Qazaxıstanda qəribə hadisə

"Ölkə.Az" xəbər verir ki, məhkəmə Aksaysk kənd dairəsi administrasiyasının rəhbərini 18.600 dollar məbləğində cərimələyib. Buna səbəb isə administrasiya rəhbərinin inək peyini qismində rüşvət almasıdır.

Məhkəmədə müəyyən edilib ki, vətəndaş İ. Aksaysk administrasiyasının rəhbəri Cumaxmet Doskaliyevə müraciət edərək qəsəbədə fərdi ev inşa etmək üçün torpaq sahəsi almağa lazım olan sənədlərə imza atmağı xahiş edib. 

Amma vətəndaşın fərdi sahibkar olduğunu, inək peyininin satışı və çatdırılması ilə məşğul olduğunu bilən dövlət məmuru ondan 300 kisə inək peyini tələb edib. Peyin verildikdən sonra isə sənədə qol çəkəcəyinə söz verib.

Vətəndaş akimin (akim-Qazaxıstanda kənd administrasiya rəhbərlərinə verilən ad) tələbini yerinə yetirir. Amma sonradan əlavə sənəd lazım olduğu üçün akim 50 kisə də inək peyini tələb edib. Beləcə ümumi rüşvətin məbləğo 620 dollar təşkil edib.

Akim 18.600 dollar cərimə edilib və ona dövlət orqanlarında işləmək qadağan edilib.

Hikmət Həsənov
Ölkə.Az