Qazaxıstanda niqab qadağan edildi

Qazaxıstanda niqab qadağan edildi
18:32
16.05.2018
2536
Dünya
A
Qazaxıstan parlamentinin aşağı palatası yeni qərar qəbul edilib.

“Ölkə.Az” xəbər verir ki, dördüncü oxunuşdan sonra sifəti bağlayan paltarların, ilk növbədə niqabın qadağan edilməsinə qərar verilib.

Qanunu Qazaxıstanın dini işlər və vətəndaş cəmiyyəti üzrə naziri Darxan Kaletaev təqdim edib.

Deputatlar bununla da dini fəaliyyəti nizamlayan yeni qanun qəbul ediblər. 

Qeyd edək ki, ötən il Qazaxıstan prezidenti Nursultan Nazarbayev dini paltarlar əleyhinə çıxış etmişdi.

Hikmət Həsənov
Ölkə.Az

ŞƏRH YAZ
0

Əlində insan ayağı olan kannibal polisə təslim oldu: “Adam əti yeməkdən bezdim”

Əlində insan ayağı olan kannibal polisə təslim oldu: “Adam əti yeməkdən bezdim”
18:48
Bu gün
3040
Dünya
A
Cənubi Afrikada 33 yaşlı kannibal əlində kəsilmiş insan ayağı ilə polis idarəsinə gəlib.

“Ölkə.Az” xəbər verir ki, kannibal “Adam əti yeməkdən bezdim” deyərək təslim olub.

Hadisə Eskourt şəhərində baş verib. 33 yaşlı Nino Mbatha polisə təslim olub. O, sərxoş vəziyyətdə evinə qayıdan Zanele adlı qadını maşınına mindirib. Sonra isə avtomobili qayalıq əraziyə sürərək qurbanını əvvəlcə öldürüb sonra isə yeyib. Zanelenin itkin düşməsindən sonra polis təhqiqata başlayıb. Qadının meyitinin parçaları qayalıq ərazidə tapılıb.

Mbathanın təslim olması ilə bağlı polis rəisi Thembeka Mbheke açıqlama verib. O, kannibalın təslim olduğunu, evində daha çox insan meyiti olduğunu bildirib.

Hikmət Həsənov
Ölkə.Az

ŞƏRH YAZ
0

Dünya çempionu avtomobil qəzasında həlak oldu

Dünya çempionu avtomobil qəzasında həlak oldu
18:06
Bu gün
3304
Dünya
A
Ukraynalı idmançı armrestlinq üzrə dünya və Avropa çempionu Andrey Puşkar Rovnensk vilayətində avtomobil qəzasına düşüb.

“Ölkə.Az” xəbər verir ki, Ukrayna polisi qəza nəticəsində idmançının həlak olduğunu bildirib.

Qəza “Kiyev-Çop” yolunda baş verib. Rəsmi versiyaya əsasən, idmançı “Citroen” markalı avtomobilin sükanı arxasında olub və idarəetməni itirib. Bu zaman maşın qarşı zolağa çıxıb və yük maşını ilə toqquşub. Yük maşınının 30 yaşlı sürücüsü də ağır xəsarətlərlə xəstəxanaya yerləşdirilib.

Eyni zamanda bildirilir ki, qəza zamanı başqa bir idmançı da ağır xəsarət alıb. Söhbət Ukraynanın əməkdar idmançısı, beynəlxalq dərəcədə idman ustası Oleq Joxdan gedir. Oleq koma vəziyyətindədir.

Hikmət Həsənov
Ölkə.Az

ŞƏRH YAZ
0
BAĞLA