KORONAVİRUSA YOLUXANLARIN SAYI - CANLI STATİSTİKA

Qəbələdə Müdafiə nazirlərinin görüşü keçirilib — YENİLƏNİB

Qəbələdə Müdafiə nazirlərinin görüşü keçirilib
13:19
12.06.2019
1881
Siyasət
A
İyunun 12-də Qəbələ şəhərində yerləşən Heydər Əliyev Konqres Mərkəzində Azərbaycan Respublikasının Müdafiə naziri, general-polkovnik Zakir Həsənov, Türkiyə Respublikasının Milli Müdafiə naziri Hulusi Akar və Gürcüstanın Müdafiə naziri Levan İzoriya arasında üçtərəfli formatda görüş başlayıb.

Müdafiə Nazirliyindən "Ölkə.Az"a verilən məlumata görə, görüşdən əvvəl Müdafiə nazirləri Qəbələ şəhərinin mərkəzində ucaldılmış Azərbaycan xalqının ümummilli lideri Heydər Əliyevin abidəsini, eləcə də Şəhidlər xiyabanında ölkəmizin müstəqilliyi, ərazi bütövlüyü uğrunda şəhid olmuş vətəndaşlarımızın məzarlarını ziyarət edərək önlərinə gül dəstələri qoyub, xatirələrini hörmət və ehtiramla yad ediblər.

Görüşdə regiondakı hərbi-siyasi vəziyyət, üçtərəfli formatda hərbi əməkdaşlığın inkişaf etdirilməsi, regional layihələrin təhlükəsizliyinin təmin olunması məsələlərinin müzakirəsi və üçtərəfli hərbi əməkdaşlıq sahəsində qarşılıqlı maraq doğuran digər məsələlər barədə geniş fikir mübadiləsinin aparılması nəzərdə tutulub.

***

"Ölkə.Az"ın məlumatına görə, görüşdən əvvəl nazirlər Qəbələ şəhərində yerləşən Şəhidlər xiyabanını ziyarət edib, şəhid məzarları önünə gül dəstələri qoyublar. 

Qeyd edək ki, görüşdə üçtərəfli formatda əməkdaşlığın inkişaf etdirilməsi, regional layihələrin təhlükəsizliyinin təmin olunması və bir sıra digər məsələlər barədə fikir mübadiləsi aparılacaq. 

Ölkə.Az

ŞƏRH YAZ
0

Şahin İsmayılov: "Bu qüvvələr yəqin gündəmdə qalmağın yollarını axtarır"

Şahin İsmayılov:
06:16
Bu gün
315
Siyasət
A
"Koronavirus pandemiyasının dünyada tüğyan etdiyi bir vaxtda dövlətlər daha effektiv həll yolları axtarır, müxtəlif proqramlar qəbul və icra edir. O cümlədən ölkəmiz də qlobal pandemiyanın fəsadlarının azaldılması və ən əsası, əhalinin sağlamlığının qorunması üçün kifayət qədər səmərəli tədbirlər həyata keçirir. Bu məsələ Prezident İlham Əliyevin ciddi nəzarəti altındadır. Dövlətimizin başçısı ölkə əhalisinin sağlamlığının qorunması, iqtisadi sabitliyin pozulmaması üçün lazımi addımları atır.

"Ölkə.Az" report-a istinadən xəbər verir ki, bunları Milli Məclisin deputatı Şahin İsmayılov bildirib.

O, bununla yanaşı bəzi qüvvələrin pozuculuq fəaliyyətinə təəssüflənib:

"Əfsuslar olsun ki, birlik və həmrəyliyin çox vacib olduğu hazırkı zamanda ölkəmizdə müəyyən qüvvələr pozuculuq fəaliyyəti ilə məşğul olur, qeyri-sabitliyə çalışırlar. Nə qədər tragikomik olsa da, “beşinci kolon” üçün budəfəki mövzu koronavirus pandemiyasıdır. Koronavirus mövzusu artıq Azərbaycanın sistemsiz radikal müxalifətinin əsas lideri adını alıb desək, yəqin yanılmarıq".

Deputat deyib: “Görünən odur ki, radikal müxalifət ölkədəki vəziyyəti gərginləşdirmək üçün pandemiya mövzusunu siyasi qeyri-sabitliyə çevirməyə çalışır. “Beşinci kolon” koronavirusu özü üçün xoşbəxtlik kimi qəbul edir. Avropada məhdudlaşdırıcı tədbirlər insanlara qayğı kimi təqdim edilir. Azərbaycan hakimiyyətinin eyni hərəkətləri hüquq və azadlıqların məhdudlaşdırılması adlandırılır”.

Şahin İsmayılov qeyd edib ki, koronavirus səbəbindən “beşinci kolon” öz havadarlarının maliyyə və siyasi dəstəyindən məhrum olub. Buna görə də pandemiya onların sanki varlıqlarının sübutu üçün şansdır: "Bəs normal müxalifəti olan ölkələrdə vəziyyət necədir? Çox uzağa getmədən qardaş Türkiyəyə nəzər salaq. Türkiyənin ana müxalifət partiyası olan CHP, eləcə də İYİ partiyası koronavirusla mübarizədə hökumətə dəstək verdi. Türkiyə müxalifəti Səhiyyə nazirinə, nazirliyin işçilərinə təşəkkür edərək bu dövrdə birlik nümayiş etdirməyin hər şeydən önəmli olduğunu bildirdilər. 

Qonşu Gürcüstanda isə 20-dən çox müxalifət partiyası dünyanın aparıcı ölkələri və beynəlxalq maliyyə qurumlarına müraciət ünvanladı. Müxalifət partiyaları Gürcüstan hökumətinin beynəlxalq maliyyə dəstəyinə çox ehtiyacı olduğunu bildirərək deyirlər: “Beynəlxalq yardım almaq bizim ümumi həyati maraqlarımıza daxildir və bu, həm bugünkü, həm də gələcəkdə formalaşdırılacaq hökumətə ciddi iqtisadi və sosial böhranın öhdəsindən gəlməyə imkan verəcək”.

“Dünya siyasətində belə misallar kifayət qədər çoxdur. Əfsuslar olsun ki, “beşinci kolon” tərəfindən Azərbaycan üçün vacib olan tədbirlər əsnasında sərgilənən bu mövqe növbəti dəfə bilavasitə ölkə əhalisinin sağlamlığı ilə bağlı olan mövzuda göstərildi. Siyasi həyatın tullantıları arasında olan bu qüvvələr yəqin ki, gündəmdə qalmağın yollarını axtarır. Amma unutmaq olmaz ki, siyasi əxlaq var. 

Birlik göstərə bilmirsənsə, susub kənarda dayanmaq lazımdır. Sabah Qarabağı işğaldan azad edəndə mövzu nə olacaq görəsən?”, - deyə deputat vurğulayıb.

Ölkə.Az

ŞƏRH YAZ
0

Ağdaban faciəsindən 28 il ötür

Ağdaban faciəsindən 28 il ötür
00:23
Bu gün
1741
Siyasət
A
Ermənilərin Kəlbəcər rayonunun Ağdaban kəndində azərbaycanlılara qarşı kütləvi qırğın törətməsindən 16 il ötür.

"Ölkə.Az" xəbər verir ki, 1992-ci il aprelin 7-dən 8-nə keçən gecə Ermənistan Silahlı Qüvvələri və Dağlıq Qarabağdakı erməni hərbi birləşmələri Ağdaban sakinlərinə qarşı vəhşiliklər törədib.

130 evdən ibarət olan kəndin işğalı zamanı, evlərin hamısı yandırılıb, 779 dinc sakinə divan tutulub. 67 sakin müxtəlif işgəncələrlə qətlə yetirilib. Həmin gün 90-100 yaşlı 8 qoca, 2 uşaq, 7 qadın diri-diri yandırılıb, 12 nəfərə ağır bədən xəsarəti yetirilib, 2 nəfərin taleyi haqqında isə indiyədək heç bir məlumat yoxdur.

Kəndin işğalı zamanı ermənilər tərəfindən tarixi-memarlıq və mədəniyyət abidələri dağıdılıb, Türk-İslam dövrünə aid ziyarətgah və məzarlıq məhv edilib. Azərbaycanın aşıq şerinin ustadı Aşıq Qurbanın və oğlu Aşıq Şəmşirin əlyazmaları, o cümlədən də ev muzeyi yandırılıb.

Qeyd edək ki, Ağdaban kəndi Kəlbəcər rayonunda, rayon mərkəzindən 56 km şimal-şərqdə yerləşir.

Ölkə.Az

ŞƏRH YAZ
0
BAĞLA