Qəza zamanı günahkar kimdir? Piyada yoxsa sürücü? — VİDEO

Qəza zamanı günahkar kimdir? Piyada yoxsa sürücü?
12:45
16.05.2019
827
Ölkə
A

Yol nəqliyyat hadisələrinin statistikasına baxdıqda görürük ki, piyada vurmaların sayı kifayət qədərdir. Ölkə üzrə bu göstərici 47 faiz olduğu halda, paytaxt bakıda 60 faizə çatır. Bu hadisələrin ağırlığından xəbər verir.

"Ölkə.Az" xəbər verir ki, məsələ ilə bağlı ARB TV-nin "Günə doğru" proqramı maraqlı süjet hazırlayıb.

Kamran Əliyev BDYPİ-NİN ŞÖBƏ RƏİSİ: "Ötən ilin müvafiq dövrü ərzində piyadaların vurulması ilə baş verən qəzalar ümumi qəzaların 57.8 fazini təşkil edir. Bu istiqamətdə müəyyən qədər azalma olsa da, sözsüz ki, bu rəqəmlər də bizi qane etmir".

Görülən inzibati tədbirlər, aparılan marifləndirmə işlərinə baxmayaraq, piayada məsuliyyəti tam formalaşmayıb. Hardan və necə gəldi yolu keçənlər, sürücüləri də özləri kimi təhlükəyə atan kifayət qədər piyada var.

Ərşad Hüseynov Ekspert: "60 km yəni şəhəriçi icazə verilən sürətlə hərəkət edən mexaniki nəqliyyat vasitəsinin sürücüsü potensial təhlükəni gördükdə sonra tam dayanmaq üçün hərəkətə keçsə də, təxminən 35-38 metrdən sonra avtomobil dayanır".

Belə olan halda , yaxınlıqda olan piyadanın vurulması qaçılmazdır. Bu isə sonda ağır facilələr yol açır.

Kamran Əliyev BDYPİ-NİN ŞÖBƏ RƏİSİ: "Bu 4 ay ərzində 245 hadisə zamanı 96 nəfərin həlak olması, 162 nəfərin yaralanması 96 nəfərin yox, 96 ailənin faciəsidir".

Ərşad Hüseynov Ekspert: "50-60 faiz hallarda sürücülər günahkar olurlar, yerdə qalan hallarda sürücülərin günahı olmur. Sürücülərin günahkar olmaması o deməkdir ki, ya piyadalar günahkar olur, ya da kənar maneəlar var".

Yol polisi tərəfindən əhalinin sıx  olan yerlərində, nizamlanan və nizamlanmayan piyada keçidlərdə nəzarət həyata keçirilsə də, buna məhəl qoymayan insanlar da kifayət qədərdir.

Piyadaların təhlükəsizliyi üçün bakı şəhərində 80-dən artıq yerüstü və yeraltı piyada keçidləri mövcudur. Amma əfsuslar olsun ki, bir çox piyadalar bu keçidlərdən istifadə etmir.

Vaqif Əsədov BŞBDYPİ-nin bölmə rəisi: "Baş verən qəzaların analizi zamanı məlum olur ki, əksdər hallarda piyadanın vurulması ilə baş verən qəzalar piyada keçidlərinin yaxınlığında baş verir".

Yol özü bir mədəniyyətdir. Qaydalar isə, bu mədəniyyətin təməl prinsiplərini təşkil edir. Qaydalara əməl etməklə həm şəhər mədniyyətimizi formalaşdıra, həm də həyatımızı ağır hadisələrdən sığortalaya bilərik.Yetər ki, istəyimiz olsun.

Ölkə.Az

ŞƏRH YAZ
0

"Düşmən təxribatının qarşısı dərhal alınsın" — Zakir Həsənov tapşırıq verdi

16:51
Bu gün
241
Ölkə
A
Müdafiə naziri, general-polkovnik Zakir Həsənovun rəhbərliyi ilə genişmiqyaslı əməliyyat-taktiki təlimlərinin yekunlarına dair xidməti müşavirə keçirilib.

"Ölkə.Az" xəbər verir ki, bu barədə Müdafiə Nazirliyi məlumat yayıb.

Belə ki, Müdafiə naziri Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən gecə vaxtı keçirilən genişmiqyaslı təlimlərin nəticələrini təhlil edərək qarşıya qoyulan tapşırıqların müvəffəqiyyətlə yerinə yetirildiyini bildirib.

Nazir təlimlərin əhəmiyyətini qeyd edərək, Ali Baş Komandanın Azərbaycan Ordusu qarşısında qoyduğu müvafiq tapşırıqları komandir-rəis heyətinə çatdırıb.

General-polkovnik Z.Həsənov regiondakı mövcud hərbi-siyasi vəziyyətə toxunaraq Ermənistanda baş verən daxili siyasi qarşıdurmanın qoşunların təmas xəttindəki vəziyyətin gərginləşməsinə səbəb ola biləcəyini də xüsusi qeyd edib.

Müdafiə naziri qoşunlara sərəncamda olan silahlardan istifadə etməklə düşmənin irimiqyaslı təxribatlarının qarşısını dərhal almağı tapşırıb.

Ölkə.Az

ŞƏRH YAZ
0

Ağstafada dörd 15 yaşlı qız hamilə qalıb? — DİN-dən açıqlama

Ağstafada dörd 15 yaşlı qız hamilə qalıb?
16:37
Bu gün
402
Ölkə
A
Ağstafa rayonunda 15 yaşlı dörd yeniyetmənin bir gündə hamiləlik diaqnozu ilə xəstəxanaya yerləşdirildiyinə dair xəbər yayılıb.

Məlumata görə, mayın 23-də rayon sakinləri olan dörd hamilə qız Ağstafa Rayon Mərkəzi Xəstəxanasına daxil olub. İddiaya görə, onların heç birinin hələ 18 yaşı tamam olmayıb.

"Ölkə.Az" xəbər verir ki, bu barədə DİN-in Mətbuat Xidmətinin rəis müavini, polis polkovniki Orxan Mansurzadə Oxu.Az-a məsələ ilə bağlı açıqlama verib. 

Bildirib ki, hadisənin mahiyyəti təhrif olunub:

“Xəstəxanaya müraciət edən dörd hamilənin hər biri gənc xanımdır və daha çox yaşları var. Onların hər biri rəsmi nikah qurmuş şəxslərdir. Onlar hamiləlik dövrü keçirdikləri üçün rayon xəstəxanasına müraciət ediblər”.

DİN rəsmisi qeyd edib ki, bu məsələni yayanlar dəqiq məlumatı müvafiq dövlət qurumlarından, hüquq-mühafizə araşdırıb məsələnin mahiyyətini öyrənməyə çalışsaydılar, belə xoşagəlməz hal yaranmazdı:

“Bəziləri bunu təxtribat xarakterli dezinformasiya formasında təqdim edirlər ki, bu, yolverilməzdir. Söhbət, qeyd edildiyi kimi, heç də 14-15 yaşlı qızların deyil, hazırda ailə həyatı qurmuş, hamiləlik dövrü keçirən qadınların rayon xəstəxanasına müraciətindən gedə bilər. Qalan digər məsələlər əsassızdır və təxribat xarakterli dezinformasiyalardır”.

Ölkə.Az

ŞƏRH YAZ
0
BAĞLA