Qəzaya düşən şəxs xəstəxanada vəfat etdi
Ötən gün 1 saylı Kliniki Tibbi Mərkəzdə ötən ilin noyabr ayında qəzaya düşən şəxs vəfat edib.
“Ölkə.Az”-ın məlumatına görə, 1961-ci il təvəllüdlü Məmmədov Sovqat Nüsrət oğlunun qəza nəticəsində aldığı xəsarətlər ağır olduğundan dünyasını dəyişib.
Qeyd edək ki, məlum qəza hadisəsi ötən ilin noyabr ayının 8-də Qaradağ rayonu, Qızıldaş qəsəbəsində baş verib. Eldarov Eldar Nadir oğlu idarə etdiyi avtomobillə yolu keçmək istəyən piyada Məmmədov Sovqat Nüsrət oğlunu vurub və hadisə yerindən qaçıb. Həmin vaxtdanda yaralı xəstəxanada müalicə alıb.
Faktla bağlı Qaradağ RPİ-də cinayət məcəlləsinin 263.2 və 264-cü maddələri ilə cinayət işi başlanıb və E.Eldarov təqsirləndirilən şəxs qismində saxlanılıb.
