Qeyri-neft sektoruna qoyulan sərmayənin həcmi artıb

Qeyri-neft sektoruna qoyulan sərmayənin həcmi artıb
14:30
13.04.2018
1081
İqtisadiyyat
A
Bu ilin yanvar-mart aylarında Azərbaycanın iqtisadi və sosial sahələrinin inkişafı üçün bütün maliyyə mənbələrindən əsas kapitala yönəldilmiş 2 869,2 mln. manat vəsaitin 1 456,2 mln. manatı və yaxud 50,8%-i qeyri-neft sektoruna sərf edilib və bu sektorda investisiyaların həcmi ötən ilin eyni dövrü ilə müqayisədə 41,2% artıb.

"Ölkə.Az" Dövlət Statistika Komitəsinə istinadən xəbər verir ki, ümumi sərmayənin 74,7%-i bilavasitə tikinti-quraşdırma işlərinin yerinə yetirilməsinə sərf edilib, istifadə olunmuş vəsaitin 75,8%-i məhsul istehsalı obyektlərinin, 18,2%-i xidmət sahələri üzrə obyektlərin, 6%-i isə ümumi sahəsi 383,2 min kvadrat metr olan yaşayış evlərinin tikintisinin payına düşüb. 

Daxili mənbələrdən əsas kapitala yönəldilmiş vəsait ümumi sərmayənin 51,7%-ni təşkil edib.

Əsas kapitala yönəldilmiş sərmayənin ümumi dəyərində müəssisə və təşkilatların vəsaitləri 60,4%, bank kreditləri 13,7%, büdcə vəsaitləri 19,4%, əhalinin şəxsi vəsaitləri 5,4%, büdcədənkənar fondların vəsaitləri 0,6%, sair vəsaitlər isə 0,5% təşkil edib.

2018-ci ilin yanvar-mart aylarında Bakı şəhərində 110/35/10 kilovoltluq “Yasamal-1” və “Qobu”, 35/10-6 kilovoltluq 120 saylı elektrik yarımstansiyaları, Bakı Şəhər Statistika İdarəsinin inzibati binası, Bona Dea Beynəlxalq Hospitalı, Mingəçevir şəhərində Mingəçevir Sənaye Parkında “Mingəçevir Tekstil” MMC-nin iplik istehsalı üzrə iki müəssisəsi, Neftçala rayonunda Neftçala Sənaye Məhəlləsində “Xəzər” avtomobil zavodu, bunlardan əlavə Naxçıvan Muxtar Respublikasında 442 şagird yerlik 2 ümumtəhsil məktəb binası və bir növbədə gəlişlərin sayı 15 nəfər olan ambulatoriya-poliklinika müəssisəsi və s. obyektlər istifadəyə verilib.

ŞƏRH YAZ
0

Azərbaycanda tikintiyə icazə verilməsi elektronlaşdırılıb

Azərbaycanda tikintiyə icazə verilməsi elektronlaşdırılıb
11:00
Bu gün
461
İqtisadiyyat
A
Bu gün Bakıda tikintiyə və istismara icazə verilməsi üzrə “Elektron müraciət sistemi”nin təqdimatı keçirilib.

“Ölkə.Az” xəbər verir ki, təqdimat mərasimi Dövlət Şəhərsalma və Arxitektura Komitəsinin aparat rəhbəri Anar Quliyevin iştirakı ilə baş tutub.

O, sistemin əhəmiyyəti barədə danışıb və onun sahibkar-məmur ünsiyyətini minimum həddə endirdiyini deyib.

“Elektron müraciət sistemi” bu gündən fəaliyyətə başlayır. 10 gün ərzində tikinti obyektlərinə texniki icazə almaq mümkün olacaq. Təsdiq edilmiş yeni qaydaya əsasən, icazə üçün tələb olunan sənədlərin sayı 18-dən 7-yə endirlib. Sahəsi kiçik olan, birmərtəbəli, aşırımlarının uzunluğu böyük olmayan tikinti obyektlərinin isə istismarına icazə tələb olunmacaq. Tədricən ekpertizası tələb olunan tikililərin də qeydiyyatı ilə bağlı proseslər də elektronlaşdırılacaq”, - deyə Komitə rəsmisi qeyd edib. 

Ölkə.Az

ŞƏRH YAZ
0

Azərbaycan neftinin qiyməti 68 dolları keçdi

Azərbaycan neftinin qiyməti 68 dolları keçdi
10:05
Bu gün
402
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,6 dollar və yaxud 0,88% artıb.

"Ölkə.Az" xəbər verir ki, “Azeri Light” markalı neftin bir barelinin qiyməti 68,5 dollar təşkil edib.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

Ölkə.Az

ŞƏRH YAZ
0
BAĞLA