Qətldə təqsirləndirilən şəxslərin cəzası artırılıb

Qətldə təqsirləndirilən şəxslərin cəzası artırılıb
17:47
17.05.2018
1770
Hadisə
A
Bakı Apellyasiya Məhkəməsində qətldə təqsirləndirilən Elnur Məmmədov və Elçin Həsənovun barəsindəki hökmdən prokurorluq tərəfindən verilən apellyasiya protesti üzrə məhkəmə prosesi başa çatıb.

“Ölkə.Az”ın xəbərinə görə, hakim Əflatun Qasımovun sədrliyi ilə keçirilən prosesdə qərar elan olunub. Qərara əsasən, prokurorun protesti təmin olunub. E. Məmmədovun cəzası 17 ildən 18 ilə, E. Həsənovun cəzası isə 4 ildən 16 ilədək artırılıb.

Qeyd edək ki, Bakı Ağır Cinayətlər Məhkəməsinin hökmü ilə E.Məmmədov 17 il müddətinə azadlıqdan məhrum edilib. Elçin Həsənovun ittiham olunduğu qəsdən adam öldürmə maddəsi  isə xuliqanlıq maddəsinə tövsif edilib. O, 4 il müddətinə azadlıqdan məhrum edilib.

Prokurorluq E.Həsənova yüngül cəza verildiyini bildirib və apellyasiya protesti verib.

Qeyd edək ki, 2016-cı il dekabrın 23-də Bülbülə qəsəbəsində yerləşən 16 saylı cəzaçəkmə müəssisəsinin yaxınlığında qətlə yetirilən şəxsin meyiti tapılıb. Araşdırmalar nəticəsində onun Tovuz rayonunda anadan olan və Ramana qəsəbəsində kirayədə yaşayan 1988-ci il təvəllüdlü Elşad Əmirov olduğu müəyyən edilib.

Hadisəni törədən Elnur Məmmədov və Elçin Həsənov həbs edilib.

ŞƏRH YAZ
0

Bakıda dəhşətli qəza — Avtobus və avtomobil körpüdən aşdı - Yaralılar var

Bakıda dəhşətli qəza
09:48
Bu gün
1161
Hadisə
A
Bakıda ağır yol qəzası baş verib.

"Ölkə.Az"ın trend-ə istinadən məlumatına görə, hadisə rayonun Maştağa qəsəbəsi ərazisində baş verib.

Maştağa qəsəbəsi ərazisindəki körpüdə yolun buz bağlaması nəticəsində 107 saylı marşrut xətti üzrə hərəkət edən sərnişin avtobusu “Mitsubishi-Pajero” və “VAZ 2107” markalı avtomobillərlə toqquşub.

Hadisə nəticəsində sərnişin avtobusu və “Mitsubishi-Pajero” körpüdən aşıb. Hadisə nəticəsində altı nəfər xəsarət alıb. Yaralılar 3 saylı şəhər Klinik Xəstəxanasına yerləşdirilib.

Faktla bağlı araşdırma aparılır.

ŞƏRH YAZ
0

Sərxoş kişinin dişlədiyi it öldü

Sərxoş kişinin dişlədiyi it öldü
09:15
Bu gün
1216
Hadisə
A
Qanada sərxoş kişinin dişlədiyi it ölüb.

"Ölkə.Az" bildirir ki, “Pulse”nin yaydığı xəbərə görə, 45 yaşlı Jastis Aflakpuiyə it hücüm edərək onun ayağını dişləyib.

O da itin ardınca qaçaraq onu dişləyib və nəticədə ağzından köpük gələn it ölüb.

Aflakpuinin “cin” tərkibli “akpeteşi” adlı spirtli içki içdiyi bildirilir.

Akpeteşi Qanada geniş yayılan spirtli içkidir. Sərtliyi 40-50 promil olan içki fermentləşdirilmiş palma şərabından və ya şəkər qamışı suyundan hazırlanır.

ŞƏRH YAZ
0
BAĞLA