Qənirə Paşayeva AŞPA-nın baş katibini tənqid etdi

"Ölkə.Az" xəbər verir ki, millət vəkili qurumun baş katibi Yaqlandı onların azadlığı çıxması üçün Ermənistana yetərli təzyiq göstərməməkdə günahlandırıb.

Q.Paşayeva AŞPA-da erməni kökənli beynəlxalq terrorçi V.Garabedianın Ermənistanın müraciəti ilə Fransada müəmmalı şəkildə azadlığa buraxılmasından danışıb və araşdırılma tələb edib.

Bundan başqa millət vəkili AŞPA-da təşkilatı ittiham edib və terrorçunu qəhrəman elan edən, Xocalı soyqırımını törədən işğalçı bir ölkə heyətinin burada ədalətdən danışmaq haqqı yoxdur deyib: "Xocalı soyqırımını törədənlər Ermənistanda yüksək vəzifələrdədirlər nə üçün onların ədalət qarşısında cavab verməsi üçün bu ölkəyə təzyiq göstərmirsiniz".

Q.Paşayeva AŞPA-da Ermənistan heyətinə sərt cavab verdi və Xocalı soyqırımını törədən işğalçı ölkəniz törətdiyi cinayətlərinin cavabını verəcək deyib.
AŞPA-da “Azad müzakirələr” zamanı çıxış edən millət vəkili, Azərbaycanın AŞPA-dakı nümayəndə heyətinin üzvü Q.Paşayeva AŞPA-da təşkilatı ikili standartlarda ittiham edib və bəzi millət vəkillərinin Azərbaycan əleyhinə apardığı kampaniyaya sərt cavab verib: "Dəyərli məsləkdaşlarım, mən bu gün başqa bir çıxış edəcəkdim, amma təəssüflər olsun ki bəzi millət vəkillərinin özəlliklə Ermənistan heyətinin ölkəm əleyhinə bir neçə gündür burda dilə gətirdikləri saxta ittihamlara, yalanlara cavab vermək məcburiyyətindəyəm. Mən 12 ildir burada ölkəmin təmsilçisiyəm. Amma bu gün yalan-yanlış bilgilərlə "insan haqları" adı altında Azərbaycanı ittiham edən bəzi millət vəkillərinin Avropa Şurasının üzvü olan Ermənistanın Azərbaycan torpaqlarının 20%-ni işğal etməsi nəticəsində öz evlərindən sürgün edilmiş 1 milyon azərbaycanlı qaçqının, məcburi köçkünün Ermənistan tərəfindən pozulmuş "insan haqlarını" müdafiə etmələrini heç bir zaman görmədim. Nə üçün yüz minlərlə azərbaycanlı qaçqının haqlarını pozan Ermənistana qarşı təzyiq tətbiq etmək üçün Assambleyamız heç bir addım atmır? Evlərinə dönə bilməyən 1 milyon azərbaycanlı məcburi köçkün Assambleyamızdan bu suallarına cavab gözləyirlər. Ermənistan bütün dünyanın gözləri önündə Azərbaycanın Xocalı şəhərində bir gecədə 613 insanı qətlə yetirdi, yüzlərlə insan o soyuq qış günlərində ağır yaralı olaraq canlarını zorla qurtardı. Ermənistan Xocalıda bir soyqırım həyata keçirdi və oradan sağ canlarını qurtara bilmiş çox az sayda məcburi köçkünlər də bu gün də öz evlərinə dönə bilmirlər. Nə üçün bu insanların pozulmuş "insan haqları"nın müdafiəsi üçün Assambleyamız heç bir addım atmır? Nə üçün ikili standartlar davam edir? Xocalılar Assambleyamızdan bu suallarına cavab gözləyirlər. Xocalı soyqırımı kimi insanlıq əleyhinə cinayət törədənlər bu gün Ermənistanda yüksək vəzifə tuturlar və bu günə qədər ədalət qarşısında cavab verməyiblər. Baş katib Yagland Azərbaycan əleyhinə çıxışlar edir. Amma onun doğrudan Ermənistan prezidentinin özünə birbaşa deməsinə baxmayaraq Ermənistan dövləti onun və AŞPA-nın çağırışlarına məhəl qoymur, bu gün də qanunsuz olaraq girov saxladığı azərbaycanlı Dilqəm Əsgərov və Şahbaz Quliyevi azadlığa buraxmır. Nə üçün cənab Yagland və Assambleyamız bu insanların pozulmuş insan haqlarının müdafiəsi, onların azadlığa buraxılması üçün Ermənistana qarşı təzyiq göstərilməsi istiqamətində ciddi addımlar atmırlar?

Bütün bunlardan sonra Azərbaycandakı sadə insanların bir çoxu nə soyləyir, bilirsinizmi?

"Biz əhalisinin çoxu müsəlman olan bir ölkə olduğumuzdan bizə qarşı belə davranırlar" deyirlər. Bu durum nə qədər acı deyilmi? Amma təəssüf ki AŞPA-dan gördükləri ikili standarlar onları bu cür düşünməyə vadar edir.

Ermənistan heyətinin neçə gündür Azərbaycan əleyhinə yalanlarla dolu açıqlamalarına gəlincə. Buradan onlara demək istəyirəm ki, siz ASALA terror təşkilatının liderlərindən olan Varaujan Garabediandan bəhs edin. Fransanın Orli hava limanında Türk Hava Yollarının bürosuna bombalı hücum edərək 8 məsum insanın ölməsinə, 55 nəfərin yaralanmasına səbəb olan terrorçunun Ermənistan dövlətinin və siyasətçilərinin müraciətlərinə əsasən Fransada necə əfv edilməsindən və sizin onu Ermənistanda qəhrəman elan etməyinizdən bəhs edin. Terrorçunu qəhrəmana çevirən bir dövlətin millət vəkillərinin burada insan haqlarından bəhs etmə haqları yoxdur. Biz burdan bu terrorçu və onunla birlikdə terorlarda iştirak edən ermənilərlə bağlı araşdırmalar, istintaqın aparılmasını tələb edirik".

Hikmət Həsənov
Ölkə.Az