Qılıncoynadanımız beynəlxalq turnirdə bürünc medal qazanıb

Qılıncoynadanımız beynəlxalq turnirdə bürünc medal qazanıb
09:40
21.10.2018
1222
İdman
A
Türkiyənin Antalya şəhərində qılıncoynatma üzrə "B" kateqoriyalı "Satellite" turnirinə yekun vurulub.

Azərbaycan Qılıncoynatma Federasiyasından "Ölkə.Az"a verilən məlumata görə, sablya üzrə qadınlardan ibarət yığma komandamızın üzvü Səbinə Kərimova turnirin bürünc medalını qazanıb.

Qrup mərhələsində keçirdiyi 6 görüşdən 5-də qələbə qazanan Səbinə uğurlu çıxışın davamını pley-offda da gətirib. 1/8 finalda digər təmsilçimiz Aysel Əhədovaya qalib gələn Kərimova 1/4 finalda Türkiyə idmançısı Aylin Çakırı 15:10 hesabı ilə məğlub edib. Yarımfinala yüksəlməklə turnirin bürünc medalını təmin edən sablyaçımız finalın bir addımlığında polşalı Marta Pudaya uduzub.

Digər təmsilçilərimizdən turnirin 1/4 finalına kimi irəliləyən Sevil Bünyatova yarışı 5-ci sırada tamamlayıb. Mübarizəni 1/8 finalda dayandıran Sevinc Bünyatova da ilk 10-luqda yer almağı bacarıb.

6 ölkədən 27 sablyaçının yarışdığı turnirdə Aysel Əhədova 14-cü, Nərminə Cəfərova isə 21-ci sırada qərarlaşıb.

Ölkə.Az

ŞƏRH YAZ
0

Dasayev, Vəli Qasımov, Qazzayev, Nazim Süleymanov, Qurban Qurbanov — Bakıda pulsuz FUTBOL ŞOUSU

Dasayev, Vəli Qasımov, Qazzayev, Nazim Süleymanov, Qurban Qurbanov
09:13
Bu gün
484
İdman
A
Noyabrın 15-də "Bayıl arena"da veteran futbolçu Vəli Qasımovun əlli illik yubileyi münasibətilə yoldaşlıq oyunu keçiriləcək.

"Ölkə.Az"ın məlumatına görə, qarşılaşmada Rusiya, Ukrayna, Portuqaliya və ispaniya kimi ölkələrin məşhur futbolçuları iştirak edəcəklər. Azərbaycan futbolunun ulduzları Nazim Süleymanov, Elxan Həsənov, Tərlan Əhmədov, Dmitri Kramarenko, Vəli Qasımov, Qurban Qurbanov, Əsgər Abdullayev, Samir Ələkbərov, Novruz Əzimov, Mahmud Qurbanov, Yaşar Vahabzadə, Vidadi Rzayev və Arif Əsədov əməkdar məşqçi Kazbek Tuayevin rəhbərliyi altında meydana çıxacaqlar. 

Rəqib komandada isə Sergey Kiryakov,  Xoakin Parra, Viktor Losev, Nikolay Pisarev, Adolfo Aldana, İ. Yakubovski, İ.Kolivanov, Raşid Raximov, Rinat Dasayev, Roberto Bordin, Valeriy Şmarov, Cande, Camacho kimi ulduz futbolçular məşhur rusiyalı mütəxəssis Valeri Qazzayevin baş məşqçisi olduğu komandada çıxış edəcəklər. 

Qeyd edək ki, saat 17:00-da start fiti səslənəcək oyuna giriş sərbəstdir.

Ölkə.Az

ŞƏRH YAZ
0

"Qarabağ" klubu cərimələndi

16:20
13.11.2018
547
İdman
A
AFFA İntizam Komitəsi "Qarabağ" klubunu 800 manat məbləğində cəzalandırıb.

"Ölkə.Az" xəbər verir ki, buna səbəb Azərbaycan Premyer Liqasının XI turunda səfərdə "Qəbələ"ni 3:1 hesabı ilə məğlub etdikləri matçda Ağdam klubu azarkeşlərinin pirotexniki vasitələrdən istifadə etməsidir. Eyni zamanda “Qarabağ” fanatlarının olduğu sektorda oturacaqlar sındırılıb. 

İntizam Komitəsi qərara alıb ki, "Qəbələ"nin təqdim edəcəyi hesaba uyğun olaraq stadiona dəymiş ziyan “Qarabağ” klubu tərəfindən ödənilsin.

Ölkə.Az

ŞƏRH YAZ
0
BAĞLA