərinə qara rəngli qar yağıb.

"Ölkə.Az" xəbər verir ki, şiddətli qar fırtınası səbəbindən Qazaxıstanda fövqəladə vəziyyət elan edilib.

Temirtauda yağan qara qar insanların çaşqınlığına səbəb olub. Sakinlər hökumətdən hadisənin araşdırılmasını tələb edirlər. Sosial şəbəkə istifadəçiləri "Burada boğuluruq, belə yaşaya bilmirik"-deyə statuslar yazıblar.

Ölkənin ən böyük polad və dəmir istehsal sənayeləri yerləşən Temirtauda hava həddən artıq çirklənib. Ehtimal edilir ki, qara rəngli qar yağışının səbəbi havanın çirklənməsidir.

Hikmət Həsənov
Ölkə.Az

ŞƏRH YAZ
0

Kral Kaşıkçının ailəsi ilə görüşdü

Kral Kaşıkçının ailəsi ilə görüşdü
21:58
Bu gün
29
Dünya
A
Səudiyyə Ərəbistanı kralı Salman ibn Abdul Əziz Türkiyədə ölkəsinin Baş Konsulluğunda qətlə yetirilən jurnalist Camal Kaşıkçının ailəsini qəbul edib.

"Ölkə.Az" xarici KİV-ə istinadən xəbər verir ki, görüş Kralın rəsmi iqamətgahında baş tutub. Şahzadə Məhəmməd ibn Salman da görüşdə iştirak edib.

Xatırladaq ki, jurnalist C.Kaşıkçı oktyabrın 2-də Səudiyyə Ərəbistanının İstanbuldakı Baş Konsulluğunun binasında öldürülüb. Krallıq onun qətlə yetirildiyi ilə bağlı açıqlama vermirdi. Ancaq oktyabrın 20-də Səudiyyə Ərəbistanı rəsmi olaraq jurnalistin Baş Konsulluğun binasında öldürüldüyünü etiraf edib. Kral Salman və vəliəhd şahzadə Məhəmməd ibn Salman Kaşıkçının ailəsinə başsağlığı verib.

Ölkə.Az

ŞƏRH YAZ
0

Klip çəkilişində faciə — Repçi yerə çırpılaraq öldü

Klip çəkilişində faciə
18:35
Bu gün
740
Dünya
A
Kanadanın Vernon şəhərində faciə baş verib.

“Ölkə.Az” xəbər verir ki, 34 yaşlı repçi Con Mak-Myurrey klip çəkilişi zamanı həlak olub. O, çəkiliş vaxtı təyyarənin qanadından yıxılaraq yerə çırpılıb. Repçini xilas etmək mümkün olmayıb.

Süjet xəttinə əsasən, musiqiçi uçan təyyarənin qanadları üzərində hərəkət etməli imiş. Amma Con özünü saxlaya bilməyib və yıxılıb. O, bir müddət təyyarənin qanadından asılı qalıb. Amma sonradan yıxılıb. Musiqiçinin meneceri bildirib ki, Conun paraşütü olub. Amma məsafə yerə çox yaxın olduğu üçün paraşütü aça bilməyib.

Mak Myurrey aldığı xəsarətlərdən hadisə yerində keçinib.

Hikmət Həsənov
Ölkə.Az

ŞƏRH YAZ
0
BAĞLA