KORONAVİRUSA YOLUXANLARIN SAYI - CANLI STATİSTİKA

"Qırmızı Körpü"də içki əməliyyatı

19:44
07.11.2019
6723
Ölkə
A
Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında idarənin "Qırmızı Körpü" gömrük postunda Gürcüstandan idarə etdiyi "Volkswagen Passat" markalı nəqliyyat vasitəsi ilə gələn Azərbaycan Respublikası vətəndaşı saxlanılıb və nəqliyyat vasitəsinə baxış keçirilib

"Ölkə.Az"a verilən məlumata görə, gömrük baxışı zamanı yük yerində üzərlərində "Moet Chandan Champagne" yazılan 24 ədəd 0,75 litirlik, "Jagermeister" yazılan 22 ədəd 1 litrlik, "Martini" yazılan 24 ədəd 0,75 litrlik və "Rakı" yazılan 14 ədəd spirtli içki aşkarlanıb.

Faktla bağlı araşdırma aparılır.

ŞƏRH YAZ
1

İnternetin zəifliyi nə ilə əlaqədardır? — KATV1-dən AÇIQLAMA

İnternetin zəifliyi nə ilə əlaqədardır?
12:24
Bu gün
280
Ölkə
A
“COVID-19-u məğlub etmək üçün evdə qalırıq. Televiziya və internet xidmətləri bizə dəstək olur, lakin bu da həddən artıq yüklənməyə səbəb olur”.

Bu sözlər dünən axşam saatlarında yaranmış internet problemi ilə bağlı KATV1-in yaydığı məlumatda yer alıb. 

Bildirilib ki, koronavirusun internetə təsiri barədə uzunmüddətli proqnozlar vermək hələ tezdir, lakin videoxidmətlərin aktiv istifadəsi artıq ilk problemlərə səbəb oldu. 

“Karantin günlərində trafik quruluşu çox dəyişib və şirkət internetin həcmini 40 faiz artıraraq, trafik artımına hazırlaşıb. Lakin iyulun 9-da rekord sayda yüklənmə qeydə alınıb - 53 faiz, bu, bəzi istifadəçilərimizin internetə çıxışı üçün problemlər yaratdı. 

Şirkət artıq avadanlıqların həddən artıq yüklənməsi zamanı gələcək problemlərin qarşısını almağa imkan verən tədbirlər görüb. Anlamaq lazımdır ki, ölkənin xarici və daxili trafiki internetin sürətinə və keyfiyyətinə də təsir göstərir.

Serverləri digər ölkələrdə olan xarici saytlar və tətbiqetmələr xarici trafik hesab olunur və onlara daxil olduqda ölkə daxilində internet şəbəkələri məhdud ötürmə qabiliyyətinə malikdir. 

Bir çox istifadəçimiz koronavirusun yayılması səbəbiylə evdən işləyir. Ofis işi internetin aktiv istifadəsini də əhatə edir, lakin karantin ona yanaşmanı xeyli dəyişdirdi. 

Məsələn, əvvəllər iş otaqlarında keçirilən görüşlər indi onlayn konfranslara çevrilib. Uşaqların təlimləri də internet üzərindən keçirilir. Xarici trafikin miqdarı artarsa, məlumat paketini ötürmək və almaq üçün daha çox vaxt və trafik lazımdır. Eyni problem “Zoom” videokonfransının istifadəçiləri arasında da müşahidə olunur. 

Koronavirusa görə evə qalan insanlar onlayn oyunları aktiv oynayır, internetdə filmə baxır və xəbərləri izləyirlər.

Azərbaycanda ümumi internet istehlakı 22 faiz artdı, lakin eyni zamanda ofis və mobil internet trafiki azaldı, çünki çoxları evdə internetdən (Wi-Fi) istifadə edir”.

ŞƏRH YAZ
0

İcra başçısı Leyla Əliyevanın abadlaşdırdığı parkda özünə restoran tikdirir — FOTO

İcra başçısı Leyla Əliyevanın abadlaşdırdığı parkda özünə restoran tikdirir
12:20
Bu gün
1241
Ölkə
A
Bakı şəhər, Nizami rayon İcra Hakimiyyətinin başçısı Arif Qasımovun rayon ərazisindəki obyektləri, vəzifəsindən sui-istifadə edərək topladığı varidat, qanunsuz torpaq satışı və bu qəbildən olan digər əməlləri barədə mətbuatda çox yazılıb.

Düşünmək olardı ki, ölkədə korrupsiyaya qarşı mübarizə tədbirlərinin sərt xarakter aldığı, icra başçılarının bir-birinin ardınca həbs olunduğu bir vaxtda A.Qasımov bir qədər qorxuya düşəcək və Nizami rayon ərazisi ilə öz dədə-baba mülkü kimi davranması hallarına son qoyacaq. 

Ümumiyyətlə, A.Qasımov o icra başçılarındandır ki, həbsi gözlənilən rayon rəhbərləri sırasında onun adı ön sıralarda çəkilir. Lakin Qasımov cənabları hələ də taxtındadır və hələ də obyektlərinin sayını artırmaqla məşğul olur. Özü də o, ilin-günün bu vaxtında bir qədər də irəli gedərək Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri, hörmətli Leyla xanım Əliyevanın təşəbbüsü ilə İDEA İctimai Birliyi tərəfindən icra olunan layihə çərşivəsində abadlaşdırılmış həyətin ərazisinə göz dikir.

Ötən ilin dekabr ayında sakinlərin istifadəsinə verilmiş həyət Məmmədəli Şərifli küçəsində - “Kəndimiz” restoranının qarşısında yerləşir. “Bizim həyət” adlanan layihənin əsas məqsədi Bakıdakı binaların həyətlərinin ekoloji cəhətdən təmiz və abad edilməsi, şəhər ekologiyasının sütununu təşkil edən yaşıllıqların bərpası, sağlam həyat tərzinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır.

Abadlaşdırılan sözügedən  həyətdə əlil və sağlamlıq imkanları məhdud insanların rahat hərəkəti nəzərə alınıb, bütün yaş qrupları üzrə uşaqların inkişafı üçün əlverişli şərait yaradılıb. 

Həyətin açılışında şəxsən Leyla xanım Əliyevanın özü iştirak edib.  Lakin çox təəssüf ki, rayonun icra başçısı Arif Qasımov bu ərazini sakinlərə çox gördü. Açılış mərasimindən sonra həmin abadlaşdırılmış yeni həyətdə restoran tikintisinə başladı. Nəticədə həyətin kifayət qədər geniş ərazisi zəpt olundu, yeni salınmış ağaclar yerindən çıxarılaraq zibilliklərə daşındı və beləliklə də uşaqların oynamasına, əylənməsinə maneə yaradıldı. 


İndi təsəvvür edin ki, bu adam heç nədən çəkinmir. Leyla xanım Əliyevanın abadlaşdırdığı və sakinlərin istifadəsinə verdiyi həyətdə də obyek tikir, öz varidatını genişləndirir. Əgər məsləhət və uyğun olsaydı elə layihədə iaişə obyekti inşa olunardı. Deməli uyğun gəlməyib, yaşayış binalarının düz qarşısında restoran tikilməsi məsləhət bilinməyib. Ərazi başdan ayağa sakinlərin ixtiyarına verilib. Amma Arif Qasımov açılışdan dərhal sonra parkda restoran tikməyə başladı. Bu obyekt sakinlərə, uşaqların oynamasına mane olur. 

Dərdimizi kimə deyiriksə eşitdiyimiz o olur ki, həmin obyekt Arif Qasımovun oğlunundur.  Başa düşmürük, dövlətin torpaqları ilə niyə dədə-baba malı kimi davranırlar? Saya gəlməyəsi qədər restoranları var, bizim həyətə niyə göz dikirlər? 

 

 

 

 

 

 

ŞƏRH YAZ
0
BAĞLA