Qəddafinin oğlu: \"Sarkozi barədə həqiqətləri danışacam\"
Liviyanın sabiq lideri Muəmmar Qəddafinin oğlu Seyf əl-İslam Qəddafi bəyan edib ki, Fransanın sabiq prezidenti Nikola Sarkoziya aid kompromat materiallara malikdir.
“Ölkə.Az” xəbər verir ki, Qəddafinin sözlərinə əsasən, Sarkozi 2007-ci ildəki seçkiləri Liviyadan gələn pullarla maliyyələşdirib.
“Mən deyirəm ki, Sarkozi əleyhinə ciddi dəlillərim var. Mən hələ bu iş üzrə hələ ki, şahid kimi ifadə verməmişəm. Eyni zamanda əlində Qəddafi və Sarkozinin Tripolidə, seçki kampaniyasından əvvəlki görüşünün lent yazısı olan Liviya kəşfiyyatının keçmiş rəisi Abdulla Senussi də ifadə verməyib. Eyni zamanda “Libya İnvestment” şirkətinin keçmiş direktoru Bəşir Salah da ifadə verməyə hazırdır”, - deyə Seyf-əl İslam bildirib.
Oğul Qəddafinin fikrinə görə, Liviyada baş verən xaos və terrora görə məhz Sarkozi günahkardır.
Hikmət Həsənov
Ölkə.Az
