Qəbələdəki yanğın yerinə daha bir helikopter göndərildi
Bu barədə "Ölkə.Az"a Fövqəladə Hallar Nazirliyindən (FHN) məlumat verilib.
Qeyd olunub ki, yanğının söndürülməsi işlərinə FHN-in Dövlət Yanğından Mühafizə Xidmətinin yanğın bölmələri, Mülkü Müdafiə Qoşunlarının, Şimal-qərb Regional Mərkəzinin şəxsi heyəti, Aviasiya dəstəsinin 1 ədəd helikopteri və “BE 200 ÇS” amfibiya təyyarəsi cəlb edilib.
Hazırda yanğının söndürülməsi üzrə işlər davam etdirilir.
***
Qəbələ rayonunun Solquca kəndində dağlıq ərazidə baş verən yanğının söndürülməsi üçün tədbirlər davam etdirilir.
“Ölkə.Az”FHN-ə istinadən xəbər verir ki, yanğının geniş əraziyə yayılmasının qarşısının alınması məqsədilə əraziyə FHN-in Aviasiya dəstəsinin “BE 200 ÇS” tipli amfibiya təyyarəsi və 2 ədəd helikopteri, Dövlət Yanğından Mühafizə Xidməti, Mülkü müdafiə qoşunları və Şimal-qərb Regional Mərkəzinin müvafiq qüvvələri cəlb olunub.
Ölkə.Az
