Qərb banklarında 67 milyard dollar Liviya pulu dondurulub
Qərb banklarında dondurulan Liviya aktivlərinin dəyəri 67 milyard dollardır.
"Ölkə.Az" xəbər verir ki, Tripolidəki milli şura hökumətinin rəhbəri Faez Sərəc bu barədə məlumat verib.
Liviya prezident şurasının sədri və baş naziri deyib: "Qərb banklarında hazırda 67 milyard dollar vəsait var. Onlar arasında Liviya şirkətlərinin və Mərkəzi Bankının sərmayələri də var. Bu dondurulmuş aktivlər Liviya dövlətinə məxsusdur".
Liviya dövlətinə qarşı xüsusi silah embarqosu rejimi, hesabların dondurulması və səfər qadağası var. Bu sanksiyaların müddətinin nə zaman bitəcəyi barədə məlumat yoxdur.
Hikmət Həsənov
Ölkə.Az