QHT sədri Kəmalə Ağazadənin məhkəməsi: "Kim nə əməl edibsə, cəzasını almalıdır"

QHT sədri Kəmalə Ağazadənin məhkəməsi:
12:15
17.05.2018
1481
Ölkə
A
Bu gün Bakı Ağır Cinayətlər Məhkəməsində dələduzluqda və rüşvət verməyə təhrik etməkdə təqsirləndirilən Azərbaycan Uşaqları Birliyinin sədri Kəmalə Ağazadənin cinayət işi üzrə məhkəmə iclası davam etdirilib.

“Ölkə.Az”ın xəbərinə görə, hakim Zeynal Ağayevin sədrliyi ilə keçirilən prosesdə ittiham aktı elan olunub.

Elan olunmuş ittiham üzrə K.Ağazadə özünü təqsirli bilmədiyini deyib.

Daha sonra zərərçəkmiş Həcər Kəngərli ifadə verib. O, istintaqa verdiyi ifadəsini təsdiqləyib. Söyləyib ki, onunla barışıq üçün heç bir cəhd edilməyib.

K.Ağazadənin vəkili Aqil Layıcov isə qeyd edib ki, istintaq dövründə H.Kəngərliyə barışıq və 3600 manat pulun ödənilməsi təklif edilib. Lakin H.Kəngərli bunu qəbul etməyib.

Zərərçəkmiş H.Kəngərli isə belə bir təklif almadığını deyib.

Vəkil A.Layıcov zərərçəkmişə sula verib ki, "əgər sizə dediyiniz zərər ödənilərsə, o zaman Kəmalə xanıma qarşı şikayətiniz olacaqmı?"

Zərərçəkmiş H.Kəngərli isə "kim nə əməl edibsə, cəzasını almalıdır" cavabını verib.

Məhkəmədə zərərçəkmiş H.Kəngərli K.Ağazadəyə qarşı daha bir iddia səsləndirib. O bildirib ki, K.Ağazadə onun övladını abort etdirib: "Kəmalə Ağazadə insan alverinə qarşı mübarizə apardığını söyləyir. Amma mənim özüm, övladım insan alverinin qurbanı olduq. Mənim  övladım abort edilərək tələf olub. Bunun səbəbkarı və günahkarı da Kəmalə Ağazadədir".

K.Ağazadə zərərçəkmişin bu dediklərini təəccüblə qarşılayıb.

Vəkil A.Layıcov məhkəməyə müraciət edib. Bildirib ki, zərərçəkmişin bu iddiasının araşdırılması üçün xüsusi qərar çıxarılsın.

Hakim isə qeyd edib ki, bu işin hazırda araşdırılan cinayət işi ilə heç bir əlaqəsi olmadığı üçün baxıla bilməz.

Zərərçəkmiş H.Kəngərli 3600 manat pulu K.Ağazadəyə verməsinin səbəbi barədə də ifadə verib. O, daha əvvəl K.Ağazadənin təşkilatında layihədə işlədiyini deyib: "Kəmalə xanım həmin layihənin uzadılması üçün Səhiyyə Nazirliyinə rüşvət veriləcəyini demişdi. Biz də bu işdən maaş aldığımız üçün istənilən məbləği verdim".

Məhkəmədə digər zərərçəkmiş Mahirə Sadıqova da ifadə verib. O bildiirb ki, K.Ağazadənin rəhbərlik etdiyi təşkilatda sosial işçi, daha sonra isə psixoloq kimi işləyib.

M.Sadıqova söyləyib ki, K.Ağazadə ondan 2100 manat pul alıb: "Həmin pul Səhiyyə Nazirliyinə rüşvət kimi veriləcəkdi. Yəni Kəmalə Ağazadə bu məqsədlə bizdən alıb. Çünkü çalışdığımız layihə daha bir neçə uzadılmalı idi".

Zərərçəkmiş M.Sadıqova ona dəymiş zərərin ödənildiyini bildirib.

Məhkəmə iclası davam etdirilir.

İttiham aktına əsasən, QHT sədri öz qulluq mövqeyindən istifadə etməklə aldatma və etibardan sui-istifadə edib, özgənin xeyli miqdarda əmlakını dələduzluq yolu ilə ələ keçirib, vətəndaşlara rüşvət verməyə təhrik edib.

Bundan başqa, o, vətəndaşı xidməti vəzifəsinin icrası ilə əlaqədar ediləcək hərəkətin müqabilində səlahiyyətli vəzifəli şəxsə rüşvət verməyə təhrik edib və həmin əməli təkrarən törədib.

Belə ki, K.Ağazadə 1998-ci ilin oktyabr ayından hazırkı vaxtadək Azərbaycan Uşaqları Birliyinin sədri vəzifəsində işləyərkən Səhiyyə Nazirliyi HİV/AİDS, vərəm və malyariya ilə mübarizə proqramının Layihə Əlaqələndirmə Bürosu və Səhiyyə Nazirliyi arasında Qlobal Fondun “Əhalinin riskli qrupları və vətəndaş cəmiyyətinin iştirakı ilə milli imkanlarının genişləndirilməsi, profilaktika və mülicənin gücləndirilməsi vasitəsi ilə Azərbaycanda HİV/AİDS epidemiyasına qarşı cavab tədbirlərinin mükəmmələşdirilməsi” lahiyəsinin tətbiqi üçün 2015-ci ilin avqust ayının 17-də Həcər Kəngərli, Mahir Bayramov və Mahirə Sadıqova ilə 5 ay müddətinə göstərilən işlərin yerinə yetirilməsi üçün fərdi qaydada müqavilə bağlayıb. Həmin müqvilənin müddəti bitdikdən sonra o, Səhiyyə Nazirliyində işləyən aidiyyətı vəzifəli şəxsə rüşvət verməklə əməkdaşlıq müqaviləsinin müddətinin uzadılmasına və bunun əsasında onlarla yenidən xidmət müqaviləsi bağlayacağının mümkün olduğunu bildirib.

K.Ağazadə xidməti səlahiyyətlərinin icrası ilə əlaqədar edəcəyi hərəkətə görə, vəzifəli şəxsə verilməsi üçün alınacaq rüşvətin müqabilində həmin işi həll edəcəyini yalandan vəd verib. O, 2015-ci ilin sentyabr və oktyabr ayında Azərbaycan Uşaqları Birliyinin faktiki fəaliyyət göstərdiyi binasında hissə-hissə olmaqla Həcər Kəngərlidən 3600 manat, Mahir Bayramovdan 2100 manat və Mahirə Sadıqovadan 2100 manat olmaqla, ümumilikdə, 7800 manat məbləğində pul alıb, özünün şəxsi ehtiyaclarına xərcləyib.

K.Ağazadə Cinayət Məcəlləsinin 178.2.3-cü (dələduzluq, şəxs tərəfindən öz qulluq mövqeyindən istifadə etməklə törədildikdə), 178.2.4-cü (dələduzluq, xeyli miqdarda ziyan vurmaqla törədildikdə) və 32.4,312.2-ci (ələ alma, sövdələşmə, təhrik etmə, vəzifəli şəxs tərəfindən bilə-bilə qanunsuz hərəkətlər etməyə görə ona rüşvət vermə və ya təkrar rüşvət vermə) maddələri ilə ittiham edilir.

Onun barəsində polisin nəzarətinə verilmə qətimkan tədbiri seçilib.

ŞƏRH YAZ
1

Həbsxanaya telefon keçirilməsinin qarşısı alındı

Həbsxanaya telefon keçirilməsinin qarşısı alındı
10:35
Bu gün
50
Ölkə
A
Ədliyyə Nazirliyi Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində Həbsxanaya və 15 saylı Cəzaçəkmə müəssisəsinə qadağan olunmuş əşyaların keçirilməsi cəhdlərinin qarşısı alınıb.

Xidmətin İctimaiyyətlə əlaqələr şöbəsindən  "Ölkə.Az"-a verilən məlumata görə, martın 20-də Cinayət Məcəlləsinin 234.4.1; 234.4.3; 234.1; 67.1-ci maddələrinə əsasən 8 il müddətinə azadlıqdan məhrum edilmiş və hazırda Penitensiar Xidmətin Həbsxanasında cəza çəkən məhkum Səlimov Kamran Kamil oğlunun yanına qısamüddətli görüşə gəlmiş bibisi Bakı şəhər sakini Kərimova Nahidə Yunus qızı tərəfindən gətirilmiş sovqata və üzərinə baxış keçirilən zaman ona məxsus əl çantasının içində 1 ədəd “Samsung” markalı mobil telefon və bir ədəd danışıq kartı aşkar edilib. 

Martın 21-də isə Cinayət Məcəlləsinin 120.2.1; 120.2.3; 120.2.4; 120.2.7; 120.2.12; 29, 120.2.1; 29, 120.2.3; 29, 120.2.4; 29, 120.2.7; 29, 120.2.12; 28, 214.2.1; 28, 214.2.3; 214.2; 220.2; 228.3; 228.4; 233; 278; 279; 281.2; 283.2.3; 315.2; 66.3; 317.2.1; 67.1-ci maddələrinə əsasən 18 il müddətinə azadlıqdan məhrum edilmiş və hazırda Penitensiar Xidmətin Həbsxanasında cəza çəkən məhkum Bağırov Taleh Kamil oğlunun yanına üç azyaşlı övladları ilə birgə qısamüddətli görüşə gəlmiş arvadı Bakı şəhər sakini İsmayılzadə Leyla Miryaqub qızı tərəfindən gətirilmiş sovqata və əşyalarına baxış keçirilən zaman uşaq çantasının içində oyuncaqların arasından 1 ədəd “Samsung” markalı mobil telefon və bir ədəd danışıq kartı aşkar edilib. 

Bundan başqa, martın 21-də Cinayət Məcəlləsinin 180.2.3-cü maddəsi əsasən 4 il müddətinə azadlıqdan məhrum edilmiş və hazırda Penitensiar Xidmətin 15 saylı Cəzaçəkmə müəssisəsində cəza çəkən məhkum Axundov Fərman Ağadadaş oğlunun qısamüddətli görüşə gəlmiş Bakı şəhər sakini Axundov Cavanşir Ağadadaş oğlunun üzərinə baxış keçirilərkən metadon həbləri aşkar edilib. 

Hər üç faktla bağlı araşdırma aparılır. 

Ölkə.Az

ŞƏRH YAZ
0

Bu gün bu ərazilər işıqsız qalacaq

Bu gün bu ərazilər işıqsız qalacaq
10:19
Bu gün
112
Ölkə
A
"Bu gün saat 10:30-dan 14:30-a qədər Xəzər rayonunun Buzovna, Nardaran və Bilgəh qəsəbələrinin bir hissəsinə elektrik enerjisinin verilişində qısamüddətli fasilələr yaranacaq".

 "Ölkə.Az" xəbər verir ki, bu barədə  "Azərişıq" ASC-nin mətbuat xidmətindən məlumat verilib.

T.Mustafayevin sözlərinə görə, fasilə Xəzər rayonu ərazisindəki elektrik veriliş xətlərində aparılan təmir-bərpa və yenidənqurma işləri ilə əlaqədardır.

Yaranacaq narahatlığa görə "Azərişıq" abunəçilərdən üzr istəyib.

Xatırladaq ki, 2019-cu ilin əvvəlində Bakının Binəqədi, Xəzər rayonları da daxil olmaqla, ölkənin 10-dan artıq regionuna "Azərişığ"ın texnika ilə yüklənmiş maşın karvanı göndərilib.

Ölkə.Az

ŞƏRH YAZ
0
BAĞLA