Qırğızıstanda prezident seçkilərinin vaxtı məlum oldu
Atambayev Qırğızıstanda prezident seçkilərinin yeni vaxtını müəyyən edib.
"Ölkə.Az" xəbər verir ki, prezident Almazbek Atambayev Silahlı Qüvvələrin 25 illiyinə həsr edilmiş tədbirdə çıxış edərkən bu barədə məlumat verib.
Məlumata əsasən 2017-ci ilin 15 oktyabr tarixində Qırğızıstanda prezident seçkiləri keçiriləcək.
Çıxış mətninə uyğun olaraq Atambayev rus və qırğız dilində danışıb. Seçkilərin vaxtını isə qırğız dilində elan edib.
Qeyd edək ki, bir neçə gün əvvəl Qırğızıstan parlamenti ölkə konstitusiyasına dəyişiklik edib. Bu dəyişiklik prezident və millət vəkili seçkilərinə aiddir.
Hikmət
Ölkə.Az
