KORONAVİRUSA YOLUXANLARIN SAYI - CANLI STATİSTİKA

Qətldə təqsirləndirilən şəxslərin cəzası artırılıb

Qətldə təqsirləndirilən şəxslərin cəzası artırılıb
17:47
17.05.2018
1857
Hadisə
A
Bakı Apellyasiya Məhkəməsində qətldə təqsirləndirilən Elnur Məmmədov və Elçin Həsənovun barəsindəki hökmdən prokurorluq tərəfindən verilən apellyasiya protesti üzrə məhkəmə prosesi başa çatıb.

“Ölkə.Az”ın xəbərinə görə, hakim Əflatun Qasımovun sədrliyi ilə keçirilən prosesdə qərar elan olunub. Qərara əsasən, prokurorun protesti təmin olunub. E. Məmmədovun cəzası 17 ildən 18 ilə, E. Həsənovun cəzası isə 4 ildən 16 ilədək artırılıb.

Qeyd edək ki, Bakı Ağır Cinayətlər Məhkəməsinin hökmü ilə E.Məmmədov 17 il müddətinə azadlıqdan məhrum edilib. Elçin Həsənovun ittiham olunduğu qəsdən adam öldürmə maddəsi  isə xuliqanlıq maddəsinə tövsif edilib. O, 4 il müddətinə azadlıqdan məhrum edilib.

Prokurorluq E.Həsənova yüngül cəza verildiyini bildirib və apellyasiya protesti verib.

Qeyd edək ki, 2016-cı il dekabrın 23-də Bülbülə qəsəbəsində yerləşən 16 saylı cəzaçəkmə müəssisəsinin yaxınlığında qətlə yetirilən şəxsin meyiti tapılıb. Araşdırmalar nəticəsində onun Tovuz rayonunda anadan olan və Ramana qəsəbəsində kirayədə yaşayan 1988-ci il təvəllüdlü Elşad Əmirov olduğu müəyyən edilib.

Hadisəni törədən Elnur Məmmədov və Elçin Həsənov həbs edilib.

ŞƏRH YAZ
0

Bakıda həkimin çantasından oğurluq edən şəxs kameraya düşdü — VİDEO

Bakıda həkimin çantasından oğurluq edən şəxs kameraya düşdü
03:04
Bu gün
979
Hadisə
A
Bakıda özəl klinikalardan birində həkimin xidməti otağından edilən oğurluq təhlükəsizlik kameralarına düşüb.

"Ölkə.Az" xəbər verir ki, hadisə Nərimanov rayonunda yerləşən özəl klinikalardan birində olub.

Naməlum şəxs həkimin xidməti otağında olmadığı vaxtdan istifadə edərək otağa daxil olur. Bu zaman həmin qadın həkimə məxsus çantadan pul qabını oğurlayaraq xəstəxanadan uzaqlaşıb.

Məsələ ilə bağlı Nərimanov Rayon Polis İdarəsinin 17-ci Polis Bölməsinə məlumat verilib. Polis təhlükəsizlik görüntülərinə əsasən, oğurluğu törədən qadının şəxsiyyətinin müəyyənləşdirilərək tapılması istiqamətində iş aparır.

Qadını tanıyanlardan və ya görənlərdən Nərimanov Rayon Polis İdarəsinin 17-ci Polis Bölməsinə müraciət etmələri xahiş olunur.oxu.az

ŞƏRH YAZ
0

Nəvəsinin hücuma məruz qalmasına şahidlik edən qadın öldü — Sumqayıtda baldızın bıçaqlanmasının TƏFƏRRÜATI

Nəvəsinin hücuma məruz qalmasına şahidlik edən qadın öldü
16:34
10.07.2020
1103
Hadisə
A
Sumqayıt şəhər sakini, 1989-cu il təvəllüdlü Ramilə Quliyevaya iyulun 9-da məişət zorakılığı zəminində dördü daxilə nüfuz edən 12 bıçaq zərbəsi vurulub.

"Ölkə.Az" xəbər verir ki, bu barədə Oxu.Az-a hüquq-mühafizə orqanlarından məlumat verilib.

Baş verən cinayətin təfərrüatı məlum olub.

Saat 21:00 radələrində Anar Əlizadə (1988-ci il təvəllüdlü) H.Z.Tağıyev qəsəbəsində yaşayan baldızı R.Quliyevanın evinə gedərək, qalmaqal salıb.

A.Əlizadə baldızını onun ailəsini dağıtmaqda günahlandırıb.

Tərəflər arasında münaqişə R.Quliyevanın əri tərəfindən təhqirlərə məruz qalan bacısını öz evində saxlamasından sonra başlayıb.

Məlumata görə, A.Əlizadə narkotik maddə aludəçisi olduğundan, həyat yoldaşı ilə aralarında tez-tez münaqişələr baş verib.

Bu məsələni həll etmək qərarına gələn R.Quliyeva bacısını öz evinə aparıb.

İnsident zamanı A.Əlizadə R.Quliyevaya bıçaqla zərbələr endirməyə başlayıb və zərərçəkənin nənəsi Minayə Quliyeva (1937-ci il təvəllüdlü) bunun şahidi olub. Gözünün qarşısında baş verənlərə dözməyən M.Quliyevanın ürəyi dayanıb və o vəfat edib.

Hazırda faktla bağlı Sumqayıt Şəhər Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddələri üzrə cinayət işinə başlanılıb.

Ölkə.Az

ŞƏRH YAZ
0
BAĞLA