“Qərbi Abşeron” yatağında növbəti quyuda qazma işləri başladı

“Qərbi Abşeron” yatağında növbəti quyuda qazma işləri başladı
15:48
06.08.2019
713
İqtisadiyyat
A
SOCAR AQŞ 10 saylı stasionar dəniz özülündən layihə dərinliyi 850 m olan 65 nömrəli quyuda qazma işlərinə başlayıb.

Bu barədə “Report”a şirkətdən məlumat verilib.

Qeyd edək ki, 65 nömrəli quyunun Qırmaki Dəstə-3 (QD-3) horizontuna qazılması planlaşdırılır. Quyu layihə horizontuna horizontal qazılmaqla açıq lüləyə yüksək keyfiyyət tələblərinə cavab verən və hasilatı artırmağa imkan verən süzgəclər buraxmaqla tamamlanacaq.

Şirkət əmindir ki, dəyərlərinə daim sadiq qalan SOCAR AQŞ həmişə olduğu kimi bu və növbəti quyuları da Sağlamlıq, Texniki Təhlükəsizlik və Ətraf Mühitin Mühafizəsi (STTƏMM) tələblərinə uyğun, heç bir mürəkkəbləşməyə yol vermədən, nəzərdə tutulan vaxtdan tez və iqtisadi səmərəli şəkildə tikərək sifarişçiyə təhvil verəcək.

Sifarişçi SOCAR-ın “Azneft” İstehsalat Birliyidir.

Qeyd edək ki, SOCAR AQŞ MMC inteqrə olunmuş qazma və quyu xidmətləri göstərən birgə müəssisə kimi SOCAR və Abşeron Qazma Şirkəti tərəfindən 2007-ci ildə təsis edilib. Müəssisənin əsas fəaliyyəti quyuların layihələndirilməsi və planlaşdırılması, neft və qaz quyularının qazılması, maili istiqamətləndirilmiş quyuların qazılması, horizontal quyuların qazılması, quyuların mənimsənilməsi, quyuların əsaslı təmiri, yan lülələrin qazılması və çoxşaxəli quyuların qazılması ilə bağlı iş və xidmətlərin təqdim edilməsindən ibarətdir.

Hazırda SOCAR AQŞ dayaz sulu “Günəşli” yatağında yerləşən 7 və 11 saylı, “Qərbi Abşeron” yatağının 10 saylı və “Bulla” yatağında 6 saylı Dəniz Stasionar Özüllərində (DSÖ) qazma işləri aparır.

Müəssisə, 2009-cu ildən etibarən IADC təşkilatının üzvüdür. SOCAR AQŞ, Dənizdə Neft və Qaz Quyularının Qazılması və Quyu Təmiri Xidmətlərinin Göstərilməsi, Kəmər Endirmə Xidmətləri, Atqıya Qarşı Avadanlıqların və Quyuağzı Avadanlıqların Təmiri və Sınağı Xidmətlərinin göstərilməsi üçün ISO 9001:2015; ISO 14001:2015 və ISO 45001:2018 beynəlxalq standartlarının tələblərinə əsasən sertifikatlaşdırılıb.

2017-ci ildə SOCAR AQŞ dənizdə neft və qaz quyularının qazılması və quyu təmiri xidmətlərinin göstərilməsi sahəsi üzrə API Spec Q2 Keyfiyyət İdarəetmə Sisteminin tələblərinə əsasən sertifikatlaşdırılıb.

Müəssisənin səhmdarları SOCAR, “Nobel Oil Services” və “Abşeron Qazma” MMC-dir.

Ölkə.Az

ŞƏRH YAZ
0

Azərbaycan 6 ölkəyə polietilen ixrac edir

Azərbaycan 6 ölkəyə polietilen ixrac edir
19:39
Bu gün
69
İqtisadiyyat
A
Azərbaycan polipropilen və polietileni əsasən Türkiyə, Rusiya, Ukrayna, Belarus, Polşa və Litvaya ixrac olunur.

“Ölkə.Az” xəbər verir ki, bunu Azərbaycan Dövlət Neft Şirkətindən (SOCAR) bildiriblər.

Məlumatda qeyd olunub ki, "SOCAR Polymer" zavodundan istehsal olunan məhsulun böyük hissəsi ixrac olunur.

O da bildirilib ki, bu ilin yanvar-iyun aylarında 52 tona yaxın polipropilen və polietilen ixrac olunub.

Qeyd edək ki, "SOCAR Polymer" 2013-cü ildə yaradılıb.

Ölkə.Az

ŞƏRH YAZ
0

Azərbaycanda qızıl və gümüş yenidən ucuzlaşdı

Azərbaycanda qızıl və gümüş yenidən ucuzlaşdı
05:48
24.08.2019
510
İqtisadiyyat
A
Azərbaycanda qızıl və gümüş ucuzlaşıb.

"Ölkə.Az" trend-ə istinadən xəbər verir ki, avqustun 23-də qızılın qiyməti avqustun 22-i ilə müqayisədə 8,6955 manat azalaraq 1 unsiya üçün 2541,4235 manat təşkil edib.

Gümüş 0,1041 manat ucuzlaşaraq 1 unsiya üçün 28,8907 manata bərabər olub.

Trend-ə görə, platinin qiyməti 17,8925 manat artaraq 1460,0195 manat, palladiumun qiyməti 29,835 manat artaraq 2522,8 manat təşkil edib.

Ad

23.08.2019

22.08.2019

Qızıl

XAU

2541.4235

2550.119

Gümüş

XAG

28.8907

28.9948

Platin

XPT

1460.0195

1442.127

Palladium

XPD

2522.8

2492.965

Qeyd edək ki, troy unsiyası 31,1034768 qrama bərabər ölçü vahididir.

ŞƏRH YAZ
0
BAĞLA