Qətldə təqsirləndirilən şəxslərin cəzası artırılıb

Qətldə təqsirləndirilən şəxslərin cəzası artırılıb
17:47
17.05.2018
1755
Hadisə
A
Bakı Apellyasiya Məhkəməsində qətldə təqsirləndirilən Elnur Məmmədov və Elçin Həsənovun barəsindəki hökmdən prokurorluq tərəfindən verilən apellyasiya protesti üzrə məhkəmə prosesi başa çatıb.

“Ölkə.Az”ın xəbərinə görə, hakim Əflatun Qasımovun sədrliyi ilə keçirilən prosesdə qərar elan olunub. Qərara əsasən, prokurorun protesti təmin olunub. E. Məmmədovun cəzası 17 ildən 18 ilə, E. Həsənovun cəzası isə 4 ildən 16 ilədək artırılıb.

Qeyd edək ki, Bakı Ağır Cinayətlər Məhkəməsinin hökmü ilə E.Məmmədov 17 il müddətinə azadlıqdan məhrum edilib. Elçin Həsənovun ittiham olunduğu qəsdən adam öldürmə maddəsi  isə xuliqanlıq maddəsinə tövsif edilib. O, 4 il müddətinə azadlıqdan məhrum edilib.

Prokurorluq E.Həsənova yüngül cəza verildiyini bildirib və apellyasiya protesti verib.

Qeyd edək ki, 2016-cı il dekabrın 23-də Bülbülə qəsəbəsində yerləşən 16 saylı cəzaçəkmə müəssisəsinin yaxınlığında qətlə yetirilən şəxsin meyiti tapılıb. Araşdırmalar nəticəsində onun Tovuz rayonunda anadan olan və Ramana qəsəbəsində kirayədə yaşayan 1988-ci il təvəllüdlü Elşad Əmirov olduğu müəyyən edilib.

Hadisəni törədən Elnur Məmmədov və Elçin Həsənov həbs edilib.

ŞƏRH YAZ
0

Salyanda 52 yaşlı kişinin meyiti tapılıb

Salyanda 52 yaşlı kişinin meyiti tapılıb
08:02
Bu gün
257
Hadisə
A
Salyan rayonunda kişi meyiti tapılıb.

"Ölkə.Az" report-a istinadən xəbər verir ki, hadisə rayonun Plastik yaşayış massivində qeydə alınıb.

Belə ki, həmin massivdə Kür daşqınları zamanı zərərçəkmişlər üçün yeni tikilən evlərdən birinin arasında, 1968-ci il təvəllüdlü Fələkzadə Fələk Sənan oğlunun meyiti aşkar olunub.

Faktla bağlı araşdırma aparılır. 

Ölkə.Az

ŞƏRH YAZ
0

Salyanda iş zamanı: fəhlə iş zamanı barmaqlarını itirdi

Salyanda iş zamanı: fəhlə iş zamanı barmaqlarını itirdi
06:10
Bu gün
346
Hadisə
A
Dünən axşam “Salyan Pambıq” Açıq Səhmdar Cəmiyyətində istehsalat qəzası baş verib.

"Ölkə.Az" virtualaz.org-a istinadən xəbər verir ki, zavodun 47 yaşlı fəhləsi, Neftçala rayonunun Qaraqaşlı kənd sakini İlkin Fərzalı oğlu Bayramov dəzgahda işləyərəkən ehtiyatsızlıq etdiyindən sol əlindən ağır xəsarət alıb.

Hadisə nəticəsində İ.Bayramov sol əlin 2-ci, 3-cü və 4-cü barmaqlarının travmatik amputasiyası diaqnozu ilə Salyan Mərkəzi Rayon Xəstəxanasına yerləşdirilərək əməliyyat olunub.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA