Qətər vətəndaşı Azərbaycandan vəhşi quş apara bilmədi

Qətər vətəndaşı Azərbaycandan vəhşi quş apara bilmədi
16:58
12.01.2018
1081
Ölkə
A
Azərbaycan gömrükçüləri nadir və nəsli kəsilmək təhlükəsi olan vəhşi quşun ölkəmizin sərhədindən sənədlərdən aldatma yolu ilə istifadə etməklə aparılmasına cəhdin qarşısını alıblar.

Dövlət Gömrük Komitəsindən “Ölkə.Az”a verilən məlumata görə, bu unikal qaçaqmalçılıq halı Dövlət Gömrük Komitəsinin Hava Nəqliyyatında Baş Gömrük İdarəsində qeydə alınıb.

Bakı-Doha aviareysi ilə gedən Qətər vətəndaşı gömrük nəzarətindən keçərkən gömrük bəyannaməsi və müvafiq icazə sənədini təqdim edərək, əvvəllər Azərbaycan ərazisinə gətirdiyi şahin quşunu təkrar ixrac etdiyini bildirib.

Lakin gömrük əməkdaşları xüsusi skaner vasitəsilə şahin quşunun elektron etiket nömrəsini qeydə alıb eyniləşdirmə apararkən, sənədlərdən və eyniləşdirmə vasitəsindən aldatma yolu ilə istifadə olunduğu və əvvəllər ölkə ərazisinə müvəqqəti gətirilən şahin quşunun yenisi ilə dəyişdirildiyi aşkara çıxıb.

İlkin araşdırma zamanı Qətər vətəndaşı izahat verərək, ov etmək üçün Salyan rayonuna gəldiyini və Azərbaycanda olduğu vaxt həmin şahin quşunu bir nəfərin ona hədiyyə etdiyini bildirib. Lakin əvvəllər ölkə ərazisinə müvəqqəti gətirilən şahin quşunun yaşlı, hədiyyə verildiyi iddia edilən şahin quşunun isə cavan olduğu və Azərbaycanda ovlandığı müəyyənləşdirilib.

Bakı Şəhər Mədəniyyət və Turizm Baş İdarəsinin Bakı Şəhər Heyvanat Parkına göndərilən sorğu məktubuna cavabda məlumat verilib ki, saxlanılan şahin quşu - qızılquşlar fəsiləsinin qızılquş cinsinə aid quş növüdür və Azərbaycan Respublikasının “Qırmızı Kitabı”na daxildir.

Faktla bağlı araşdırma davam edir.

Qeyd edək ki, bu fakt Azərbaycanda heyvanlar aləminin mühafizəsinin təmin edilməsi baxımından əhəmiyyətli olduğu kimi, eyni zamanda, gömrük orqanlarının yalnız ənənəvi gizlətmə üsulları vasitəsilə deyil, həm də mürəkkəb yollarla törədilən qaçaqmalçılıq hallarına qarşı sayıqlıq və qətiyyət nümayiş etdirməsinə daha bariz bir nümunədir.

ŞƏRH YAZ
0

Milli Məclisin son iclasının gündəliyi açıqlandı

Milli Məclisin son iclasının gündəliyi açıqlandı
14:20
Bu gün
62
Ölkə
A
Milli Məclisin növbədənkənar sessiyada iyunun 29-da keçiriləcək son plenar iclasının gündəliyi məlum olub.

"Ölkə.Az"ın məlumatına görə, iclasın gündəliyinə 35 məsələ daxildir.

Bunlar “Polis haqqında”, “Azərbaycan Respublikasının 2018-ci il dövlət büdcəsi haqqında”, “Büdcə sistemi haqqında”, “İcra haqqında”, “Dövlət rüsumu haqqında” və bir sıra qanunlara, Vergi, İnzibati Prosessual, Cinayət, Mülki, İnzibati Xətalar məcəllələrinə dəyişikliklər, o cümlədən “Məşğulluq haqqında” (üçüncü oxunuş), “Azərbaycan Respublikasında dövlət daktikloskopik və genom qeydiyyatı haqqında” (üçüncü oxunuş). “Azərbaycan respublikası Hesablama Palatası haqqında (üçüncü oxunuş) qanunlar və sair məsələlərdir.

 

ŞƏRH YAZ
0

Ağac kəsiminə görə cərimələr artırılacaq

Ağac kəsiminə görə cərimələr artırılacaq
14:00
Bu gün
199
Ölkə
A
"Ekologiya və Təbii Sərvətlər Nazirliyi (ETSN) cərimələrin artırılması üçün hökumətə müraciət hazırlayır".

"Ölkə.Az"ın xəbərinə görə, bunu ETSN-in ­Ekol­oji maarifləndirmə və­ ictimaiyyətlə əlaqəl­ər şöbəsinin icti­mai­ təşkilatlarla iş, ek­oloji maarifləndirmə ­və elm sektorunun müd­iri Umayra Tağıyeva d­eyib.

Onun sözlərinə görə, görülən işlərə baxmayaraq, hələ də ağacların tək-tək və ya kütləvi qırılması faktları ilə rastlaşılır: "Sahibkarlar əməllərindən çəkinmirlər. Cərimələrin yüksəldilməsinə ehtiyac var. 

Sektor müdiri qeyd edib ki, yayın istilərindən qorunmaq üçün, havanın oksigenlə zənginləşdirilməsi, tozun, küləyinin qarşısını almaq üçün yaşıllıqlara böyük ehtiyac var.

ŞƏRH YAZ
0
BAĞLA