Qəbələdə canavarlar həyətə soxuldu: qoyunları parçaladı
Qəbələ rayonunun Böyük Əmirli kəndində qoyunlara canavarlar hücum edib.
"Ölkə.Az" gecə saat 4 radələrində qoyunların olduğu qapalı əraziyə soxulan vəhşi heyvanlar orda olan 18 qoyunu öldürüb, 17 qoyunu isə yaralayıb.
Canavarlar həyətə soxulub, xırdabuynuzlu heyvanları tələf edib.
Kənd sakinləri deyir ki, kənddə belə hadisələr tez-tez olur. Tədbirlər görülmədiyi üçün Canavarlar həyətlərə girib sərbəst gəzirlər.
Rayonun Baş baytar həkimi Bəhman Abdurəhmanov bildirdi ki, cəsədlər baytar həkimlər tərəfindən basdırılıb və quduzluğa qarşı vaksinasiya tədbirləri aparılıb.
Ölkə.Az
