“Qəbələ” uduzdu — YENİLƏNİB

“Qəbələ” uduzdu
22:42
12.07.2018
9899
İdman
A
İkinci hissəyə fəal başlayan “Qəbələ” rəqiblə müqayisədə daha üstün oyun nümayiş etdirib.

"Ölkə.Az" xəbər verir ki, görüşün 47-ci dəqiqəsində “Qəbələ”nin heyətində Vojislav Stankoviçin cərimə zərbəsindən vurduğu top dəqiq olmayıb. Matçın 51-ci dəqiqəsində qonaq komanda Mayron De Almeydanın qolu ilə hesabı açıb – 0:1. Oyunun 61-ci dəqiqəsində Olivye Till qəbələlilərin qapısına təyin olunan 11 metrlik cərimə zərbəsini dəqiq yerinə yetirərək hesab arasındakı fərqi iki topa çatdırıb. Qalan dəqiqələrdə “Qəbələ”nin cəhdlərinə baxmayaraq, hesab dəyişməyib. Beləliklə, matç rəqibin 2:0 hesablı qələbəsi ilə yekunlaşıb.

Xatırladaq ki, komandalar arasında cavab matçı iyulun 19-da Lüksemburqda oynanılacaq.

“Qəbələ” bu mərhələni keçəcəyi təqdirdə ikinci seçmə mərhələdə “Rabotniçki” (Makedoniya) - “Honved” (Macarıstan) qarşılaşmasının qalibi ilə üz-üzə gələcək.

***
UEFA Avropa Liqasında ölkəmizi təmsil edən “Qəbələ” futbol komandası turnirdə mübarizəyə başlayıb.

"Ölkə.Az" xəbər verir ki, yarışın birinci təsnifat mərhələsinin ilk görüşləri çərçivəsində “qırmızı-qaralar” iyulun 12-də Qəbələ şəhər stadionunda Lüksemburqun “Proqres” klubunu qəbul edir.

“Qəbələ”nin əsas heyətində Dmitri Bezotosnı, Vojislav Stankoviç, Elvin Camalov, Rauf Əliyev, Asif Məmmədov, Ceyms Adeniyi, İlqar Qurbanov, Bəhlul Mustafazadə, Stiven Monroz, Ürfan Abbasov və Sabien Lilay yer alıblar.

Lüksemburq təmsilçisinin ilk onbirliyində isə meydana Sebastyan Floss, Mayron de Almeyda, Yannik Bastos, Olivye Till, Emmanuel Fransuaz, Mario Mutş, Jordan Qobron, Marven Martens, Adrian Ferino, Sebastyan Till və Tim Hall çıxıblar.

Oyunu Moldovadan olan hakimlər briqadası idarə edir. Matçın baş hakimi Vyaçeslav Banaridir. Ona yan xətt hakimləri Vasili Yermişin və Dumitru Çiobanu kömək edirlər. Görüşdə dördüncü hakim funksiyasını Andrei Cojocaru yerinə yetirir.

Oyununun ilk hissəsində hesab açılmayıb. Qəbələ təmsilçisi rəqib qarşısında bir neçə təhlükəli vəziyyət yaratsa da, futbolçularımız bunu qola çevirə bilməyiblər.

Ölkə.Az

ŞƏRH YAZ
0

Ronaldo buna görə cəzalandırıla bilər — UEFA intizam işi açdı

Ronaldo buna görə cəzalandırıla bilər
20:56
18.03.2019
633
İdman
A
UEFA "Yuventus"un futbolçusu Kriştiano Ronaldo ilə bağlı intizam işi açıb.

“Ölkə.Az” UEFA-nın rəsmi saytına istinadən xəbər verir ki, buna futbolçunun Çempionlar Liqasının 1/8  finalının “Atletiko” ilə cavab matçında etdiyi qeyri-etik hərəkət səbəb olub.

Artıq məsələ ilə bağlı martın 21-də qərar veriləcək.

Xatırladaq ki, Ronaldo “Atletiko” ilə görüşdə het-trik etməklə komandasını növbəti mərhələyə yüksəldib. O, 3-cü qoldan sonra  sevincini qeyri-etik şəkildə qeyd edib. Ronaldo bununla ilk görüşdə eyni jesti edən “Atletiko”nun baş məşqçisi Dieqo Simeoneyə cavab verib. Simeone bu hərəkətinə görə UEFA tərəfindən 20 min avro cərimələmişdi.

Ölkə.Az

ŞƏRH YAZ
0

Xristian futbolçu məscid qətliamına səcdə ilə etiraz etdi — FOTO

Xristian futbolçu məscid qətliamına səcdə ilə etiraz etdi
12:08
18.03.2019
590
İdman
A
Yeni Zelandiyada baş verən terror aktına sərt reaksiyalar davam edir.

 “Ölkə.Az” xəbər verir ki, Kosta Barbaruses adlı futbolçu oyunda qol vurduqdan sonra səcdəyə gedərək terror zamanı öldürülən müsəlmanları yad edib.

Avstraliyada “Melbourne Victory” komandasının oyunçusu Kosta şənbə günü keçirilən yarışda qol vurub və səcdəyə gedərək Yeni Zelandiyada terror hücumu zamanı ölən 50 nəfəri yad edib. Oyundan əvvəl də Yeni Zelandiyada qətlə yetirilənlərin xatirəsi 1 dəqiqəlik sükutla yad edilib.

Futbolçu İnstaqram səhifəsində paylaşımında da “Bütün dualarım terror hücumu nəticəsində həlak olanlar və onların sevdikləri insanlarladır. Tariximizdə çox hüzünlü gündür” yazıb.

Hikmət Həsənov
Ölkə.Az

ŞƏRH YAZ
0
BAĞLA