“Qəbələ” “Sabah”a uduzdu
Futbol üzrə Azərbaycan Premyer Liqasında IV turun daha bir oyunu keçirilib.
"Ölkə.Az" xəbər verir ki, həftənin üçüncü matçında debütant "Sabah" "Qəbələ"ni qəbul edib.
"Əlincə Arena"da baş tutan görüşün taleyini 23-cü dəqiqədə meydan sahiblərinin hücumçusu Marko Deviçin vurduğu qol həll edib - 1:0.
Bombardirlik yarışında lider olan ukraynalı forvard cari çempionatda 6-cı qoluna imza atıb.
Bu qələbədən sonra xalını 9-a çatdıran "Sabah" 1-ci pilləyə yüksəlib. Hesabında 4 xalı olan "Qəbələ" isə 4-cü sıradadır.
Qeyd edək ki, IV turun ilk iki oyununda "Qarabağ" evdə "Sumqayıt"ı məğlub edib - 1:0. "Səbail" - "Zirə" görüşündə isə 1:1 hesablı heç-heçə qeydə alınıb. Həftəyə saat 21:00-da start götürəcək "Neftçi" - "Keşlə" matçı ilə yekun vurulacaq.
Ölkə.Az
