Qərb hegemoniyasına qarşı müqavimət simvolu — Politoloq rəyi

Qərb hegemoniyasına qarşı müqavimət simvolu
15:27
13.07.2019
9774
Analitika
A
“Əvvəla onu deyim ki, bir çoxları kimi mən də Türkiyədə tərəfidən Rusiyadan S-400 zenit-raket kompleksinin alınmasına kifayət qədər şübhə ilə yanaşırdım.

 Bunu “Ölkə.Az”a açıqlamasında politoloq Fuad Hilalov deyib.

 Onun sözlərinə görə, bu şübhənin səbəbini Türkiyə yeni tarixində axtarmaq lazımdır:

“Məsələ ondadır ki,  İkinci Dünya müharibəsindən dərhal sonra ilk Amerika əgkəri heyətinin Türkiyəyə gəlməsi və 1951-ci ildə Türkiyənin NATO-ya üzv olmasından sonra Türkiyə Qərb blokunun regionda ən sadiq üzvü və müttəfiqi rolunda çıxış edib. Bu günə qədər Türkiyədə hərbi çevrilişlərdən tutmuş iqtidar dəyişməsinə qədər bütün irili-xırdalı siyasi prosesslərdə  NATO-nun və xüsusilə də ABŞ-ın şəksiz rolu olub. Xatırladaq ki, iqtidara gəldiyi ilk illərdə də Türkiyədəki hakim AKP ABŞ və NATO ölkələri ilə əməkdaşlığa xüsusi diqqət yetirirdi”.

Ekspertin fikrincə, NATO və Qərb ölkələrinə bütün bu sədaqətinə  baxmayaraq qeyd etmək lazımdır ki, Türkiyə hər zaman Qərb düşərgəsində özünə qarşı ögey münasibət görüb: “Bircə onu demək kifayətdir ki, Türkiyənin  havadan müdafiə sistemi bu günə qədər demək olar yoxdur.  Türkiyədəki NATO hərbi bazalarında  zaman zaman yerləşdirən Amerikan istehsalı olan Patriot zenit qurğuları isə Türkiyənin yox NATO-nun nəzarətində olub. Türkiyə dəfələrlə bu qurğuları satın almaq üçün müraciət edərək yüksək məbləğ təklif etsə də mənfi cavab alıb”. 

 F.Hilalov bildirib ki,  belə olan halda, gərginliyin daimi olaraq yüksək olduğu regionda yerləşən Türkiyənin hava hücumundan müdafiə sistemini başqa ölkələrdən təmin etməkdən savayı yolu qalmamışdı.

 “Bir müddət əvvəl Çin ilə belə danışıqlar aparılırdı. Amma o vaxt Vaşinqtonun sərt reaksiyası ilə üz üzə qalan Ankara bu işdən vaz keçdi. 
Bütün bu deyilənləri nəzərə alaraq Türkiyənin bu addımı həyata keçirəcəyinə sonuna qədər inam olmasa da hal hazırda baş verənlər mənim də hələ ki, yanıldığımı göstərir. Artıq zenit qurğuları Türkiyəyə gətirilib. Bu qurğular birbaşa Türkiyə dövlətinin ixtiyarına veriləcək. Onları türk hərbçiliəri idarə edəcəklər.  Maddi cəhətdən Patriot qurğularından çox daha ucuz S-400-lər hərbi ekspertlərin fikrincə texniki baxımdan da onları bir neçə dəfə üstələyir”,- ekspert qeyd edib. 

 Məsələnin təhlükəsizlik və geosiaysi tərəflərinə toxunan ekspert bildirib ki, bu məsələnin hərbi təhlükəsizlik tərəfi, siyasi və geosiyasi tərəfləri isə daha da vacib və rezonans gətirəbiləcək məqamlara sahibdir: 

“Belə ki, ilk dəfə bir NATO ölkəsi həm də Türkiyə kimi əhəmiyyətli bir NATO ölkəsi bloka üzv olmayan və hətta ona rəqib olan bir dövlətin zenit raketlərini öz ölkəsində yerləşdirməyə başlayır. Təbii ki, bu hadisə  son dövrlərdə ziddiyətlərin başladığı NATO blokundakı çatların gələcəkdə daha da dərinləşəcəyindən xəbər verir. Çünki digər dövlətlərdən Türkiyədən nümunə götürə bilərlər. Bu ümumilikdə dünyadakı hərbi siyasi iqtisadi Qərb hegemoniyasına qarşı ciddi bir təhdiddir”. 

 S-400-lərlə bağlı Türkiyəyə olan reaksiyalara gəldikdə isə  ekspert deyib ki, ABŞ prezidenti və onun administrasiyası ümumilikdə bu hadisəyə anlayışla baxır: 

“Amma Amerikada çox güclü olan qlobal liberal maliyyə mafiyası və onlarını nəzarətində olan parlamentdən sərt reaksiyaların artıq gəldiyini və bundan sonra rəsmi Ankaraya təzyiqlərin güclənəcəyini deyə bilərik. Ən absurd məsələ odur ki, NATO rəhbərliyi Türkiyəni müttəfiqlik prinsiplərinə əməl etməməkdə günahlandırır. Bu belə deməki mümkündürsə, artıq öyrəşdiyimiz ikili siyasətin və arsızlığın təzahüründən başqa bir şey deyil. Soruşmaq lazımdır ki, bəs bütün bu onillər ərzində Türkiyə pulu ilə sizdən hava hücümündən müdafiə sistemləri almaq istədikdə sizin mənfi cavablarınız “müttəfiqlik prinsiplərinə”  çox mu uyğun idi? Nəticə etibarı ilə Türkiyənin Rusiyadan bu zenit raket sistemlərini əldə etməsi çox dərin və gələcək qlobal siyasətdə təsirləri olacaq bir addımdır”.

Mürtəza
Ölkə.Az

ŞƏRH YAZ
1

"Paşinyan Qərb dairələrinin ümidlərini doğrulda bilməyəcək” — Politoloq

18:33
15.08.2019
4231
Analitika
A
"Ermənistan rəhbərliyinin Azərbaycan torpaqlarına olan iddiasını açıqca ortaya qoymasının əsas günahkarları Qarabağ münaqişəsinin tənzimlənməsində vasitəçilik missiyasını həyata keçirən ATƏT MQ-nin həmsədr ölkələridir".

Bunu “Ölkə.Az”a açıqlamasında politoloq Elşad Mirbəşiroğlu deyib.

Onun sözlərinə görə, Ermənistan-Azərbaycan, Dağlıq Qarabağ münaqişəsinin həllində vasitəçilik missiyasını həyata keçirən ATƏT MQ həmsədr ölkələr zamanında işğalçı Ermənistanı öz adıyla çağırmadığından, onlar da özlərini cəzasızlıq mühitində hiss etdiyindən, beynəlxalq hüquqa tüpürərək istədiyi bəyanatları verirlər. “Bu baxımdan da istər Paşinyanın, istərsə də digər rəsmilərin məsuliyyətsiz bəyanatlar səsləndirməsinə görə məsuliyyəti  ATƏT MQ həmsədr ölkələri daşıyır”- o, qeyd edib.

Politoloq hesab edir ki, Paşinyan Ermənistanın işğalçılıq siyasətini açıq etiraf etdiyinə görə, işğalçı dövləti öz adıyla çağırılmalı, ona işğalçıya layiq olan münasibət sərgilənməlidir: “Digər tərəfdən Ermənistan rəhbərliyi son hərəkətləri və fəaliyyətləri ilə bir daha münaqişənin dinc vasitələrlə həllində maraqlı olmadıqlarını ortaya qoyduğundan, bu ölkəya qarşı başqa davranış və ritorikanın tətbiqini labüd edir”.

Belə olan şəraitdə Azərbaycanın atmalı olduğu addımlara gəldikdə isə politoloq deyib ki, Azərbaycan bu istiqamətdə lazımi addımlar atır. “Təəssüflər olsun ki, hələlik Azərbaycanın səsinə beynəlxalq təşkilatlar tərəfindən lazımi səviyyədə reaksiya verilmir. Lakin Azərbaycanın tətbiq etdiyi “güc diplomatiyası” öz nəticəsini verəcək və artıq verməkdədir. Məhz “güc diplomatiyası”nın tətbiqi nəticəsində beynəlxalq aləm tədricən Azərbaycanın ədalətli mövqeyini dəstəkləməkdədir. Hesab edirəm ki,  Azərbaycan bu istiqamətdə fəaliyyətini davam etdirməklə istədiyi nəticəyə nail olacaq”- o bildirib.
Rusiya Təhlükəsizlik Şurasının katibi Nikolay Patruşevin Ermənistana səfərinin yekunlarını şərh edən politoloq deyib ki, bu sıradan bir səfər deyildi. “Bu səfər onu  göstərir ki, Rusiya Ermənistanda mövqelərini daha da möhkəmləndirmək əzmindədir. Paşinyan hakimiyyətə gəldiyi ilk zamanlarda atdığı addımlarla Ermənistanı Rusiyanın təsir orbitindən çıxarmağa çalışırdı.  Nəticədə iki ölkə arasında  münasibətə gərginləşməyə və soyuqlaşmağa  başladı. Rusiya Paşinyanın bu fəaliyyətini həzm edə bilmirdi. Çünki Ermənistan MDB məkanında Rusiyanın ən böyük hərbi dayaqları olan ölkədir. Ona görə də Rusiya burada mövqelərini bacardıqca möhkəmlətmək niyyətindədir. Hesab edirəm ki, Patruşevin səfəri Moskvanın İrəvana təzyiqlərini artırmağa şərait yaradacaq. Nəticə etibarı ilə Rusiya Ermənistanda mövqelərini möhkəmlətməklə, bu ölkənin forpost  status daha da möhkəmlənmiş olacaq.

Digər tərəfdən Paşinyan hakimiyyətə gəldikdən sonra iki ölkə arasındakı mövcd hərbi-texniki əməkdaşlıq sahəsində əlaqələr zəifləyib və bundan  sonra həmin əməkdaşlığın aktivləşdirilməsinə çalışılacaq.

Bu səfəri onu deməyə əsas verir ki, Paşinyan Ermənistanı Rusiyanın təsir dairəsindən çıxara biməyəcək. Bəzi Qərb dairələrinin ona bu məsələdə olan ümidlərini doğrulda bilməyəcək”-politoloq qeyd edib.

Politoloq Patruşevin səfəri zamanı son dövrlərdə Paşinyanaın Qarabağ məsələsində səsləndirdiyi bəyanatların müzakirə olunduğunu və bu məsələdə İrəvana müəyyən xəbərdarlıqlar etməsini də  istisna etməyib: “Ən azından Moskva Paşinyanı Qarabağ məsələsində sərsəm bəyanatlar verməsində çox da irəli getməməyi tövsiyyə edib”. 

Mürtəza
Ölkə.Az

ŞƏRH YAZ
0

"İqlim dəyişkənliyi sonrakı illərdə də davam edəcəksə..." — EKSPERT

06:14
10.08.2019
6095
Analitika
A
Dünyada gedən qlobal iqlim dəyişmələrinin əlamətlərini bu il daha aydın müşahidə edirik. İlin aqrometeroloji analizi deməyə əsas verir ki, qış fəslində baş vermiş quraqlıq, fəsilə xarakterik olmayan isti hava kütlələrinin axını ilkin yazda öz yerini kəskin qeyri-sabitliyə vermiş, yaz fəsli kəskin temperatur dəyişmələri, dolu, yağıntıların baş verməsi ilə müşayət olunmuşdu. Aramsız yağışlar nəticəsində ilkin yazda ərik, gilas, alça kimi tez çiçəkləyən ağaclarda tozlanma prosesi tam başa çatmamış, ağacların potensial məhsuldarlığı aşağı düşmüşdü. Son üç gündə havaların kəskin dəyişməsi də yay fəslinə xarakterik deyil, bu cür qeyri-sabit hava şəraiti nadir hadisə kimi qiymətləndirilə bilər.

"Ölkə.Az" bildirir ki, bunu azərtac-a açıqlamasında kənd təsərrüfatı mütəxəssisi Nicat Nəsirli deyib.

Onun sözlərinə görə, illər üzrə meteroloji təhlillər göstərir ki, qışda temperatur ampilitudlarının yüksək, yayda isə aşağı düşməsi iqlim amilləri ilə birbaşa əlaqəli olan kənd təsərrüfatı bitkiləri üçün müxtəlif risk və stres amilləri yaradır. Belə görünür ki, illər üzrə bitkilər üçün stres faktorları daha da güclənməkdədir.

Son günlər baş verən yağıntılar meyvəçilik üzrə ən mənfi təsirlərini üzüm bağlarına göstərə bilər. Üzümçülük, xəstəlik və zərərvericilərə sirayətlənmə baxımından meyvəçilikdə ən zəif bitki sayıla bilər. Temperaturun qəflətən aşağı düşməsi üzüm tinglərində su və metobolizm balansını pozur, məhsulun keyfiyyət göstəricilərinə - şəkərlilik və turşululuğuna mənfi təsir göstərir. Yağıntıların baş verməsi üzümçülükdə təhlükəli xəstəlik olan "boz çürümə" xəstəliyinin yayılmasına münbit şərait yaradır. Suvarılmayan sahələrdə, dəmyə əkinlərində yağış yağması nəticəsində gilələrdə partlama əmələ gəlir və nəticədə məhsulun əmtəə görünüşü korlanır, fermerə iqtisadi ziyan dəyir.

Nicat Nəsirli deyib: "Bu cür qeyri-sabit iqlim amillərinin baş verməsi meyvədə yetişmə dinamikasının pozulması ilə müşayət olunur. İyul-avqust-sentyabr ayları meyvədə şəkər toplama, vegetasiyanın başa çatması dövrü olduğu üçün temperatur sabit olmalı, gecə-gündüz temperaturu arasında ampilitut normal həddə tərəddüd etməlidir. Gündüzlər kəskin isti, axşamlar isə soyuq olması, o cümlədən gündüzlə gecə temperaturu arasında fərqin az olması yetişməyə mənfi təsir göstərir. Bu cür hallar daha çox üzüm, əncir, nar meyvələrinə aiddir. Nəticədə adıçəkilən meyvələr öz bioloji xüsusiyyətlərinə uyğun olaraq vaxtında yetişməyəcək, bağlarda kütləvi gecyetişmə prosesi müşayət olunacaq".

Yay aylarında yağıntıların düşməsi alma, armud kimi meyvələrin xarici səthində kiçik zədələnmələr əmələ gətirir ki, bu zədələr sonradan havaların qızması nəticəsində çürüntü bölgəsi əmələ gəlir və məhsulun böyük hissəsi bağdaca itirilir. Bu barədə danışan ekspert bildirib ki, yalnız düzgün aqrotexniki qulluq göstərilmiş, zərərverici və ziyanvericilərə qarşı sistemli mübarizə aparılmış bağlarda bu zədələr fəsada yol açmır, ağacın qüvvətli immuniteti sayəsində zədələr qısa vaxtda aradan qalxır. Tədbirlər aparılmayıbsa, bağ xəstəliyə sirayətlənibsə, yağışların əmələ gətirdiyi zədələr irihəcmli itkilərə aparıb çıxarır.

Həmsöhbətimiz qeyd edib ki, meyvəçiliklə məşğul olan fermerlər yay aylarında düşən yağıntılardan sonra sahələrdə aktivləşən "qırmızı gənə"nin hərəkətini və göbələk xəstəliklərini nəzarətdə saxlamalı, on gündən bir bağlarda kimyəvi mübarizə tədbirləri həyata keçirməlidirlər.

Qeyri-sabit hava şəraitində tərəvəzçilik istiqaməti üzrə əsas diqqət açıq sahədə əkilmiş pomidor şitillərinə yönəlməlidir. Pomidorun "avqust-sentyabr xəstəliyi" adlandırılan fitovtora nəm havaların, axşamlar soyuq, gündüzlər isə kəskin istilərin təsiri ilə sahəni bürüyür, nəticədə barın yuxarı hissəsində qaralma əmələ gəlir və çürümənın əhatə dairəsi genişlənərək məhsulun zay olmasına gətirib çıxarır. Torpaq adamları məhz bu iki ayda pomidor sahələrini fitovtoranın mənfi təsirlərindən qorumalıdırlar.

Əkinçilikdə - mövsümi becərmə işləri gedən qarğıdalı, şəkər çugunduru sahələrində güclü küləklə müşayiət olunan qeyri-sabit hava şəraiti bar orqanlarının zədələnməsinə, tam qırılmasına gətirib çıxarır ki, bu da sahədən əldə olunan məhsuldarlığı aşağı salır.

Onun sözlərinə görə, son becərmə işləri gedən pambıqçılığa yağıntılı havaların mənfi təsiri yoxdur. Qozalar hələki çiçəkləmə dövrünü başa çatdırmadığı üçün nəm havalar lifin keyfiyyətinə mənfi təsir göstərə bilməz. Yalnız normativlərə uyğun əkilməyən, sıx səpilmiş sahələrdə nəmlik nəticəsində göbələk xəstəliyi formalaşa bilər ki, bunu da seyrəltmə aparmaqla aradan qaldırmaq lazımdır.

Heyvandarlıq yeganə sahədir ki, belə havalar iri və xırdabuynuzlu heyvanlarda, eyni zamanda, quşçuluqda idealdır. Bu barədə də məlumat verən Nicat Nəsirli bildirib ki, heyvanlarda bədən temperaturunun aşağı düşməsi nəticəsində yemin həzmə gediciliyi artır, daha iştahla yeyir və özünü bir növ komfort hiss edir. Heyvandarlığın ən həssas sahəsi olan arıçılıq üçün də avqust yağıntılarının mənfi təsiri yoxdur. Əksinə, balvermə dövrü başa çatdığı üçün arıların qüvvəli yem bazasına ehtiyacı var, yağışlar nəticəsində təbiət canlanır, bitkilərdə erkən inkişaf baş verdiyi üçün arılar üçün nektarin bazası güclənir.

"İqlim qeyri-sabitliyi bundan sonrakı illərdə də davam edəcəksə, pereventiv tədbirlərin həyata keçirilməsi vacibdir. İstehsalçılar əkin materiallarının keyfiyyət göstəricilərinə diqqət yetirməlidirlər. Təsadüfi əldə olunmuş, sort və bioloji xüsusiyyətləri təsdiqlənməmiş toxum və tinglər əkinlərdə tətbiq edilməməlidir. Əkinçilikdə yerli iqlimə uyğnlaşmış, stres amillərinə (quraqlıq, soyuq, xəstəlik və s.) dözümlü toxum və tinglərdən istifadə olunmalıdır. Bununla bərabər, bitki mühafizə tədbirlərinin texnoloji xəritəyə uyğun həyata keçirilməsi ilə potensial məhsuldarlıq qorunmalıdır", - deyə ekspert əlavə edib.

Ölkə.Az

ŞƏRH YAZ
0
BAĞLA