Qətldə təqsirləndirilən şəxslərin cəzası artırılıb

Qətldə təqsirləndirilən şəxslərin cəzası artırılıb
17:47
17.05.2018
1685
Hadisə
A
Bakı Apellyasiya Məhkəməsində qətldə təqsirləndirilən Elnur Məmmədov və Elçin Həsənovun barəsindəki hökmdən prokurorluq tərəfindən verilən apellyasiya protesti üzrə məhkəmə prosesi başa çatıb.

“Ölkə.Az”ın xəbərinə görə, hakim Əflatun Qasımovun sədrliyi ilə keçirilən prosesdə qərar elan olunub. Qərara əsasən, prokurorun protesti təmin olunub. E. Məmmədovun cəzası 17 ildən 18 ilə, E. Həsənovun cəzası isə 4 ildən 16 ilədək artırılıb.

Qeyd edək ki, Bakı Ağır Cinayətlər Məhkəməsinin hökmü ilə E.Məmmədov 17 il müddətinə azadlıqdan məhrum edilib. Elçin Həsənovun ittiham olunduğu qəsdən adam öldürmə maddəsi  isə xuliqanlıq maddəsinə tövsif edilib. O, 4 il müddətinə azadlıqdan məhrum edilib.

Prokurorluq E.Həsənova yüngül cəza verildiyini bildirib və apellyasiya protesti verib.

Qeyd edək ki, 2016-cı il dekabrın 23-də Bülbülə qəsəbəsində yerləşən 16 saylı cəzaçəkmə müəssisəsinin yaxınlığında qətlə yetirilən şəxsin meyiti tapılıb. Araşdırmalar nəticəsində onun Tovuz rayonunda anadan olan və Ramana qəsəbəsində kirayədə yaşayan 1988-ci il təvəllüdlü Elşad Əmirov olduğu müəyyən edilib.

Hadisəni törədən Elnur Məmmədov və Elçin Həsənov həbs edilib.

ŞƏRH YAZ
0

Yasamalda binanın fasadı uçdu

Yasamalda binanın fasadı uçdu
23:34
19.09.2019
2158
Hadisə
A
Bakının Yasamal rayonunda çoxmərtəbəli yaşayış binasının fasadına vurulan aqlay daşlarının qoparaq yerə tökülüb.

“Ölkə.Az” xəbər verir ki, bu barədə Fövqəladə Hallar Nazirliyinin "112" qaynar telefon xəttinə məlumat daxil olub.

Ərazidən keçən insanların təhlükəsizliyinin təmin olunması məqsədilə Xüsusi Riskli Xilasetmə Xidmətinin xilasediciləri çağırış ünvanına cəlb olunub.

Xilasedicilər ərazidə təxirəsalınmaz tədbirlər həyata keçirib, sakinlərin təhlükəsizliyini təmin ediblər.

Ölkə.Az

ŞƏRH YAZ
0

Tanınmış prodüser qəzaya düşdü

Tanınmış prodüser qəzaya düşdü
22:20
19.09.2019
3639
Hadisə
A
Azərbaycanlı aparıcı-prodüser Sayqa Cahid qəzaya düşüb.

“Ölkə.Az” azxeber.com-a istinadən xəbər verir ki, S.Cahid qəza nəticəsində ağır xəsarət alıb.

Avtomobil isə yararsız vəziyyətə düşüb.

Qeyd edək ki, Sayqa Cahid ARB TV-də aparıcılıq edir.

Ölkə.Az

ŞƏRH YAZ
0
BAĞLA