Qeyri-rəsmi məşğulluğun qarşısı alınacaq

Qeyri-rəsmi məşğulluğun qarşısı alınacaq
17:29
20.06.2018
961
Ölkə
A
Azərbaycanda qeyri-rəsmi məşğulluğun qarşısının alınması istiqamətində müəyyən irəliləyişlər əldə edilib.

"Ölkə.Az"ın məlumatına görə, bu barədə iyunun 20-də Nazirlər Kabinetində keçirilən Əmək Münasibətlərinin Tənzimlənməsi və Koordinasiyası Komissiyasının beşinci iclasında Baş nazirin müavini, komissiyanın sədri Əli Əhmədov deyib. İclasda “Azərbaycan Respublikasında qeyri-rəsmi məşğulluğun qarşısının alınmasına dair Tədbirlər Planı”nda əks olunmuş tapşırıqların icrası məqsədilə həyata keçirilmiş tədbirlər, əldə edilmiş nəticələr və qarşıda duran vəzifələr müzakirə olunub.

Ə.Əhmədov bildirib ki, ötən müddətdə ölkədə qeyri-rəsmi məşğulluğun qarşısının alınması istiqamətində, o cümlədən işəgötürənlər və işləyənlər arasında münasibətlərdə müəyyən irəliləyişlər əldə edilib. Bu ilin beş ayı ərzində Əmək Müqaviləsi Bildirişi üzrə Elektron İnformasiya Sistemində (ƏMBEİS) artım 43 min 434 əmək müqaviləsi təşkil edib ki, bunlardan 9 min 560-ı Naxçıvan Muxtar Respublikasındadır. Keçən ilin eyni dövründə isə bu göstərici 21 min 506 müqavilə təşkil edib. Beləliklə, cari ildə əmək müqavilələri üzrə artım tempinin müsbət saldosunun 2 dəfədən çox artması müşahidə olunub.

Baş nazirin müavini qeyd edib ki, 2017-ci ilin əvvəlinə 1 milyon 265 mindən çox müqavilə, ötən il iyunun 1-dək 1 milyon 287 mindən artıq müqavilə bağlanıb. Bu il yanvarın 1-i vəziyyətinə isə 1 milyon 310 mindən çox müqavilə, iyunun 1–dək 1 milyon 354 mindən çox müqavilə bağlanıb. Bağlanan əmək müqavilələri üzrə ən çox artım topdan və pərakəndə satış, eləcə də tikinti sahələrində olub. Bu il mayın 1-nə ölkədə muzdla çalışan işçilərin sayı ötən ilin eyni dövrü ilə müqayisədə 1,2 faiz artaraq 1 milyon 538,2 min nəfərə çatıb.

Komissiyanın sədri bildirib ki, komissiya qarşısında 36 bənd üzrə işlərin yerinə yetirilməsi vəzifə kimi qoyulub. Bu tədbirlərdən 12-si tam, 8-i isə qismən icra edilib. Digər vəzifələrin icrası üzrə işlər davam etdirilir.

Sonra “Azərbaycan Respublikasında qeyri-rəsmi məşğulluğun qarşısının alınmasına dair Tədbirlər Planı”ndan irəli gələn tapşırıqların icrası ilə bağlı komissiya yanında yaradılan işçi qrupların rəhbərlərinin məruzələri dinlənilib.

İclasa yekun vuran Baş nazirin müavini, Əmək Münasibətlərinin Tənzimlənməsi və Koordinasiyası Komissiyasının sədri Ə.Əhmədov deyib ki, qeyri-rəsmi məşğulluğun aradan qaldırılması istiqamətində görülən işlərlə əlaqədar mütəmadi olaraq Azərbaycan Prezidentinə məlumat veriləcək.

ŞƏRH YAZ
0

“Azərpoçt”un adından gələn saxta mesajlarla bağlı — AÇIQLAMA

“Azərpoçt”un adından gələn saxta mesajlarla bağlı
14:48
Bu gün
411
Ölkə
A
Bəzi abunəçilərin telefonlarına “Azərpoçt”un adından müxtəlif mesajlar göndərilir.

“Ölkə.Az” xəbər verir ki, məsələ ilə əlaqədar “Azərpoçt”un mətbuat sözçüsü Günel Gözəlova sosial şəbəkədə məlumat yayıb.

O qeyd edib ki, "Azərpoçt"MMC-nin adından mobil telefonlara gələn mesajlar saxtadır və saxtakarların işidir: “Biz bununla bağlı mediaya açıqlama da vermişdik.

Xahiş edirik,aldanmayın!”.

ŞƏRH YAZ
0

İngilis futbolçu 6 həftədə 3-cü dəfə ata oldu — FOTOLAR

İngilis futbolçu 6 həftədə 3-cü dəfə ata oldu
14:35
Bu gün
569
Ölkə
A
İngiltərənin “Stoke City” klubunun oyunçusu Saydo Berahinyo 6 həftə ərzində 3-cü dəfə ata olub.

“Ölkə.Az” xəbər verir ki, 25 yaşlı futbolçu ötən ay nişanlısına xəyanət edərkən yaxanı əldən vermişdi.

Ulduz futbolçu iki aydan da az müddət ərzində 3 fərqli qadının dünyaya gətirdiyi 3 uşaqla ata olub. Xəstəxana sənədlərinə əsasən, uşaqlar 30 may, 15 iyul və 17 iyul tarixlərində dünyaya gəlib.  Futbolçunun vəkilləri isə 15 iyulda dünyaya gələn uşağın atasının Saydo olmadığını iddia ediblər.

30 may tarixində dünyaya gələn uşağın anası Stefania Kristofdur. İkinci uşağın anası isə Afrikada anadan olan, 28 yaşlı tibb bacısıdır. Üçüncü uşağın anası isə 28 yaşlı qadındır.

Hikmət Həsənov
Ölkə.Az

ŞƏRH YAZ
0
BAĞLA