Qazaxıstanın yeni prezidenti and içdi

Qazaxıstanın yeni prezidenti and içdi
12:33
12.06.2019
1792
Dünya
A
Qazaxıstanda keçirilən prezident seçkilərində qələbə qazanan Kasım-Jomart Tokayev and içib.

 “Ölkə.Az” xəbər verir ki, Tokayev bununla da prezident kimi fəaliyyətə başlayıb.

“Qazaxıstan xalqına sadiq xidmət etməyə, Qazaxıstanın konstitusiyası və qanunlarına ciddi rayət etməyə, vətəndaşların hüquq və azadlıqlarını təminat altına almağa, üzərimə düşən prezident vəzifəsini şərəf və vicdanla icra etməyə and içirəm”, - deyə Tokayev təntənəli mərasimdə deyib.

O, eyni zamanda qeyd edib ki, vətəndaşların rifah halı onun əsas məqsədi olacaq.

Qeyd edək ki, Tokayev seçkilərdə seçicilərin 70.96 faiz səsini toplayıb.

Ölkə.Az

ŞƏRH YAZ
0

Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
Bu gün
958
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Məşhur mafiya başçısı həbsxanadan qaçdı

Məşhur mafiya başçısı həbsxanadan qaçdı
08:31
Bu gün
3014
Dünya
A
Məşhur italyan mafiya başçısı Rokko Morabito və üç dustaq Uruqvaydakı həbsxanadan qaçıb.

“Ölkə.Az” xəbər verir ki, həbsdən qaçış gecə saatlarında baş verib. Rokko və dustaqlar həbsxananın dam örtüyü vasitəsilə aradan çıxıblar. Onlar yaxınlıqdakı fermanın sahibinin pulunu oğurlayıblar. Hazırda dustaqların harada olduğu bilinmir.

Morabito nüfuzlu italyan mafiyasının üzvüdür. O, narkotik maddə alverinə görə həbs edilib. Rokko 20 il axtarışda olub. Hüquq-mühafizə orqanları onu Uruqvayda həbs edə bilib. Rokko 2017-ci ildən həbsdədir və İtaliyaya ekstradisiyasını gözləyib.

Mafiya başçısı həbs edilənə qədər 13 il Uruqvayda, saxta pasportla yaşayıb.

Ölkə.Az

 

ŞƏRH YAZ
0
BAĞLA