\"Qəbələ\" və \"Kəpəz\" cəzalandırıldı
İntizam Komitəsinin bu gün keçirilən iclasında aşağıdakı qərarlar qəbul olundu.
"Ölkə.Az" goal.az-a istinadən xəbər verir ki, Topaz Premyer Liqasının IV turunun "Qəbələ" - "Zirə" matçının 90+1-ci dəqiqəsində "Zirə" klubunun baş məşqçisi Ayxan Abbasov oyunun baş hakiminə sərt etiraz edib. Buna görə Ayxan Abbasova xəbərdarlıq olunur. Bu hal yenidən baş verəcəyi təqdirdə məşqçi cəzalanacaq.
Topaz Premyer Liqasında çıxış edən klubların əvəzedici heyətlərinin IV turunun "Qəbələ" - "Zirə" matçında "Qəbələ" klubunun 4 futbolçusu sarı vərəqə ilə cəzalandığı üçün klub 400 manat cərimə olunur.
Topaz Premyer Liqasında çıxış edən klubların əvəzedici heyətlərinin IV turunun "İnter" - "Kəpəz" matçında "Kəpəz" klubunun 5 futbolçusu sarı vərəqə ilə cəzalandığı üçün klub 400 manat cərimə olunur.
