Qənirə Paşayeva AŞPA-da çıxış edib

Qənirə Paşayeva AŞPA-da çıxış edib
14:27
12.10.2017
241
Siyasət
A
Bu gün Avropa Şurası Parlament Assambleyasında (AŞPA) “Bəşəriyyətə qarşı cinayətləri təqib etmək və cəzalandırmaq, İŞİD tərəfindən həyata keçirilən mümkün soyqırım aktları” adlı qətnamə layihəsinin müzakirəsi zamanı Azərbaycanın AŞPA-dakı nümayəndə heyətinin üzvü, Qənirə Paşayeva qurumun Azad Demokratlar Qrupu adından çıxış edərək terrorla mübarizədə ikili standartlara yol verilməməsinin vacibliyini qeyd edib.

"Ölkə.Az" APA-ya istinadən xəbər verir ki, Q. Paşayeva bir müddət öncə Türkiyənin İraq və Suriya sərhədində İŞİD zülmündən qaçaraq canını zorla qurtarmış qaçqınlarla görüşdüyünü diqqətə çatdırıb: "İraq türkmənlərinin təmsilçiləri, İraq Türkmən Cəbhəsi rəsmiləri İŞİD-in İraqda türkmənlərinin yaşadığı bölgələrdə törətdikləri dəhşətli cinayətlərdən bəhs etdilər və AŞPA da daxil olmaqla, beynəlxalq təşkilatlar və Avropa dövlətləri tərəfindən İŞİD-lə mübarizə məsələsində onlara dəstək verilmədiyini söylədilər. İŞİD zülmündən əziyyət çəkən bütün bölgə xalqları və dövlətləri sizdən dəstək gözləyir. Məsələn, İŞİD-ın Türkiyədə həyata keçirdiyi 14 terror aktında 304 məsum insan həyatını itirib. Bu səbəblə, Avropa qurumları və ölkələri Suriya və İraq sərhədində İŞİD-lə mübarizə aparan ölkələrə, özəlliklə Türkiyəyə daha çox dəstək verməlidir və biz buna çağırırıq. Mən qrupumuz adından çıxış edirəm, amma qısa da olsa, bunu bildirmək istəyirəm ki, əhalisinin böyük hissəsi müsəlman olan ölkəm Azərbaycan da İŞİD-lə mübarizədə ciddi addımlar atmaqdadır. Çünki biz terror təşkilatlarına qarşıyıq və Ermənistan tərəfindən dəstəklənən terror təşkilatlarından böyük zərərlər görmüş bir ölkə olaraq Azərbaycan bütün terror təşkilatları ilə sərt mübarizə aparır. Dəyərli dostlar, İŞİD beynəlxalq terror təşkilatıdır. Bu təşkilatın sıralarında müxtəlif millətlərdən və fərqli dinlərdən insanlar var. Bu səbəbdən İŞİD-i müsəlmanlardan ibarət bir terror təşkilatı olaraq görmək və müsəlmanlara qarşı mənfi fikir yaratmaq istəyənlərə də fürsət verməməliyik. İŞİD-in etdiklərinin İslam dini ilə heç bir əlaqəsi yoxdur. Avropada bəzi siyasətçilərin İŞİD-i bəhanə edərək İslam dini və müsəlmanlar əleyhinə çağırışlarına da buradan etirazımızı bildirməliyik. Bu cür addımların Avropada islamofobiyanın artmasına yönəlik hərəkətlərin hansı pis nəticələrə səbəb olacağını, hansı faciələrə gətirib çıxaracağını nəzərə almalıyıq. Bu cür məsuliyyətsiz açıqlamalar sadəcə İŞİD-in işinə yarayar. Avropada İslam əleyhinə fikirlərin olması hamımızı ciddi şəkildə narahat etməlidir və İslam əleyhdarlarının artmaması üçün də hamımız birlikdə ciddi çalışmalıyıq. Bu gün dünyadakı münaqişələrin azalması üçün mədəniyyətlər və dinlərarası dialoqun artmasına ehtiyacımız var. Terrorla təsirli şəkildə mübarizə aparmaq üçün bütün Avropa ölkələri bu sahədə İslam ölkələri ilə əməkdaşlığını artırmalıdır. Bu gün ehtiyac duyduğumuz tək şey dialoq və əməkdaşlıqdır”.

ŞƏRH YAZ
0

Əli Həsənov bir qrup türkiyəli jurnalistlə görüşüb

Əli Həsənov bir qrup türkiyəli jurnalistlə görüşüb
01:30
Bu gün
346
Siyasət
A
Türkiyə-Azərbaycan Media Forumunda iştirak etmək üçün Türkiyənin Qəzetçilər Birliyi və Anadolu Yayımçılar Dərnəyinin təşkilatçılığı ilə bu ölkənin 40-dan artıq jurnalisti Azərbaycanda səfərdədir.

"Ölkə.Az" xəbər verir ki, onlar iki gün ərzində Bakıda Azərbaycan jurnalistləri ilə bir araya gələcək, jurnalistikanın aktual problemlərinə dair məsələləri müzakirə edəcəklər. Bakıda fəaliyyət göstərən İslam Əməkdaşlıq Təşkilatına üzv Dövlətlərin Jurnalistləri Assosiasiyası, Azərbaycan Mətbuat Şurası və “Yeni çağ” media qrupu da bu forumun təşkilatçıları sırasındadır.

Forumda iştirak etmək üçün Bakıya gələn türkiyəli jurnalistlərin bir qrupu iyulun 20-də Prezident Administrasiyasında Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənovla görüşüb.

Görüşdə Əli Həsənov Azərbaycanda son zamanlar yaşanan proseslərdən, Prezident İlham Əliyevin həyata keçirdiyi siyasətin uğurlu nəticələrindən, Azərbaycanın ötən 15 ildəki inkişafından, iqtisadi, siyasi, sosial sahələrdə görülən işlərdən, qardaş ölkələrimizin liderliyi ilə həyata keçirilən “Cənub Qaz Dəhlizi” layihəsindən, onun region və Avropa ölkələrinin enerji təhlükəsizliyinə töhfəsindən danışdı.

Azərbaycanın və qardaş Türkiyənin regionda artan rolunu vurğulayan Prezidentin köməkçisi türkiyəli jurnalistlərin suallarını cavablandırdı.

Ölkə.Az

ŞƏRH YAZ
0

“Mehriban Əliyeva Qarabağdakı kriminal durumla bağlı konkret addımlar atmağa çağırdı” — Politoloq

“Mehriban Əliyeva Qarabağdakı kriminal durumla bağlı konkret addımlar atmağa çağırdı”
22:10
20.07.2018
1277
Siyasət
A
Azərbaycan sabitliyin, təhlükəsizliyin hökm sürdüyü nümunəvi ölkədir.

"Ölkə.Az" xəbər verir ki, bunu Trend-ə politoloq, Qərb-Xəzər Universitetinin professoru Fikrət Sadıxov deyib.

F.Sadıxov qeyd edib ki, bu fikir Azərbaycanın Birinci-vitse prezidenti Mehriban Əliyevanın Müstəqil Dövlətlər Birliyinin (MDB) iştirakçısı olan ölkələrin Daxili İşlər Nazirləri Şurasının Bakıda keçirilən iclasının iştirakçıları ilə görüşü zamanı səsləndirilib:

"Qeyd olunub ki, Azərbaycan təhlükəsizliyin hökm sürdüyü sabit dövlətdir. Əminəm ki, ölkə daxilində sabitlik daha da möhkəmlənəcək və təhlükəsizlik məsələləri bundan sonra da diqqət mərkəzində olacaq. Burada güc strukturları, hüquq-mühafizə orqanlarının da rolu böyükdür. Bu, bütün əhəmiyyətli prioritetlərin möhkəmlənməsində mühümdür".

Politoloq vurğulayıb ki, Birinci vitse-prezident görüş zamanı Ermənistan tərəfindən Azərbaycan torpaqlarının bir hissəsinin işğal edildiyni bir daha xatırladıb və buna diqqət çəkib:

"Birinci vitse-prezident Mehriban Əliyeva vurğuladı ki, Ermənistan tərəfindən işğal olunmuş Azərbaycan torpaqlarından narkotiklərin becərilməsi və sonradan trafiki üçün istifadə olunması faktları mövcuddur.Artıq uzun illərdir orada qanunsuz olaraq xarici hüquqi və fiziki şəxslər fəaliyyət göstərir ki, bu da yolverilməzdir, Azərbaycan Respublikasının qanunverciliyinin kobud şəkildə pozulması deməkdir. Birinci vitse-prezident MDB ölkələrinin hüquq-mühafizə orqanları rəhbərlərini bu məsələyə diqqət ayırmağa, bununla əlaqədar konkret addımlar atmağa çağırdı. Əks halda regionda təhlükəsizlik və sabitlik şübhə altında qala bilər".

Ölkə.Az

ŞƏRH YAZ
0
BAĞLA