Qətər böhranında yenilik
Qətər böhranı ilə bağlı yeni xəbər var.
"Ölkə.Az" xəbər verir ki, Səudiyyənin vəliəhd şahzadəsi Məhəmməd bin Səlman Qətərin Şeyxi Abdullah bin Əli bin Abdullah bin Əssani ilə görüşüb.
Görüşdən sonra Səudiyyə Ərəbistanı qətərliləri sevindirəcək açıqlama verib. Bu açıqlama həm də regionda gərginləşən münasibətləri yumşaldacaq. Səudiyyənin rəsmi xəbər agentliyi "Saudi Press Agency" bildirir ki, Salva sərhəd qapısı Qətər vətəndaşları üçün açıqdır və istəyən qətərli Həcc ziyarətinə yollana bilər.
Qeyd edək ki, bir müddət əvvəl Qətər terroru dəstəkləmə iddiası ilə blokadaya alınıb. Səudiyyə Ərəbistanı, Misir, Bəhreyn və Birləşmiş Ərəb Əmirlikləri bu blokadaya rəhbərlik edir.
Hikmət Həsənov
Ölkə.Az
