Qırğızıstanın müxalifət partiyası ölkə prezidentini məhkəməyə verdi
Qırğızıstanın "Ata Meken" müxalifət partiyası ölkə prezidenti Almazbek Atambayevi məhkəməyə verib.
"Ölkə.Az" xəbər verir ki, "Ata Meken" partiyasının lideri rüşvət qalmaqalında ittiham edilən və həbsdə olan Omurbek Tekebayevdir.
27 mart tarixində Bişkek məhkəməsində növbəti məhkəmə prosesi keçirilib. Partiyanın hüquqşünası Kanatbek Aziz bildirib ki, məhkəmə "iyverən partiya" frazasının linqvistik ekspertizasını təyin edib. Ekspertlər bir ay ərzində nəticələri bölüşməlidirlər.
Prezidentin məhkəmədəki nümayəndəsi Ayjan Kadırova isə bildirib ki, Atambayev çıxışında "Ata Meken" partiyasının adını hallandırmayıb: "Video çarxa özüm də baxmışam. Atambayevin çıxışında "Ata Meken" partiyası və Omurbek Tekebayev haqqında bir söz də işlədilməyib".
Hikmət
Ölkə.Az
