Qida Təhlükəsizliyi Agentliyi topladığı rüsumların 50 faizini özünə götürəcək

Qida Təhlükəsizliyi Agentliyi topladığı rüsumların 50 faizini özünə götürəcək
16:32
12.10.2018
689
Siyasət
A
Parlament “Dövlət rüsumu haqqında” Qanununda dəyişikliklər edib.

"Ölkə.Az" xəbər verir ki, bu barədə deputatlara Ağalar Vəliyev məlumat verib.

Deputat bildirib ki, dəyişikliklərin mahiyyəti Qida Təhlükəsizliyi Agentliyinin topladığı rüsumların 50 faizi dövlət büdcəsinə keçiriləcək, 50 faizi isə agentliyin büdcəsində saxlanılmasını nəzərdə tutur.

Onun sözlərinə görə, bu addım agentliyin əməkdaşlarının sosial rifahının gücləndirilməsinə xidmət edəcək.

Komitə sədri Əli Hüseynli isə bildirib ki, indiyə qədər bir sıra dövlət qurumlarında bu cür addımlar atılıb və effektiv nəticəsi olub:

“Qida Təhlükəsizliyi Agentliyinin şəffaf fəaliyyəti göz önündədir. Agentlikdə Asan Xidmət modelinə uyğun şəffaflıq müşahidə edirik”.

Qanuna dəyişikliklər səsverməyə çıxarılaraq qəbul edilib.

Vasif Həsənli
Ölkə.Az

ŞƏRH YAZ
1

"Milanda Bakı ilə Yerevan arasında qarşılıqlı anlaşma əldə olundu" — Nazir

21:37
18.12.2018
9524
Siyasət
A
Hesab edirəm ki, Milanda keçirilən son görüşdə ermənistanlı həmkarımla uzun müddətdən bəri ilk dəfə qarşılıqlı anlaşma əldə etdik.

"Ölkə.Az" interfaks-a istinadən xəbər verir ki, bunu diplomatik korpus rəhbərləri üçün 2018-ci ilin yekunlarına həsr olunmuş qəbulda Azərbaycan xarici işlər naziri Elmar Məmmədyarov bəyan edib.

Nazir qeyd edib ki, Qarabağ münaqişəsinin nizamlanması yollarının axtarılması 2019-cu ildə Azərbaycanın əsas vəzifəsi olacaq.

“Vaxtın əksər hissəsini Dağlıq Qarabağ münaqişəsinin həlli yollarının axtarışına sərf etmişəm. Bu, gələn ildə də başlıca vəzifə olacaq. Əsas məqsəd nəzərəçarpacaq nəticələrin əldə edilməsidir”, - deyə o vurğulayıb.

Məmmədyarov bildirib ki, 2019-cu ilin yanvar ayında Ermənistan XİN rəhbəri Zöhrab Mnatsakanyanla görüşdə də münaqişənin sülhlə nizamlanması yolları müzakirə olunacaq:

“Münaqişənin həlli yollarını müzakirə edəcəyik. Azərbaycan münaqişənin sülh yolu ilə nizamlanmasının tərəfdarıdır”.

Ölkə.Az

ŞƏRH YAZ
0

Azərbaycan-Türkiyə 11-ci Yüksək Səviyyəli Hərbi Dialoq İclası başlayıb — FOTO

Azərbaycan-Türkiyə 11-ci Yüksək Səviyyəli Hərbi Dialoq İclası başlayıb
20:43
18.12.2018
5905
Siyasət
A
Ankarada Azərbaycan-Türkiyə 11-ci Yüksək Səviyyəli Hərbi Dialoq İclası öz işinə başlayıb.

"Ölkә.Az" bildirir ki, Müdafiə Nazirliyindən oxu.az-a verilən məlumata görə, əvvəlcə Azərbaycan nümayəndə heyəti Ankara şəhərindəki Heydər Əliyev parkını ziyarət edib. Azərbaycan Respublikasının Müdafiə Nazirliyi adından ulu öndərin abidəsi önünə əklil qoyulub.

Nümayəndə heyəti həmçinin Atatürk mövzoleyini də ziyarət edib. Azərbaycan Respublikasının Müdafiə Nazirliyi adından Atatürkün məzarı önünə əklil qoyulub.

Sonra nümayəndə heyətləri plenar açılış iclasında geniş tərkibdə iştirak ediblər. İclasda həmsədrlərin açılış nitqləri səsləndirilib və regional təhlükəsizlik mühitinin vəziyyətinə dair brifinqlər təqdim olunub.

Daha sonra iclas yardımçı işçi qruplarda davam edib.

Dekabrın 20-dək davam edəcək iclasda Azərbaycan ilə Türkiyə arasında təhlükəsizlik, hərbi, hərbi-texniki, hərbi tibb, hərbi təhsil, hərbi sənaye və digər sahələrdə əməkdaşlığın hazırkı vəziyyəti, inkişaf perspektivləri, hər iki ölkənin orduları arasında dostluq əlaqələrinin möhkəmləndirilməsi məsələləri, eləcə də 2019-cu ildə qarşıda duran vəzifələrin yerinə yetirilməsi üçün əsas fəaliyyət istiqamətləri müzakirə ediləcək.

Hərbi dialoq çəçivəsində müzakirələrdə cari ildə görülmüş işlər təhlil edilərək 2019-cu il üçün fəaliyyət planı razılaşdırılacaq.

Qeyd edək ki, iclasın Azərbaycan tərəfindən həmsədri Müdafiə nazirinin şəxsi heyət üzrə müavini - Şəxsi Heyət Baş İdarəsinin rəisi general-leytenant Kәrim Vәliyev,  Türkiyə tərəfindən isə Baş Qərargahın ikinci rəisi korpus generalı Mәtin Gürakdır.

Ölkә.Az

ŞƏRH YAZ
0
BAĞLA