Qətldə təqsirləndirilən şəxslərin cəzası artırılıb

Qətldə təqsirləndirilən şəxslərin cəzası artırılıb
17:47
17.05.2018
1666
Hadisə
A
Bakı Apellyasiya Məhkəməsində qətldə təqsirləndirilən Elnur Məmmədov və Elçin Həsənovun barəsindəki hökmdən prokurorluq tərəfindən verilən apellyasiya protesti üzrə məhkəmə prosesi başa çatıb.

“Ölkə.Az”ın xəbərinə görə, hakim Əflatun Qasımovun sədrliyi ilə keçirilən prosesdə qərar elan olunub. Qərara əsasən, prokurorun protesti təmin olunub. E. Məmmədovun cəzası 17 ildən 18 ilə, E. Həsənovun cəzası isə 4 ildən 16 ilədək artırılıb.

Qeyd edək ki, Bakı Ağır Cinayətlər Məhkəməsinin hökmü ilə E.Məmmədov 17 il müddətinə azadlıqdan məhrum edilib. Elçin Həsənovun ittiham olunduğu qəsdən adam öldürmə maddəsi  isə xuliqanlıq maddəsinə tövsif edilib. O, 4 il müddətinə azadlıqdan məhrum edilib.

Prokurorluq E.Həsənova yüngül cəza verildiyini bildirib və apellyasiya protesti verib.

Qeyd edək ki, 2016-cı il dekabrın 23-də Bülbülə qəsəbəsində yerləşən 16 saylı cəzaçəkmə müəssisəsinin yaxınlığında qətlə yetirilən şəxsin meyiti tapılıb. Araşdırmalar nəticəsində onun Tovuz rayonunda anadan olan və Ramana qəsəbəsində kirayədə yaşayan 1988-ci il təvəllüdlü Elşad Əmirov olduğu müəyyən edilib.

Hadisəni törədən Elnur Məmmədov və Elçin Həsənov həbs edilib.

ŞƏRH YAZ
0

Bakıda ana və 8 yaşlı oğlunu yük maşını vurdu

Bakıda ana və 8 yaşlı oğlunu yük maşını vurdu
08:00
Bu gün
263
Hadisə
A
Bakının Qaradağ rayonunda ana ilə övladını avtomobil vurub.

“Ölkə.Az” APA-ya istinadən xəbər verir ki, hadisə Qaradağ rayonunda qeydə alınıb.

Belə ki, 42 yaşlı Alina Vəliyeva və onun 8 yaşlı oğlu Aven Vəliyev qoşqulu yük maşınının vurması nəticəsində xəsarət alıb.

Hər iki yaralı xəstəxanaya yerləşdirilib.

Ölkə.Az

ŞƏRH YAZ
0

Xırdalanda “Mercedes” yolda qazılmış xəndəyə düşdü — FOTO

Xırdalanda “Mercedes” yolda qazılmış xəndəyə düşdü
02:01
Bu gün
1043
Hadisə
A
Abşeron rayonu, Xırdalan şəhəri ərazisində "Mercedes" markalı avtomobil qazılmış xəndəyə düşüb.

“Ölkə.Az” APA-ya istinadən xəbər verir ki, hadisə Heydər Əliyev prospektində qeydə alınıb. Qəza nəticəsində xəsarət alan olmayıb.

Bildirilir ki, həmin prospektdə bir müddətdir ki, kanalizasiya xətlərinin yenilənməsi işləri görülür. Avtoqəza baş verməzdən əvvəl orada xəbərdaredici nişanların olub-olmaması barədə məlumat yoxdur.

Ölkə.Az

ŞƏRH YAZ
1
BAĞLA